Revisión de Exames. Xuño 2016

Picando nos seguintes enlaces pódense consultar as datas e horas previstas por cada profesor/a para a revisión de exames na convocatoria de xuño 2016

 

1º ESO 2º ESO       
3º e 4º ESO 1º BAC

Xornada de fin de curso 2015-2016


O mércores 22 de xuño remata a actividade lectiva no Aguiar por este curso. 

Con "normalidade" terán lugar as catro primeiras horas de clase ata as 12.30. Nese momento daremos paso á actividade festiva cun programa que inclúe

 

O "XIII Torneo de Xadrez Francisco Aguiar" que terá lugar no porche á beira da cafetería ( neste único caso dende as 10,40h)

 

O, xa clásico, festival de Fin de Curso cunha chea de música, baile e teatro  onde diversos grupos amosarán as súas cualidades e o traballo realizado ao longo do ano.

 

Un torneo de Jugger organizado por algúns antigos alumnos. Terá lugar nas pistas exteriorres 

 

Master-class de baile e zumba impartido por alumnas e alumnos de 4º da ESO no Ximnasio

 

 

21.VI.2016. Inaugación da Exposición "Xeo(si)metrías)"

O martes 21 

ás 19 horas

na Libraría Biblos de Betanzos (r/ Santiago,  4)

 

Inaugúrase a exposición que mostra o traballo de "fotografía  en curso" que durante este ano realizaron os alumnos e alumnas de ESO 3º A,  coordinados polo seu profesor de Educación Plástica e Visual, José Manuel Rey Bao. 

Baixo o título de "Xeo(si)metrías" os xoves fotógrafos amosannos unha visión diversa do casco histórico de Betanzos.

Saída didáctica ás Illas Cíes ou "cando os do Aguiar foron ao Paradiso" 21.VI.2016

De auténtica invasión podería cualificarse o que ocorrerá o martes 21 de xuño nas Illlas Cíes. Porque perto de 90 (!) dos nosos alumnos e alumnas  de 4º da ESO e 1º BAC visitarán este recuncho marabilloso e precioso da nosa xeografía e patrimonio natural.

Acompañados por cinco profesores e dirixidos por un guía terán a oportunidade de coñecer un medio natural realmente único enmarcado no Parque Natural das Illas Atlánticas: xeoloxía, modelados, fauna e flora para sorprender e admirar. E non menos sorprenderá o achegamento ás illas en barco e o como remate do labor, o baño nunha das praias máis fermosas ( e de auga máis fría) do mundo a de Rodas.

Unha forma ben instrutiva e fermosa de culminar un duro curso!

 

Concerto Fin de curso, NO ALFONSETTI!

Comezaremos, dende a administración destas páxinas, por pedir disculpas polo erro na convocatoria deste concerto: Non foi na Aula Xulio Cuns, senón no Teatro Alfonsetti! 

Por outra banda, compre destacar o entusiasmo e calidade de interpretes ( alumnos de 1º BAC coa incorporación de Pablo Erias, 3º ESO) e directora (Blanca Bello) que o pasado xoves 16 de xuño fixeronnos pasar un tempo verdadeiramente delicioso e entretido.  Parabéns.

Hora de LER 20 a 22 de xuño 35ª SEMANA [5ª SESIÓN]

35ª SEMANA [5ª SESIÓN]

 
 
E despois de 35 semanas aínda seguimos a manter a nosa perplexidade ante unhas edificantes lecturas como as de Etgar Keret(enlace) ou Frederic Brown(enlace).
 
Ilustración: Pablo Auladell 

Affiche ton français

 

"Affiche ton Français" é unha máis das actividades que o Departamento de Francés do noso instituto realiza para promocionar e facer cada vez máis visible e valorada a lingua e cultura francesa. 

Porque se algo quedou claro neste curso, e noutros antes ca este , é que cando un profesor ou profesora ama a materia que imparte, o recibimento or parte do seu alumnado é totalmente diferente. Por todo este ano, grazas Pacucha, grazas Beatriz. 

96% de aprobados na PAU de xuño. Máis de 4 puntos por riba da media de Galicia

 

Un ano máis os 54 alumnos e alumnas do IES Francisco Aguiar que participaron na selectividade (PAU) amosaron sobradamente a súa capacitación acadando o 96% de aprobados nas Probas de Acceso á Universidade celebradas os pasados 8, 9 e 10 de xuño. 

Cumprirá un estudo máis polo miudo dos resultados da fase xeral pero nunha primeira análise "énchenos de orgullo e satisfacción"(emeritus rex dixit) poder dicir: 

  • Case 1 de cada 5 alumnos (18,5%) acada unha nota superior ao 8
  • O 42,6% do alumnado participante obtén unha cualificación superior ao 7
  • Máis do 85% acada unha nota superior a 6 na selectividade 
  • Resta só un 15% de notas por baixo do 6

 

Queremos dar o noso parabén aos estudantes,

desexarlles o mellor para o futuro

e lembrarlles que o Aguiar seguirá a ser o seu instituto.

Distribuir contido