Despois de estudar a Terra e o Sistema Solar durante este curso, a clase de 5º Curso de Educación Primaria do CPI Ramón Piñeiro seguiu alimentando o seu interese con todas as novidades que, ao longo do curso escolar, apareceron nos informativos e nos xornais. Para conseguir unha mellor comprensión dos misterios que garda o espazo, nos dous primeiros trimestres, foise fraguando a posibilidade de conseguir unha videoconferencia con Don Arturo Fernández González (Asturias), enxeñeiro industrial, Xefe da Sección de Electrónica de Potencia da Axencia Espacial Europea , ESA, con sede en Leiden (Holanda). Este longo período de tempo permitiulles incorporar preocupacións totalmente actualizadas sobre os novos éxitos na aventura espacial deste século XXI, así como preguntas sobre o acceso igualitario das mulleres a postos de relevancia nestas organizacións internacionais e recompilar información sobre o acceso a os mesmos. Un grupo de estudantes de 4ª curso da E.S.O. foi convidado a esta videoconferencia e apreciaron moito a experiencia.
 |
 |
 |
Texto da entrevista |
|
Presentación |
