O xoves día 2 de maio, dentro das actividades propostas polo Club de Lectura xogamos unha partida a un xogo de rol. Se xa normalmente desfrutamos dunha boa historia de ficción, canto máis se a creamos nós mesmos! e ademais somos os protagonistas! Pasamos a tarde xogando ao clásico xogo Dungeons & Dragons.
O mago lanzando feitizos de lume, a guerreira atravesando as ventás e lanzándose ao ataque, o clérigo lanzando curacións máxicas e o pícaro usando o seu estoque. Os dados de vinte caras rodaron e ao final os heroes levaron a vitoria. Na aldea de Phándalin non se fala doutra cousa. En definitiva, pasamos unha tarde divertida creando a nosa propia aventura, descubrimos como vai eso dos xogos de rol e ao final o tempo pareceunos curto.