O alumnado de Cultura Clásica participa de novo no Ludi Compostellani, dirixindo un obradoiro de mosaicos e gozando doutros organizados por outros centros.

O 12 de abril os alumnos de 1º curso de Marketing e Publicidade tiveron un taller destinado a enriquecer os seus coñecementos e habilidades no ámbito dos primeiros auxilios, co fin de que sexan quen de actuar de forma efectiva en situación de emerxencia.

Durante a primeira parte da sesión, afondamos nos fundamentos teóricos dos primeiros auxilios, abordando conceptos clave relacionados coa identificación de riscos, as causas dos accidentes e os procedementos adecuados para abordar cada tipo de situación de emerxencia.

A segunda parte do taller, de natureza totalmente práctica, proporcionounos a oportunidade de poñer en práctica os coñecementos teóricos nun entorno simulado de situacións de emerxencia. Neste contexto, os estudantes enfrontáronse a escenarios simulados de feridos inconscientes que requirían reanimación cardiopulmonar e soporte vital básico. Ademais, abordáronse situación de atragoamento e comprobamos como realizar adecuadamente a manobra de Heimlich para desobstruír as vías respiratorias.

Agradecemos á Cruz Vermella de Betanzos a súa colaboración e dedicación na formación dos nosos estudantes neste aspecto crucial para a seguridade e o benestar da comunidade.

Chuvia e sol...

Agroman nas nosas mans outras flores: os relatos de Carlos Mosteiro e O. Henry.

Accede á proba de CompDixEdu de 2º de Bacharelato na ligazón

https://certificacion-competenciasdixitais.xunta.gal/examinador

O xoves e o venres, visitáronnos as nosas compañeiras do IES Valle de Piélagos de Cantabria. Esta visita forma parte da Fase III do programa da Consellería Observa_Acción. As dúas xornadas foron moi enriquecedoras e as reflexións posteriores de seguro que servirán para mellorar a nosa práctica docente.

O alumnado de 3º da ESO participa nunha actividade de Afundación de Abanca, unhas charlas con maiores sobre a inmigración.

Aproveitar a [breve] tregua que da a chuvia para ler acariñados polas raiolas do sol.

Entre as suxestións de lectura, un relato de Maggie O'Farrell e uns microrrelatos de Ana María Matute.

O alumnado de 2º da ESO está a colaborar no Programa Meteoescolas mediante a elaboración de "poemas meteorolóxicos" na asignatura de Lengua y Literatura Castellana coa profesora Elvira Castro.

A maioría dos poemas están relacionados coa agua, a chuvia, o sol, as treboadas ou o cambio climático.

Velaiquí unha imaxe de 6 dos poemas máis representativos. Pinchade nela para ver a totalidade dos que foron elaborados!

Durante os días 4 e 5 de abril, celébranse no noso centro as I Xornadas de Sostibilidade. Estas xornadas xorden a partir dunha reportaxe periodística sobre a Pegada de Carbono realizada o ano pasado polo alumnado de Elvira Castro e Mª José Pardo.

Contaremos con relatorios de alumnado, de expertos na materia e de políticos comprometidos na busca dun modo de vida máis sostible.