CHARLA ADICCIÓN AOS VIDEOXOGOS.
(19-03-2024)
Unha das funcións do Departamento de orientación é axudar ao crecemento educativo e persoal do alumnado, así como asesorar e colaborar no desenvolvemento transversal dos temas transversais. Un destes temas transversais é a educación para a saúde (educación sexual, prevención do consumo de sustancias e prevención de condutas aditivas). Neste último bloque, un problema que actualmente está a aparecer con frecuencia na infancia e a adolescencia é a adicción ás novas tecnoloxías e aos videoxogos. No día de hoxe o alumnado de 5° e 6° de eduación primaria e de 1° e 2° da ESO tiveron unha charla por parte dun especialista da Garda Civil (dentro do Plan director de formación a centros educativos) sobre a adicción aos videoxogos. Que mecanismos empregan os videoxogos actuais para que os adolescentes queden "enganchados"? cando son un adicto? cales son os síntomas dunha adicción? Foron algunhas das cuestións que xurdiron, así como informacións sorprendentes acerca do diñeiro que algunhas persoas chegaron a gastar en videoxogos on-line. Unha interesante formación que agardemos axude na prevención de condutas aditivas aos videoxogos.
