4º ESO
Actividades de revisión:
- Lectura de O narrador e o punto de vista (páx. 36)
- Comentario do narrador e punto de vista dos seguintes textos:
Todos os días, denantes de saír cara á clase de inglés, o meu pai entregábame un sobre grande e voluminoso para Mr. Bridge. Tamén todos os días me facía as mesmas advertencias:
-Vai dereito á casa de Mr. Bridge; non te entreteñas; non deixes que ningúen che colla o sobre- dicíame con gravidade, coutando con firmeza os meus intentos de impedir que continuara con aquela ladaíña que xa sabía de corrido.
X. Antonio Moreno. O cable inglés
Don Caetano era polo de entón un home de idade indefinible. Sempre fora un nugallán amorriñado. O que el dicía –“para iso son morgado”- cando de neno teimaban de lle facer debullar o latín. Pequeneiro de corpo, de pouco xenio, gastaba as horas mortas facendo solitarios ou paseando pola grande solaina de norte, que deixaba axexar por riba da muralla do patio o que se pasaba polo camino e na rectoral. O seu vivir era deixarse levar polo vivir do pazo (…) Gracias ás sabias disposicións e costumes dos antergos, as cousas figuraban facerse de por si, por unha vontade natural.
R. Otero Pedrayo. Os camiños da vida
Un día escapoulle o nome, Irene, pero Castro non nola presentou nunca. Cando dicía non, mañá non podo, teño algo que facer, e a man selaba como un carimbo o ar, sabíamos que ese algo era a tal Irene, que supuxemos inglesa ou irlandesa, pois el pronunciara Airin. E cantámoslle a vella canción que algunha noite animada pechaba a velada no Old Crow: Irene, good night!, Irene, good night!
Manuel Rivas. A man dos paíños
Ti, onte, fixeches o mesmo de tódolos días. Non sabes se vale a pena recordalo. Só quererías recordar, deitado alí, na penumbra da túa alcoba, o que vai suceder: non queres prever o que xa sucedeu. Na túa penumbra, os ollos ven cara adiante; non saben adiviñar o pasado.
Carlos Fuentes. La muerte de Artemio Cruz
- Fonética: Vocalismo (páx. 16) Consonantismo (páx. 40-41)
- Identifica os fonemas sinalados nas seguintes palabras:
Bola
Paisaxe
Can
Ramallo
Festivo
Che
Soño
Música
Ningunha
