Skip to Content

Orientación

Becas xerais do MEFP para o curso 2024-25

Mar, 19/03/2024 - 14:47

Dende o 19 de marzo e ata o próximo 10 de maio podedes solicitar as becas e axudas de estudos de niveis postboligatorios do Ministerio de Educación y Formación Profesional.

ENLACE: https://www.educacionfpydeportes.gob.es/servicios-al-ciudadano/catalogo/general/05/050130/ficha/050130-2024.html e premer en "acceso a la tramitación a la sede electrónica"

Están destinadas a aquel alumnado que ten intención de facer o próximo curso Bacharaleto, Formación Profesional de Grado Medio, de Grado Superior ou Formación Profesional Básica, entre outros estudos postobligatorios.

Hai que pedilas antes do 10 de maio, independentemente de que non saiban todavía que tipo de estudos que van cursar o ano que ven. En Orientación ou Vicedirección podemos resolver algunhas das dúbidas que poidan surxir.

O cadro resumo...

E a orientadora preparou un genially informativo que está moi ben...https://view.genial.ly/623cb65f3e2de80011d346cd/interactive-image-becas-mefp

Calquera dúbida en Orientación ou Vicedirección.

Blog online de Orientación do IES Coruxo

Mar, 16/01/2024 - 18:49

Preme na imaxe para acceder ó Blog online de Orientación para alumnado do IES Coruxo ou preme na seguinte ligazón: https://www.elorienta.com/movil/?yafxb=62729 

Coñecendo de primeira man as posibilidades formativas máis actuáis: FORMAMOS´24

Xov, 18/04/2024 - 20:39

O pasado 10 de abril o alumnado de 1º Bacharelato tivo a oportunidade de visitar a Feira de formación de Mos, feira orientada a coñecer a oferta formativa unha vez rematen os seus estudos no Instituto.

Con este escaparate formativo e a través de distintos stands no que se desenvolvían distintas actividades, tiveron a oportunidade de coñecer as diferentes posibilidades formativas e mesmo de ter encontros con profesionais de cada sector.

    

Todo isto forma parte do Programa de Orientación ao alumnado de Bacharelato para axudarlles na súa orientación académica. Esta actividade compleméntase con outras que se están a facer no Instituto, como a visita a Universidade de Vigo (https://www.edu.xunta.gal/centros/iescoruxo/node/818), a información sobre determinados graos moi demandados (https://www.edu.xunta.gal/centros/iescoruxo/node/841), as experiencias contadas por exalumnado sobre os diferentes grados e ciclos formativos de grado superior que están a estudar na actualidade, as charlas informativas sobre a ABAU (https://www.edu.xunta.gal/centros/iescoruxo/node/771) ou coas sesións informativas que se realizarán dende o Departamento de Orientación, entre otras.

Información sobre Maxisterio e Traballo Social da UVigo

Dom, 31/03/2024 - 21:46

O pasado mércores 20 de marzo tivemos a fortuna de que nos informasen de primeira man sobre os graos que se imparten na Facultade de Educación e Traballo Social e para iso contamos co Decano, coa Vicedecana e profesorado da facultade.

A charla tivo lugar no salón de actos do Instituto e estivo dirixida ó alumnado de 1º Bacharelato e ó alumnado de Humanidades e Ciencias Sociais de 2º Bacharelato.

  

Maxisterio de Infantil e Primaria e Edicación e Traballo Social son graos históricamente moi demandado polo noso alumnado, por iso que mellor que ter os que mellor nos poden informar deste tema no noso Instituto.

Agradecemos dende aquí á presencia da “plana maior” da Facultade para informar e resolver tódalas dúbidas ó noso alumnado interesado. Grazas!

Formando ó alumnado axudante para un novo modelo de xestión dos conflitos

Ven, 29/03/2024 - 22:14

A búsqueda dun novo modelo de convivencia que xestione os conflitos dun xeito eficaz e colaborativo e que ademáis inclúa a xestión emocional como parte do seu ADN é un bonito reto que temos por diante no noso Instituto.

Neste sentido e, a partires dos obradoiros de conflito e convivencia desenvolvidos o pasado 15 de xaneiro, púxose en marcha o programa de alumnado axudante, que consiste na resolución de conflitos de baixa intensidade entre iguais (alumnado) coa colaboración do profesorado-titor do programa e baixo a coordinación da Orientadora Nuria e do Xefe de Estudos Xose.

O alumnado axudante de cada grupo seleccionouse nunha sesión baixo a supervisión dos coordinadores e o profesorado-titor (Lorena, Javi, Alejandra e Rodrigo) e elixiuse entre os compañeiros e compañeiras de cada aula. En total 3 alumnos/as por aula de 1º, 2º e 3º ESO.

Posteriormente, o alumnado seleccionado tivo unha formación de dúas mañás (29 de febreiro e 1 marzo) na AAVV de Coruxo para aprender a resolver os conflitos entre iguais.

  

  

  

  

A posta en marcha do alumnado axudante previsiblemente evolucionará no alumnado mediador, un paso máis no noso futuro modelo de convivencia e xestión de conflitos.

Estas actuacións enmárcanse dentro do programa Convive-T do CP Inclúe, programa que ten como obxectivo mellorar a convivencia no IES Coruxo a través de prácticas innovadoras na xestión de conflitos.

Integrando a xestión emocional no IES Coruxo

Mér, 27/03/2024 - 16:45

Conscientes da importancia da xestión das emocións no noso entorno escolar e de integralo no noso modelo de convivencia, desenvolvéronse durante o segundo trimestre unha serie de obradoiros relacionados coa xestión emocional a través de técnicas de respiración.

Neste Obradoiro, dirixido neste caso ó alumnado de 2º ESO, adicaronse 5 sesións de duración para cada grupo e desenvolvéronse nesas sesións técnicas de respiración co fin de ter unha percepción clara dos efectos beneficiosos da respiración consciente e dirixida, identificando estados emocionais insanos, recoñecendo os efectos da ansiedade, medo, estres, ira.. e poder dotarse de ferramentas para cambiar dende ese estado insano a un estado emocional sano.

  

  

Tamén para o vindeiro mes de abril están programadas unhas sesións para que o profesorado adquira as ferramentas necesarias que axuden nesa mellora da xestión emocional.

Evidentemente, a xestión das emocións non se plantexa como algo puntual, senón que forma parte do plan estratéxico do Instituto que busca integrar esta xestión das emocións do noso alumnado e profesorado no modelo de convivencia para resolver conflictos, mellorar o benestar do alumnado e mellorar a convivencia na aula, convertido o espazo escolar nun entorno máis amable.

Esta importante liña de actuación dentro do modelo de convivencia compleméntase coa posta en marcha do programa de alumnado axudante e mediación que consiste na xestión da resolución de problemas entre iguais. Ademáis, se está desenvolvendo un grupo de traballo entre o profesorado para debatir sobre un renovado modelo de convivencia no Instituto para o vindeiro curso; modelo integrador, participativo, amable e efectivo na xestión dos conflictos.

Estas actuacións, que son un paso previo a un enfoque mais integral da xestión  emocional no centro, enmárcanse dentro do programa Emociona-T do CP Inclúe, programa que trata de fomentar o benestar emocional de toda a comunidade educativa.

8M no IES Coruxo

Dom, 10/03/2024 - 16:15

O pasado venres 8 de marzo conmemoramos no IES Coruxo o Día Internacional da Muller. Para reivindicar este día leváronse a cabo unha serie de actos e actividades no noso Instituto.

En primer lugar e durante a semana previa nas titorías o alumnado colaborou de forma voluntaria na elaboración dun photocall, composto por dúas ás para voar cara a igualdade.... Cada alumno ou alumna podía recortar unha pluma e por unha mensaxe relacionada coa igualdade.

  

Xa o mesmo venres, unha vez composto dito photocall, algúns alumnos e alumnas fixéronse fotos posicionándose coa igualdade

Xa para rematar, alumnado de 1º Bacharelato leu un bonito manifesto no patio central do Instituto que facemos noso, de todo o Centro.

  

Pola loita para acadar unha igualdade real entre homes e mulleres dende o IES Coruxo!

  

 

Coñecendo os diferentes graos universitarios da UVigo

Sáb, 02/03/2024 - 20:32

O pasado día 21 de febreiro o alumnado de 1º Bacharelato visitou a Universidade de Vigo para coñecer de primeira man os graos universitarios que podían ser do seu interese, así como as facultades da Universidade de Vigo onde se impartían.  

Nos días previos o alumnado decidiu á opción coa que estaba máis interesado entre as ramas de artes e humanidades, enxeñería, ciencias da saúde ou ciencias xurídicas. En función dos seus intereses, acudirían ás facultades orientadas a cada rama con un profesor/a.

   

Na propia facultade pudieron informarse das titulacións relacionadas con cada rama e visitaron, guiados polos seus profesores/as, as instalacións da propia Universidade

A cuestión é que dende 1º Bacharelato empecen xa a ter unha primeira idea do grao universitario, de ser o caso, que lles pode interesar facer no futuro. 

"Hackeando o machismo" no IES Coruxo

Sáb, 24/02/2024 - 14:20

As redes sociais supuxeron un cambio na forma en que a mocidade exprésase, comunícase, relacionase e interactúa, outorgando ao mundo virtual un amplo espazo nas súas vidas persoais.

Durante os días 5 e 8 de febreiro tiveron lugar, dentro das actuacións de igualdade no Instituto, uns obradoiros adicados a tratar o tema da igualdade de xénero nas redes sociais e destinados ao alumnado de 3º ESO.

Neste obradoiro procurouse interpelar ao alumnado e animalo a ter unha conciencia crítica, aprendendo a ver como o machismo impregna as nosas vidas de xeitos sutís e fomentando posicionamentos críticos, proporcionando referentes novos e animando a crear contidos que dean conta de realidades máis plurais, diversas e igualitarias.

  

  

Estas actuacións son un paso previo para a creación dos futuros equipos de igualdade dentro do propio Instituto e enmárcase dentro do programa Iguala-T do CP Inclúe, programa que ten como obxectivo aproveitar as oportunidades de mellora na convivencia no IES Coruxo.

Cadea de favores polo Día da Paz no IES Coruxo

Sáb, 03/02/2024 - 10:31

O pasado día 30 de xaneiro celebrouse no IES de Coruxo o día escolar da non violencia e a paz.

Entre todo o alumnado dos primeiros cursos da ESO (especialmente en 1º e 2º ESO) elaboraron cos seus compañeiros/as e titores/as unhas cadeas de papel no que cada un escribía nunha arandela as boas accións ou “favores” que fan aos seus compañeiros/as de aula.

Unindo todas as arandelas temos a cadea de favores.

  

O fin desta actividade é fomentar dinámicas positivas de convivencia, visibilizando ás axudas entre iguais que realmente sí fan entre os compañeiros e compañeiras do Instituto.

Podemos presumir como Instituto que a relación entre alumnos e alumnas é, en xeral, moi entrañable, e que existe un gran respecto e cariño entre o alumnado.

Probas de acceso a ciclos de FP de grao medio e superior

Mar, 16/01/2024 - 23:06

Educación afectivo-sexual no IES Coruxo

Ven, 15/12/2023 - 07:20

Temos claro que é iso do sexo? Necesitamos conseguir habilidades que nos permitan unha vivencia plena, responsable e constructiva da nosa sexualidade. e, con este motivo, organizáronse os obradoiros para tratar de dar formación afectivo-sexual ao noso alumnado, obradoiros que se levaron a cabo durante o pasado luns e xoves co alumnado de 3º ESO.

Nestes obradoiros tratouse de dar unha formación integral sobre sexualidade, destacando a importancia de ter unhas relacións afectivo-sexuais sanas, coñecendo a anatomía e fisioloxía sexual humana e informando sobre os diferentes métodos de protección e ITS.

   

Os obradoiros levanse a cabo dentro do programa Quérote + organizado pola Dirección Xeral de Xuventude, Participación e Voluntariado da Xunta de Galicia (http://xuventude.xunta.es/)

Sentir a música para unha persoa xorda: mochilas vibratorias. CP Inclúe INCLÚE-T

Sáb, 09/12/2023 - 01:04

“Sentir a música a través de mochilas vibratorias, porse na pel dunha persoa xorda e saber cómo poden sentir o ritmo a través das vibracións”….todo isto é o que experimentou o alumnado de 1º, 2º e 3º ESO nas xornadas de sensibilización sobre discapacidade auditiva, levadas a cabo entre o 30 de novembro e o 5 de decembro na aula de Ciencias do IES Coruxo.

Nesta actividade o alumnado puido experimentar cómo perciben a música as persoas xordas e con este fin probaron as mochilas vibratorias, mochilas que rexistran as frecuencias de son e as transforman en vibracións según o tipo de son, permitindo á persona portadora sentir a música a través da vibración.

  

O obxectivo da actividade era que o noso alumnado fose capaz de porse no lugar das persoas que teñen algún tipo de discapacidade (neste caso persoas con discapacidade auditiva) e que aprendan a valorar e afrontar de forma positiva ás dificultades que se presentan na vida.

  

Esta actividade, levada a cabo por unha intérprete en linguaxe de signos e que contou co préstamo gratuíto das mochilas vibratorias por parte do Concello de Nigrán, enmárcase dentro do programa Inclúe-T do CP Inclúe, programa que ten como obxectivo facer un IES Coruxo máis inclusivo.

Os perigos da rede: pornografía e uso inadecuado das TRIC

Xov, 07/12/2023 - 08:49

O pasado venres 1 de decembro o alumnado de 2º ESO participou, nas súas horas de titorías, nus obradoiros organizados pola asociación Alborada en colaboración coa Consellería de Sanidade sobre o uso inadecuado das TRIC e a súa relación co consumo de pornografía.

Dado que o 95% dos rapaces e rapazas entre 10 e 15 anos usan Internet, compre identificar as vantaxes pero tamén os perigos do acceso a certos contidos. Neste sentido no obradoiro trataronse temas de Internet e o uso dos dispositivos móviles, dos videoxogos online ou da xestión das RRSS. Neste sentido tratábase de facer ver ao alumnado de que hai certas contidos que consumen que mostran modelos de relación que son ficticios e trataron de promover no alumnado un uso consciente e responsable das TRIC (Tecnoloxías da Relación, Información e Comunicación)

O Obradoiro forma parte dun proxecto piloto da asociación Alborada e a Consellería de Sanidade (Programa No Enredes) que trata de axudar a alumnos/as, familias e docentes a identificar as ventaxes pero tamén os riscos de Internet e as RRSS.

Non pasa nada, ¿pasa algo?

Mér, 06/12/2023 - 22:31

O alumnado de 4º ESO participou ao longo de 4 sesións de titorías nos obradoiros de reflexión e debate sobre adiccións e o consumo de drogas organizados dende o Concello de Vigo coa colaboración da Xunta de Galicia, dentro do seu programa de prevención de drogas e outras adicccións.

Segundo os datos recollidos polo Observatorio de Galicia sobre Drogas, a maior parte dos/das adolescentes inícianse no consumo de sustancias psicoactivas entre os 14 e os 16 anos, no caso do alcohol e o tabaco, e entre os 15 e 17 anos no do cannabis e a cocaína, idade do alumnado obxectivo.

Neste contexto e con estos obradoiros preténdese que os alumnos e as alumnas do noso Instituto sexan conscientes dos perigos do consumo de calquer tipo de droga, incluído o alcohol e o tabaco, prevenir o seu consumo e promover a adopción de estilos de vida saudables entre os/as adolescentes.

Distribuir contido


by Dr. Radut