EXPERIMENTO 4º PRIMARIA, XUÑO 2022
Dentro do Programa “Unha enxeñeira ou científica en cada cole”, chamounos a atención o experimento de Física Divertida: Viscosidade de fluídos.
Precísase:
- Recipiente de plástico, vaso dosificador, 320 ml de fariña de millo, 120 ml de auga, papel de periódico, papel de cociña (para limpar) e toalliñas húmidas (para limpar)
O noso é un fluído non newtoniamo (a viscosidade varía coa forza aplicada)
Proceso:
1º- Protexemos a superficie na que imos traballar con follas de periódico.
2º- Medimos a cantidade de fariña de millo e de auga.
3º- Introducimos a fariña no táper, imos engadindo a auga pouco a pouco e mesturamos coas mans ata que a mestura sexa homoxénea.
4º- Se metemos a man, collemos e soltamos aplicando unha forza pequeña, funciona coma un fluído.
5º- Se aplicamos unha forza grande coa man, funciona coma un sólido e non salpica nada de nada.
Para ilustrar este experimento aportámosvos un vídeo que gravou Sara na súa casa.
