Os pasados días 14,17 e 18 de marzo o Departamento de Xeografía e Historia, en colaboración con Afundación-Abanca, e coordinado pola súa profesora Teresa Bellón, retomou co alumnado de 4º de ESO os encontros cos maiores de Betanzos. Este ano a temática escollida é a emigración. Realizáronse catro encontros de dúas sesións cada un (un encontro por cada grupo de 4º). Nos encontros, as emigrantes retornadas compartiron cos estudantes a súa experiencia vital. Xa na rolda de preguntas descubrimos como algúns dos nosos alumnos eran portadores de historias non menos interesantes neste ámbito. Todo isto terá continuidade nun segundo encontro a finais do mes de abril no que os estudantes tras unha pequena investigación na súa contorna máis próximo serán os protagonistas.