O venres 15 de febreiro o alumnado de 4º de ESO tivo a oportunidade de participar nunha demostración de boccia; trátase dunha disciplina deseñada para persoas con disversidade funcional e aceptada como deporte paralímpico dende 1984.

A Asociación Aixiña, de Ourense, foi a encargada de darlle a coñecer en profundidade ao noso alumnado este deporte adaptado. 

Velaquí tedes o artigo publicado en "La Voz de Galicia" o 17/02/2019.

O alumnado de Educ. Infantil asistiu a un espectáculo de danza titulado "Burbullas de papel" no auditorio da Fundación.

Este espectáculo en verbas combina a danza, a música e a interacción multimedia, creando unha proposta visual e plástica que xoga dende a imaxinación d@ nen@ para ir a un mundo fantástico. 

Roger, un trompetista namorado das burbullas, coñece a unha fada traste  que lle axudará a acadar o seu obxectivo: devolverlle as ganas de xogar, rir, imaxinar e danzar a todo o mundo. 

O alumnado de 1º e 2º de Educ. Primaria asistiu ao espectáculo GAIA no Teatro Principal de Santiago de Compostela

Unha historia en movemento na que a pintura, a música e o audiovisual axúdannos a descubrir a intensidade, o poder e as belezas do noso planeta e dos seus tesouros naturais. 

O Departamento de Francés do noso CPI organizou unha saída didáctica a Santiago de Compostela o luns 28 de xaneiro. Esta actividade estivo dirixida a todo o alumnado de Francés de Educación Secundaria, que tivo a oportunidade de asisitir á representación da peza teatral Le petit malade imaginaire.

Tratábase dunha adaptación da clásica e universalmente coñecida comedia do autor Jean-Baptiste Poquelin, "Molière", cuxa posta en escena correu a cargo de BHM Producciones. 

O alumnado de 5º e 6º de Educación Primaria realizou unha saída didáctica o venres 25 de xaneiro ao Auditorio de Galicia (12:00h) para ver o espectáculo "De tradición", con Suso Vaamonde, onde coñeceron de primeira man multitude de instrumentos populares galegos e o seu funcionamento.

A desfrutar rapaces!!!

  O Departamento de Música do noso CPI organizou unha saída didáctica co alumnado de 2º, 3º e 4º de ESO para asistir ao concerto do percusionista de música contemporánea Roberto Oliveira o luns 21 de xaneiro, en Santiago de Compostela.

"Elektronik Kontainer" é unha sorprendente proposta en formato de multipercusión, electrónica e arte audiovisual que seguramente non deixou indiferente aos asistentes a este espectáculo.     

O alumnado de 3º e 4º de ESO asistiu no día de hoxe á exposición ubicada na casa do Concello "Á violencia de xénero dille NON".

Parémonos a reflexionar sobre o que está a acontecer.

O alumnado de 2º de ESO estivo a participar nun taller sobre prevención do consumo de drogas. Esta actividade vén recollida no Plan de Acción Titorial do noso centro e levouse a cabo nas catro sesións de Titoría que se indican a continuación.

Datas de celebración: 11, 18 e 25 de xaneiro e 1 de febreiro.

Impartido por: Yolanda Neira (psicóloga do Concello de Boqueixón)

O alumnado de 1º de ESO estivo a participar nun taller sobre habilidades e competencias sociais. Esta actividade enmárcase no Plan de Acción Titorial do centro e levouse a cabo nas catro sesións de Titoría que se indican a continuación.

Datas de celebración: 16 e 23 de xaneiro e 6 e 13 de febreiro.

Impartido por: Yolanda Neira (psicóloga do Concello de Boqueixón)

O mércores 9 de xaneiro, o alumnado de 3º de ESO recibiu unha charla informativa sobre prevención do consumo de alcol e drogas, enmarcada dentro do Plan Director para a convivencia e mellora da seguridade nos centros educativos.

 O alumnado de 1º e 2º ESO asistiu o xoves 17 de xaneiro á representación da obra de teatro "Be cool!", unha entretida comedia de enredo coa que puideron poñer en práctica a súa comprensión oral en inglés.

En canto rematou a función, tiveron a oportunidade de exercitar a súa destreza na pista de patinaxe sobre xeo situada na Alameda de Santiago de Compostela.

O Departamento de Música do noso CPI organizou o xa tradicional Concerto de alumnos/-as, no que os grupos de ESO mostraron o traballo musical realizado ao longo do primeiro trimestre. Asistiu a esta actividade o alumnado do centro a partir de 3º de Educ. Primaria.

Data: Venres 21 de decembro.

Hora: 12.00h.

Lugar: Salón de actos.

Este concerto estivo aberto a todas as familias da nosa comunidade educativa que desexaron asistir.