IES Agra de Leborís (A Laracha)

A irmandade entre A Laracha e Les Sables d'Olonne faise realidade cunha representación do noso alumnado de 3° da ESO acompañados pola súa profesora Ana Rodríguez. Seguro gozando moito deste intercambio, dando sentido ao aprendido en clases e favorecendo a comunicación coa lingua e coa cultura francesa.
O alumnado da Laracha estará esta semana en Francia do 9 ao 15 de abril. O alumnado de Les Sables d'Olonne virá do 5 ao 12 de maio. 

Convócanse os premios extraordinarios de bacharelato correspondentes ao curso 2022-2023.

O prazo de presentación de solicitudes comezará o día 26 de abril de 2023 e rematará o día 25 de maio de 2023.

https://www.edu.xunta.gal/portal/node/39544

Orde do 20 de marzo de 2023

Extracto da Orde do 20 de marzo de 2023

Publicada a Instrución 2/2023 da Dirección Xeral de Ordenación e Innovación Educativa pola que se precisan aspectos da Orde do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en educación infantil, educación primaria, educación secundaria obrigatoria e bacharelato, para o curso 2022-2023.

Máis información aquí.

O EDLG está a preparar distintas actividades dedicadas ao 23 de febreiro: Día de Rosalía de Castro.

O 23 de febreiro de 1837 nace Rosalía de Castro, fai 186 anos, como follas que leva a Figueira de Rosalía no Xardín Botánico-Artístico de Padrón, como figueiras en cada casa galega, como referente da nosa literatura galega e do feminismo.