O martes día 3 de marzo, o alumnado de 1º e 2º de ESO asistiu ao concerto didáctico Gallaecia, Gallaeciños no Auditorio de Galicia.

O espectáculo consistiu nun divertido percorrido pola historia do jazz e nel puideron escoitar cancións de artistas da altura de Duke Ellington, Charlie Parker ou Miles Davis.

O alumnado do noso centro participará nunha charla informativa sobre o uso correcto de Internet e o emprego axeitado das redes sociais máis utilizadas polos adolescentes. Esta actividade está enmarcada dentro do Plan Director para a convivencia e mellora da seguridade nos centros educativos e inclúese no noso Plan de acción titorial.

A charla terá lugar nas sesións de titoría que se indican a continuación:

5º e 6º de Educ. Primaria: Mércores 4 de marzo

1º e 2º ESO: Mércores 4 marzo

3º e 4º ESO: Mércores 11 de marzo (APRAZADA)

VALERIA PONTE REGOS. 6º INFANTIL

Parabéns para os nosos alumnos que no concurso de pintura infantil das "XXV Xornadas arredor das Camelias" obtiveron o 1º premio.

BRAIS OTERO REDONDO. 1º ESO

Na categoría de 3 a 6 anos VALERIA PONTE REGOS.  5 anos

Na categoría C (de 10 a 12 anos).  BRAIS OTERO REDONDO.  12 anos

  CELEBRAMOS O ENTROIDO 2020 COMO CUMPRÍA... AO GRANDE!!!

COMEZOU CO MECO,  UN PHOTOCALL, UNHA PRESENTACIÓN DO ENTROIDO EN GALICIA... E REMATARÁ CUN FESTIVAL DE COMPARSAS E GRUPOS O 21 DE FEBREIRO!!!

EN PRIMARIA O DESFILE DARÁ COMEZO ÁS 12:00, ESTADES TODOS CONVIDADOS                                                                 

       O ANO QUE VÉN MÁIS E MELLOR!!!

      Grazas a todos e a todas pola vosa colaboración e participación!!!

O pasado venres 14 de febrerio o alumnado de 3º e 4º de Educación Primaria asisitiu ao concerto "Con fusión" Píscore e a banda municipal de música.

Teatro, humor, comedia xestual, clown e participación do público son as señas de identidade deste espectáculo que ten como eixo principal unha marimba e no que teñen cabida diferentes ritmos (música latina, rock and roll, reagge, pop ou música disco).

O pasado 28 de xaneiro o alumnado de 1º e 2º de Educación Primaria disfrutou da obra A galiña azul, problablemente un dos contos máis populares de Carlos Casares no Teatro Principal.

Publicada en 1968, foi unha das primeiras obras editadas en galego para o público miúdo. Nela saen persoaxes inesquecibles.

Os cativos e as cativas voltaron encantados!!!!                                 

O Departamento de Francés do noso CPI organizou unha saída didáctica a Santiago de Compostela o luns 27 de xaneiro. Esta actividade estivo dirixida ao alumnado de Francés de 2º, 3º e 4º de ESO, que tivo a oportunidade de asisitir á representación da obra titulada Quasimodo.

Trátase dunha adaptación da clásica e universalmente coñecida novela Notre-Dame de Paris,  escrita por Victor Hugo, cuxa posta en escena correu a cargo de BHM Producciones.