No programa para o acto de Graduación de 2° de Bacharelato cos nosos alumnos e alumnas como principais protagonistas, preparáronse distintas actuacións. A vicedirectora, Isabel Dobaño, e o secretario, Josecho González, colaboraron en todos os preparativos. Os presentadores Elena Fraga e Pedro Fariña foron os perfectos anfitrións. Ademais dos discursos da directora, Marta Martínez, e as titoras, María Rei e Olaya Fernández (titora do curso anterior) houbo dúas presentacións de proxeccións realizados polas alumnas Nuria García (coa colaboración do profesor Carlos López) e Tania Fraga. As actuacións musicais en directo foron brillantes, tanto por parte de Mariña Pérez coma de Daniela Montes. E, como non, os representantes de cada grupo presentaron o seu discurso cunhas moi boas pinceladas de humor, tan necesarias. A entrega de becas e agasallos foi o momento álxido do acto de graduación e esperamos sexa un gran recordo. Desexámosvos o mellor e esperamos saber pronto de vós como mulleres e homes de futuro cumprindo os vosos soños de vida.