Música

Departamento de Música

Concerto de fin de curso

Xov, 16/06/2016 - 10:37 — IES A Sangriña

Start: 09/06/2016 12:20

Timezone: Etc/GMT+1

O pasado día 9 de xuño tivo lugar o concerto de Fin de curso do alumnado de Música do centro, no que interviron rapaces e rapazas de 2º, 3º e 4º de ESO e 1º do Bacharelato, cun programa que incluía variadas obras e pezas musicais.

Puidemos escoitar desde cantigas da Idade Media ata bandas sonoras ou temas da música popular moderna. O programa tamén incluía arranxos de temas tradicionais irlandeses ou jazz. O acto finalizou co alumnado e o público gozando e cantando repertorio da música popular cubana e galega.

O departamento de Música quere transmitir o seu agradecemento a todo o alumnado e profesorado que colaborou no evento, así como todas as persoas que asistiron como público.

Podedes premer na seguinte ligazón para escoitar parte do concerto.

Calendario

As Letras con Música

Mér, 11/05/2016 - 21:13 — IES A Sangriña

Start: 09/05/2016 12:00

Timezone: Etc/GMT+1

O pasado día 9, dentro do marco das I Xornadas dos Libros ás Letras organizadas por Normalización Lingüística, celebrouse o día da Música. Puidemos gozar da intervención musical nas voces de María Rodríguez, Alfredo Garrido e a colaboración de Tino Baz, ao cal agradecemos especialmente a súa presenza no acto.

Un bonito repertorio que incluíu cancións como María Balteira (composta polo grupo A Quenlla co poema de Darío Xohán Cabana), O carro (poema de Manuel María) e Galiza mailo Minho (poema conxunto de Joâo Verde e Amador Saavedra) que reflicte unha bonita historia das dúas ribeiras.

Podedes ver o vídeo da actuación premendo aquí.

Calendario

Continuous professional development" ERASMUS + PROGRAMME

Ven, 18/03/2016 - 13:40 — IES A Sangriña

Durante a primeira semana de marzo, e dentro do marco europeo de continuo desenvolvemento profesional "Continuous professional development" ERASMUS + PROGRAMME", o profesor de música Alfredo Garrido realizou un curso en Dublín de introdución ao sistema educativo Irlandés, consistente en diferentes ponencias, talleres, grupos de debate e visitas, incluíndo centros escolares da capital Irlandesa.

Todo isto cos obxectivos de reforzar a adquisición de novas competencias por parte do alumnado, mediante a introdución de tecnoloxías da comunicación (ICT), e a creación de redes europeas para futuros proxectos en común.

Ao curso asistiu profesorado de trece países europeos, e foi unha excelente oportunidade para crear vínculos e xerar contactos. Como colofón, as persoas participantes realizaron presentacións utilizando os recursos aprendidos no transcurso do mesmo.

Alumnado de ESO asiste a un concerto da orquestra sinfónica de Galicia

Xov, 03/12/2015 - 16:13 — IES A Sangriña

Start: 02/12/2015 11:00

Timezone: Etc/GMT+1

O pasado dous de decembro o alumnado de 3º e 4º de ESO, acompañado polo profesorado do Departamento de Música, tivo a oportunidade de asistir a un concerto didáctico da orquestra sinfónica de Galicia, en Santiago de Compostela.

Gozaron dun programa moi atractivo e interesante, puideron escoitar diferentes movementos das obras dos compositores dos periodos galante e clásico coma "Luigi Boccherini " e Wolfgang Amadeus Mozart, do que escoitaron pezas de danza coma serenatas, marchas, minués e rondeaux. O director da orquestra, Maximino Zumalave, explicou os diferentes movementos, o propósito e o sentimento dos mesmos. Tamén puideron escoitar instrumentos da época como a trompa de postillón. Finalmente, algúns alumnos e alumnas conversaron persoalmente con el sobre cuestións musicais.

Unha experiencia interesantísima para gozar, espertar a sensibilidade, comprender e palpar a música de primeira man.