O pasado xoves, 13 de abril, visitou o noso centro a escritora galega máis lida no 2022, Antía Yáñez. Estivo co alumnado do Club de Lectura de 5° e 6° de EP. Faloulles do seu libro "Plan de rescate" e asinoulles os exemplares. A rapazada tamén puido facerlle preguntas sobre a súa obra e conversar con ela.

O alumnado de 4ºC de EP e o da Aula Específica desfrutaron estos días de varias sesións de Ioga impartidas pola orientadora do centro. 

A práctica desta disciplina ten moitos beneficios:

- Mellora da habilidades de atención, contración e memoria.

- Axuda á relaxación.

- Favorece a flexibilidade, equilibrio e control do corpo.

- Axuda a xestión da enerxía, a manexar situacións difíciles e aumenta a confianza e a autoestima.

Dende o departamento de educación física púxose en marcha un proxecto co obxectivo de incrementar a actividade física do alumnado. Dito proxecto está dentro do Plan de Vida Activa e Deportiva do Centro, o cal está enmarcado no Plan Proxecta pertencente á Consellería de Educación. No proxecto que presentamos, o alumnado de 5º e 6º de educación primaria, nos recreos de martes e xoves, tentará percorrer os máximos metros posibles dando voltas patinando na pista do pavillón polideportivo. A intención é dar a volta ao mundo, de xeito virtual, sumando toda a distancian que percorran os alumnos/as participantes. Estes, participan por quendas; mentres uns patinan outros/as contabilizan as voltas e, o día seguinte, cambian os roles. Por outra banda, poderán comprobar canto levan feito, nesa volta ao mundo, coa suma da distancia percorrida entre todos/as. Ademais, poderán comprobar o percorrido a través dun padlet creado, ex profeso, para elo. Deste xeito, eles/as mesmos/as poderán comprobar o que levan percorrido entre todos/as e en que punto do planeta atópanse dun xeito ilustrativo. Ademais, por outra banda, serviralles de elemento motivador para continuar co proxecto con máis ganas aínda.

Co gallo da conmemoración do Día Internacional da Muller, o alumnado de primaria do centro realizou unha investigación sobre diferentes mulleres que realizaron importantes achegas ás ciencias mariñas.

A investigación e a posterior exposición (que podedes ver na entrada do centro) baséase no proxecto "Océanicas" do Instituto Español de Oceanografía.

O alumnado de 1º de EP xuntouse para conmemorar o Día da Muller. Dentro do proxecto "Os océanos", investigaron sobre Jimena Quirós e sobre Ángeles Alvariño. Compartiron datos relevantes sobre as vidas destas grandes oceanógrafas.

Outra das pioneiras traballadas foi María Vázquez, mestra na Escola nº2 de Miño ata o 1936 que loitou en prol da igualdade.

Aquí tedes os seus traballos.

A profesora Mónica Mato participou no programa PIALE (Programa integral de aprendizaxe de linguas estranxeiras) realizando unha estadía en Canadá.

A continuación adxuntamos un Padlet onde se pode visualizar a experiencia da profesora e o Plan de Difusión en PDF.

 

 

 

Estimadas familias:

Invitámosvos á próxima Xornada de Portas Abertas, na que poderedes coñecer o noso traballo e instalacións de primeira man.

Así mesmo, invitámosvos a seguir a nosa conta de Instagram, onde poderedes estar ao día en canto a actividades do noso centro:

https://www.instagram.com/cpi_castrobaxoi/?hl=es

Prezados/as integrantes da nosa comunidade escolar:

Nesta entrada aparecerán os documentos e información relativa ao proceso da renovación parcial do Consello Escolar do noso centro educativo para este curso 2022/23.

- Información inicial. (Inclúe a data do sorteo da Xunta Electoral, 2 de novembro, e a constitución da mesma, 4 de novembro).

- Sorteo da composición da Xunta Electoral (resultado publicado no taboleiro de anuncios do centro).

- Circular informativa da convocatoria para as nais, pais ou titores legais do alumnado.

O censo electoral está publicado no taboleiro de anuncios do centro.

- Modelo candidatura representantes.

- Convocatoria alumnado.

O censo electoral está publicado no taboleiro de información do alumnado.

- Modelo candidatura alumnado.

- Convocatoria profesorado.

- Modelo candidatura profesorado.

Este venres día 28, Infantil, Primaria e Secundaria celebraremos o MAGOSTO e o SAMAÍN.

Teremos unha actuación musical do grupo tradicional "Tanto nos ten", grazas a ANPA.

Teremos a un Castañeiro así que despois da actuación musical, poderemos degustar unhas ricas castañas. Dende a ANPA  proporcionarannos as bebidas e virán voluntarios para axudar a repartilas. 

Por último, temos preparados uns xogos populares para o alumnado de Infantil e Primaria. Para o alumnado de ESO tamén haberá xogos e películas terroríficas.

Moitisimas grazas a todos e a todas por facer posible que vaiamos desfrutar dunha xornada tan xenial.

Chega o Samaín e queremos que vexades os contos terroríficos que están creando nas aulas. No seguinte enlace está a recopilación.

Padlet cos contos terroríficos

Ademáis o curso pasado fixemos uns contos colaborativos, e aquí tedes o video dun deles.

Conto terrorífico colaborativo do 2021