Taboleiro

Estimados pais/nais, de acordo coa Orde do 29 de maio de 2008 (DOG do 6 de xuño) polo que se establece o procedemento para a implantación da xornada lectiva en sesión única de mañá, iniciase o proceso de solicitude para que, se así o desexa a maioría da comunidade educativa, se poida implantar no vindeiro curso 2016-2017.

    Segundo establece a normativa vixente, o procedemento a seguir será:

1. Acordo do Consello Escolar, por maioría dos tres quintos dos seus membros.
2. Acordo do Claustro de Profesores/as, por maioría dos tres quintos dos seus membros.
3. Acordo favorable do 58% do total do censo das nais, pais ou titores legais do alumnado.
4. Plan específico de actividades extraescolares.
5. Solicitude ao Delegado de Educación.

Para ler ou descargar a circular completa en formato PDF, premede na seguinte ligazón

Este curso a liga escolar de badminton adiantouse ao primeiro trimestre. Temos 73 alumn@s, que están competindo nos recreos matutinos por tentar conquerir avanzar ronda nos cadros de competición.

De momento a competición feminina está na ronda de cuartos de final e a masculina está na ronda previa.

Xa vos irei informando sobre o desenrolo da competición.

Ánimo a tod@s.

Jose

Dende o pasado día 7 de abril estívose disputando o habitual Campionato de fútbol-sala no pavillón de primaria. Este ano participaron cinco equipos de categoría feminina e oito equipos de categoría masculina. Na categoría feminina o torneo foi gañado con moita autoridade polas rapazas de 6ºB, sendo elixida mellor xogadora do torneo Alexia Gómez.

Na categoría masculina os resultados movéronse pola sorpresa continua. Na primeira fase caeron eliminados os alumnos de 6º A( a priori chamados a estar cando menos en semis). Nas semis, despois dun apretadísimo partido resolto na derradeira xogada os rapaces de 5ºB eliminaron por un axustado 4-3 aos alumnos de 6ºB. Na outra semifinal os nenos de 4ºB eliminaron na tanda de penaltis aos seus homólogos de 4ºA.

A gran final disputouse entre 5ºB e 4ºB. Un partido sen claro dominador no que os nenos de 4º B se levaron a final por un marcador de 5-3, sendo elixido mellor xogador do torneo Juan Pablo.

Moitas grazas a tod@s por participar.

Jose

Comunícaselle a todos os pais/nais que o CPI da Cañiza, intentando promover a creación de hábitos de alimentación saudables, participa este curso nun “Plan de consumo de froita na escola”, en convenio co FOGGA ( Fondo galego de garantía agraria).

Esta axuda concédese para mercar froita para os nenos/as de infantil e primaria durante catro semanas: do 2 ao 6 de febreiro, do 2 ao 6 de marzo, do 13 ao 17 de abril e do 4 ao 8 de maio.

Así pois, a próxima  semana, na hora do recreo, repartirase a todo o alumnado de infantil e primaria unha peza de froita fresca de tempada.  

A DIRECCIÓN

No CPI da Cañiza, a AEV (Aportación Económica Voluntaria) é unha cota totalmente voluntaria por parte das familias, aprobada polo Consello Escolar e pola Inspección Educativa  e supervisada por unha Comisión Económica,  da que forman parte pais, alumnos e profesores.

Esta cota complementa os ingresos da Consellería de Educación para o servizo do comedor e utilízase fundamentalmente para:

-          Mellora do menú.

-          Melloras na cociña e no comedor: fontanería, electricidade, carpintería, pintura, etc.

-          Adquisición e reparación de electrodomésticos: forno, frigoríficos, etc.

-          Reposición e compra de menaxe: potas, pratos, cubertería, etc.

-          Compra de productos de limpeza e droguería.

Neste curso os ingresos para o comedor reducíronse nunha porcentaxe bastante importante, uns 20.000 € menos no primeiro trimestre, polo que é fundamental que as familias que poidan fagan esta achega.

A AEV realízase en dúas aportacións anuais e, en función do número de irmáns, cada unha é de:

1 alumno……………………15 €

                   2 alumnos………………….25 €

                   3 ou máis alumnos…….30 €

En definitiva, grazas a esta cota, que, repito, é totalmente voluntaria,  o servizo de comedor do CPI da Cañiza, onde comen uns 600 alumnos, tanto os que pagan como os que non, vese mellorado no seu funcionamento e redunda na calidade tanto das instalacións, como da cociña (tren de lavado, forno, mesas quentes, etc.), como na calidade dos propios productos alimenticios; en definitiva, no beneficio dos seus fillos.

A DIRECCIÓN