Skip to Content

Becas xerais do MEFP para o curso 2024-25

Dende o 19 de marzo e ata o próximo 10 de maio podedes solicitar as becas e axudas de estudos de niveis postboligatorios do Ministerio de Educación y Formación Profesional.

Están destinadas a aquel alumnado que ten intención de facer o próximo curso Bacharaleto, Formación Profesional de Grado Medio, de Grado Superior ou Formación Profesional Básica, entre outros estudos postobligatorios.

Hai que pedilas antes do 10 de maio, independentemente de que non saiban todavía que tipo de estudos que van cursar o ano que ven. En Orientación ou Vicedirección podemos resolver algunhas das dúbidas que poidan surxir.

O cadro resumo...

E a orientadora preparou un genially informativo que está moi ben...https://view.genial.ly/623cb65f3e2de80011d346cd/interactive-image-becas-mefp

Calquera dúbida en Orientación ou Vicedirección.

Probas de Acceso ao Grao en Ciencias da Actividade Física e do Deporte 2024

Convocatoria das Probas de Aptitude Física para o acceso aos estudos de Grao en Ciencias da Actividade Física e do Deporte da Facultade de Ciencias do Deporte e a Educación Física para o curso académico 2024-2025 na Universidade de Vigo e A Coruña:

11ª Convocatoria de Bolsas Eurolingua

Eurolingua Venairlanda® lanza a súa 11ª convocatoria de Bolsas Eurolingua para a realización de Cursos de Inglés en Irlanda de dúas semanas de duración durante o verán nun programa de inmersión todo incluído.

Constan dun lote global de 20 bolsas dirixidas a estudantes universitarios, de secundaria, bacharelato ou formación profesional cunha dotación orzamentaria achegada por Eurolingua Venairlanda na súa totalidade.

O programa está financiado ao 100% e inclúe:

  • Recollida no aeroporto e traslado ao aloxamento en función da idade e destino.
  • A data do curso será no verán, nos meses de xullo ou agosto. No caso de forza maior, o estudante poderá modificar a data do curso.
  • Aloxamento en familia ou residencia/apartamentos en función da idade e destino.
  • Proba de nivel.
  • Programa de 20 clases de inglés semanais.
  • Material didáctico.
  • Programa de actividades culturais, visitas e excursións.
  • Certificado de aproveitamento do curso expedido polo colexio.
  • Supervisión por Monitores de Eurolingua en destino.
  • Teléfonos de emerxencia 24 horas.
  • Non incluído, pero xestionable gratuitamente, o billete de avión.

PRAZO DE SOLICITUDE DA BOLSA

Ata as 23.59 horas do 21 de abril de 2024.

  • Para comprobar requisitos pica aquí.
  • Se non cumpres requisitos pica aquí.

Integrando a xestión emocional no IES Coruxo

Conscientes da importancia da xestión das emocións no noso entorno escolar e de integralo no noso modelo de convivencia, desenvolvéronse durante o segundo trimestre unha serie de obradoiros relacionados coa xestión emocional a través de técnicas de respiración.

Neste Obradoiro, dirixido neste caso ó alumnado de 2º ESO, adicaronse 5 sesións de duración para cada grupo e desenvolvéronse nesas sesións técnicas de respiración co fin de ter unha percepción clara dos efectos beneficiosos da respiración consciente e dirixida, identificando estados emocionais insanos, recoñecendo os efectos da ansiedade, medo, estres, ira.. e poder dotarse de ferramentas para cambiar dende ese estado insano a un estado emocional sano.

  

  

Tamén para o vindeiro mes de abril están programadas unhas sesións para que o profesorado adquira as ferramentas necesarias que axuden nesa mellora da xestión emocional.

Evidentemente, a xestión das emocións non se plantexa como algo puntual, senón que forma parte do plan estratéxico do Instituto que busca integrar esta xestión das emocións do noso alumnado e profesorado no modelo de convivencia para resolver conflictos, mellorar o benestar do alumnado e mellorar a convivencia na aula, convertido o espazo escolar nun entorno máis amable.

Esta importante liña de actuación dentro do modelo de convivencia compleméntase coa posta en marcha do programa de alumnado axudante e mediación que consiste na xestión da resolución de problemas entre iguais. Ademáis, se está desenvolvendo un grupo de traballo entre o profesorado para debatir sobre un renovado modelo de convivencia no Instituto para o vindeiro curso; modelo integrador, participativo, amable e efectivo na xestión dos conflictos.

Estas actuacións, que son un paso previo a un enfoque mais integral da xestión  emocional no centro, enmárcanse dentro do programa Emociona-T do CP Inclúeprograma que trata de fomentar o benestar emocional de toda a comunidade educativa.

Avaliación de diagnóstico 2023/2024

En cumprimento da nova lei educativa estatal, este curso está previsto en todas as comunidades autónomas a realización das probas da avaliación de diagnóstico para o alumnado de 4.º curso de educación primaria e 2.º curso de educación secundaria obrigatoria. No caso de Galicia, terán lugar os próximos días 10 e 11 de abril.


Pode atopar máis información no seguinte documento dirixido ás familias:


https://www.edu.xunta.gal/portal/sites/web/files/ad2324_faq.pdf

Aquí tamén se fala….galego!

O IES Coruxo sumouse á campaña “Aquí tamén se fala galego”, unha iniciativa con actuacións destinadas a promover o uso do galego na contorna do alumnado. O proxecto comezou no IES Rafael dieste da Coruña e sumáronse mais de 200 centros por toda Galicia, e o noso foi un dos primeiros centros en sumarse.

A campaña consiste en preguntar por locais ou sitios da contorna se poden poñer un cartaz do Instituto para fomentar o uso do galego. Librarías, clubes de fútbol como o Dépor ou Celta, comercios...estanse a sumar masivamente a esta campaña. O fin é eliminar prexuízos de que na nosa cidade non se fala galego e sensibilizar sobre o uso do galego na nosa sociedade.

   

Dentro desta campaña estanse a facer unha serie de gravacións e entrevistas; neste sentido a revista “A Movida” entrevistou a alumnado de 2º Bacharelato implicado na campaña, entrevista que podedes ler aqui: https://amovida.gal/falamos-co-alumnado-do-ies-coruxo-sobre-a-campana-aqui-tamen-se-fala/

  

#aquítaménsefala

8M no IES Coruxo

O pasado venres 8 de marzo conmemoramos no IES Coruxo o Día Internacional da Muller. Para reivindicar este día leváronse a cabo unha serie de actos e actividades no noso Instituto.

En primer lugar e durante a semana previa nas titorías o alumnado colaborou de forma voluntaria na elaboración dun photocall, composto por dúas ás para voar cara a igualdade.... Cada alumno ou alumna podía recortar unha pluma e por unha mensaxe relacionada coa igualdade.

  

Xa o mesmo venres, unha vez composto dito photocall, algúns alumnos e alumnas fixéronse fotos posicionándose coa igualdade

Xa para rematar, alumnado de 1º Bacharelato leu un bonito manifesto no patio central do Instituto que facemos noso, de todo o Centro.

  

Pola loita para acadar unha igualdade real entre homes e mulleres dende o IES Coruxo!

  

 

Xa temos instalado o noso "Punto Laranxa"

Xa tedes acceso ao noso "Punto Laranxa" nesta páxina web. Esta medida forma parte do Plan Integral contra o acoso e ciberacoso escolar publicado recentemente pola Consellería de Educación como unha actualización do protocolo educativo relativo ao acoso escolar.

Tanto se formas parte do alumnado, do profesorado ou das familias do centro e tés algún problema, sufres acoso ou sabes de alguén que o esté a pasar mal por este tema, non o cales!!!!!

Podes facelo de xeito físico escribindo unha nota e depositándoa no buzón ou no Punto Laranxa da nosa web, os teus datos serán tratados con total confidencialidade e tamén pode facerse de forma anónima.

Non quedes calado, escoitámoste!

Noraboa a nosa premiada no XIII Concurso Nacional Verso en Lúas!

A nosa alumna María Tatiana Del Río García gañou o 3º premio do XIII Concurso nacional de Creación "Avelina Lamas", consistente na creación dunha portada orixinal a partir dun texto literario.

  

Previamente e, nas materias de Lengua e Literatura Castellana e en colaboración co Departamento de Tecnoloxía na materia de Intelixencia Artificial para a Sociedade e Dixitalización, fixeron unha actividade consistente na elaboración de portadas dos libros que están a ler en Lengua Castellana en 4º ESO.

Houbo portadas fantásticas e unha delas resultou premiada…con este tipo de actividades trátase de introducir novas metodoloxías na aula, máis novidosas e atractivas para o alumnado e, se ainda por riba hai premio, mellor que mellor…

Noraboa á nosa premiada!! Noraboa Tatiana!!!

Sensibilizar sobre o acoso e a igualdade a través do teatro: “Mozas nas redes”

Novas formas de sensibilizar sobre a igualdade e o acoso: teatralizando esceas que poden suceder nas redes sociais…

O pasado mércores 28 de febreiro alumnado de 4º ESO tivo a sorte de poder presenciar unha magnífica obra de teatro, “Mozas nas redes”, protagonizada pola actriz Estíbalez Veiga no noso salón de actos.

Cunha magnífica posta en escea e baseada no tema do acoso en redes sociais, a actriz interpreta situacións de acoso de catro mozas adolescentes de diferente condición social, e como foron estas interceptadas por distintos acosadores en coñecidas redes sociais.

Unha sucesión de episodios onde a actriz muda de personaxe, facendo a trama de cada unha das acosadas e que acompaña con cartaces divulgando palabras claves que debemos rexeitar ou engadir nas nosas comunicacións online.

  

  

Con esta marabillosa obra sobre o acoso tratamos de sensibilizar ó noso alumnado na igualdade a través de actividades que van máis aló dunha simple charla, e que fan reflexionar sobre un tema  moi importante que podería afectar ó noso alumnado: o grooming nas redes sociais.

O Proxecta + “Por 365 días de respecto e igualdade” é un proxecto da Consellería de Educación no que foi seleccionado o Centro e que consiste no desenvolvemento dun proxecto relacionado coa prevención da violencia de xénero dentro do ámbito educativo.

 

Experimentando a combustión na UVigo

O pasado 23 de febreiro alumnado de 3º ESO participou en diferentes experimentos de combustión na Escola de Enxeñería de minas e enerxía da Universidade de Vigo.

A partir de diferentes explicacións sobre a combustión e en grupos de 25 alumnos/as, fixéronse diferentes experimentos nos que puido participar e manipular obxectos o propio alumnado.

  

  

Con este tipo de actividades, trátase de reforzar os coñecementos adquiridos na aula dun xeito práctico e divertido, apostando por metodoloxías no que o alumnado sexa o protagonista do seu propio aprendizaxe. Esta é a liña que buscamos para os próximos cursos.

Admisión de alumnado para o curso 2024-2025

Finalizado o proceso de reserva para o alumnado dos centros adscritos (todo o alumnado dos centros adscritos con solicitude de reserva para 1º de ESO foi admitido), ábrese o prazo do procedemento de admisión entre o 1 e o 20 de marzo, ambos os dous incluídos.

O alumnado procedente doutros centros presentará unha única solicitude no centro no que solicite praza en primeiro lugar. Dita solicitude poderá presentarse:

  • De xeito telemático a través da aplicación admisionalumnadono menú: 2. Solicitudes – 2.2 Admisión – 2.2.2 Crear


  • Na secretaría do centro, en horario de 08:30 a 14:00 horas, entre os días 1 e 20 de marzo. Para axilizar os trámites, poden descargar o documento Admisión e traelo xa cuberto.

 

LISTADO DE VACANTES PARA O CURSO 2024-25:

CURSO VACANTES
1º ESO  2
2º ESO  1
3º ESO  0
4º ESO  6
1º Bac. Ciencias e Tecnoloxía  0
1º Bac. Humanidades e CCSS  0
2º Bac. Ciencias e Tecnoloxía  0
2º Bac. Humanidaes e CCSS  0

 

INFORMACIÓN SOBRE O PROCESO, PRAZOS DE SOLICITUDE E RESOLUCIÓN: Prema AQUÍ

 

LEXISLACIÓN QUE REGULA A ADMISIÓN: Prema AQUÍ

  • Decreto 13/2022, polo que se regula a admisión do alumnado.
  • ORDE do 21 de outubro de 2022 pola que se desenvolve o procedemento de admisión do alumnado.
  • Instrucións da DXCRH sobre o desenvolvemento do proceso de admisión para o curso académico 2024-25.

Ilustracións, lettering, literatura e poesía na Biblioteca do IES Coruxo

Desenvolver a capacidade artística debuxando un personaxe literario ou a través dun obradoiro de lettering co gallo do día de Rosalía de Castro….todas estas capacidades foron as que se desenvolveron nas semanas pasadas na Biblioteca do IES Coruxo.

Por unha banda, para conmemorar o día da Ilustración, convocouse un concurso (dividido en diferentes categorías en función dos cursos) para animar ao alumnado a debuxar un personaxe literario. Personaxes de novela de Castelao, de Leandro Fernández de Moratín, do Duque de Rivas e incluso dos comic manga foron ilustrados polo noso alumnado e os gañadores tiveron fantásticos premios.

  

Por outra banda durante a semana do 19 ao 23 de febreiro tiveron lugar durante os recreos os obradoiros de lettering e pop art coa poesía de Rosalía de Castro (arte de debuxar letras artísticas) e dirixido tamén a todo o alumnado do Instituto.

    

A idea é que a Biblioteca sexa un espazo central no que poder traballar a musltidisciplinariedade a través de actividades de aprendizaxe motivadoras para o noso alumnado.

   

Iniciándose na sustentabilidade no IES Coruxo

O Instituto está a deseñar un novo plan de sustentabilidade medioambiental baseado no aforro enerxético, na recilaxe, no consumo de proximidade, na mobilidade sostible e na sensibilización.

Durante este curso estanse a por en marcha os primeiros pasos orientados, principalmente, a sensibilización e a reciclaxe. Neste sentido, o Centro participa na campaña Pilabot que consiste na reciclaxe de pilas usadas e, no marco deste programa, o alumnado de 1º ESO puido coñecer, a través dun divertido obradoiro, os impactos que xeneran os residuos de pilas e porqué e, ó final do Obradoiro, fixeron un pequeño xogo interactivo.

  

Todas estas pequenas actuacións agardamos que se concreten nos próximos cursos nun plan integral de sustentabilidade que sitúe ó Instituto como un factor promotor da sostibilidade ecolóxica coa colaboración das organizacións da contorna.

Estas actuacións enmárcanse dentro do CP Innova EDUsostibilidade, onde o Instituto comprométese coa sostibilidade medioambiental.

Festival do Entroido: ANPA e IES Coruxo

O pasado 9 de febrero celebramos no IES Coruxo o Festival do Entroido (previamente, durante esa semana, o Meco fixo unha serie de mandados ao alumando e profesorado https://www.edu.xunta.gal/centros/iescoruxo/node/802)

En primeiro lugar tivo lugar o desfile dos disfraces individuais e, posteriormente, desfilaron máis de 10 comparsas polo patio central do Instituto. Repartíanse 3 premios para a categoría de disfraces individuais e 3 para grupos, premios financiados pola nosa ANPA. Os gañadores foron elexidos por unha comisión mixta de profesorado, alumnado e familias.

   

     

A continuación desfilaron os/as profesores/as que fixeron unha coreografía adicada ó mar.

   

Mentres se decidían os gañadores, desfrutamos dunha chocolatada financiada pola ANPA e dos doces que nos achegou o alumnado de 4º ESO.

Antes da entrega de premios, fíxose o xuízo do Meco, a cargo dun grupo de alumnas de 1º Bacharelato no que decidiron que non se queimaba por non contaminar e nunha declaración de intenciones do IES Coruxo de apostar pola sostibilidade.

Nun acto final entregáronse os premios dos gañadores do disfraz individual e por grupos, realizados pola nosa ANPA.

 

 

O mellor foi a colaboración de toda a comunidade escolar na organización do Festival, xa que alumnado, profesorado e familias participaron activamente no desenvolvemento deste acto.

Distribuir contido


by Dr. Radut