|
O TREN DE CAIXANOVA O mércores 4 de marzo, os rapaces e rapazas de 1º, 2º e 3º fixemos unha viaxe a Pontevedra no Tren de Caixanova. Un autobús viu ao colexio a buscarnos para levarnos a estación do tren. Alí había nenos e nenas doutros colexios que tamén viñeron connosco. Subimos ao tren e cando estabamos sentadiños nos nosos asentos apareceron uns animadores moi simpáticos, Piter e Lolo. Pasamos un rato estupendo mentres disfrutabamos dos seus chistes, bromas, da paisaxe e dos túneles nos que sempre quedabamos ás escuras, ¡QUE GRITOS UAAAAH!
|
 |
 |
O chegaren a Pontevedra as azafatas de Caixanova, que tamén viaxaban con nós, invitáronos a zume e galletas. Despois de tomalas sentámonos a ver un teatro divertidísimo, cando rematou fixemos un pequeno percorrido pola estación e logo, voltamos ao tren. O maquinista deunos permiso para visitar a súa cabina e mesmo, algúns de nós, puidemos tocar a bucina. ¡PIPIIII, PIPIIII...! Pero... ¡vaia sorpresa que levamos cando vimos a Piter e a Lolo cargadiños de agasallos para nós! Todos e todas recibimos unha mochila e un estoxo de pinturas. Por último, voltamos ao autobús que nos deixaría de novo no noso colexio. ¡Gustounos tanto esta viaxe que sería marabilloso poder repetila! ¡ADEUSSSSS!!! |
