Club de Ciencia - Corte coa Mr. Beam


Nesta ocasión o departamento de tecnoloxía do IES Francisco Aguiar ven de rematar unha actividade realizada co alumnado de 1º da ESO.

Durante dúas sesións, deseñaron un calendario-puzzle chamado "un puzzle ó día", que consiste nun calendario universal no que están representados os nomes dos meses xunto cos días do 1 ó 31 e que a maiores consta de oito pezas dun puzzle deseñadas de tal xeito que a colocación estratéxica das pezas ten que ocultar todos os meses e os números de día agás o mes e o día da data actual. Deste xeito o calendario-puzzle ofrece un desafío diario de como colocar as 8 pezas do puzzle para amosar só a data do día, o que se traduce en 365 desafíos ó ano.


O alumnado deseñou e decorou cadanseu calendario que logo foi gravado e cortado utilizando cartón reciclado e a cortadora láser dos Polos Creativos.

Álbum: / Curso 2023-2024 -> Club Ciencia Tecnoloxía

HORA DE LER

25/02/2024 13:08
Europe/Andorra

Choiva e lectura nestes últimos días de febreiro... 

Axiña comezarán a agromar todas as flores.

ADMISIÓN ALUMNADO ADSCRITO 2024-2025

22/02/2024 12:52
Europe/Andorra



    Todas as solicitudes de reserva de praza presentadas polos centros asdcritos ao IES Francisco Aguiar foron admitidas. 
   Tras este proceso esta é a relación de postos vacantes: 
 
                                        1º ESO: 19 vacantes 
                                        2º ESO: 19 vacantes 
                                        3º ESO:   9 vacantes 
                                        4º ESO: 27 vacantes 
 
1º BAC Ciencias: 11 vacantes 
1º BAC Humanidades: 14 vacantes 
 
                                                                                2º BAC Ciencias: 14 vacantes 
                                                                                2º BAC Humanidades: 11 vacantes

Ampliación do prazo para anotarse na Viaxe a Londres

20/02/2024
Etc/GMT+1

Atención! Por demanda popular, ampliamos o prazo para anotarse na Viaxe a Londres, destinada a alumnado que o ano que vén estea matriculado en 4º da ESO. Toda a información pode consultarse aquí.

Para resolver dúbidas, contacten con Xefatura ou Vicedirección.

ENCONTRO CON MERCEDES CORBILLÓN

19/02/2024 11:10
Europe/Andorra


HORA DE LER #DÍA DE ROSALÍA

18/02/2024 11:33
Europe/Andorra
 
Nesta semana na que se conmemora o día de Rosalía, convidamos a ler unha escolma dos seus poemas e o relato de Xosé Neira Cruz, A verdadeira historia dun dente de Rosalía de Castro.
 
E por que non viaxar da man de Larraitz Urruzola!!!!
 
 
 
 
 
 

A viaxe de Rosalía de Larraitz Urruzola.  

 

AELG

Rap con Rosalía

19/02/2024
Etc/GMT+1

Alumnado de ESO2 goza da actividade "Rap con Rosalía", na semana na que celebramos o día de Rosalía. Esta actividade, ofertada por Vella Escola, está organizada polo servizo de normalización lingüística do concello de Betanzos.

Axudas para a realización de actividades de formación en linguas estranxeiras no ano 2024

16/02/2024
Etc/GMT+1

O 12 de febreiro saíu publicada no Diario Oficial de Galicia a convocatoria de Axudas para a realización de actividades de formación en linguas estranxeiras no ano 2024, destinadas a alumnado matriculado en 1º ou 2º de Bacharelato.

 

O prazo para a presentación de solicitudes será dun mes, contado a partir do día seguinte ao da publicación desta orde no Diario Oficial de Galicia.

Viaxe a Londres - resumo reunión informativa

16/02/2024
Etc/GMT+1

Un ano máis, o departamento de inglés e as seccións bilingües organizan unha VIAXE CULTURAL A LONDRES, que se desenvolverá en setembro-outubro de 2024 e estará destinada ao alumnado que nese momento estea matriculado en 4º da ESO.

Poden acceder á presentación amosada e á documentación entregada nesa reunión nos arquivos que se achegan.

Recordamos que o prazo de reserva remata o 20 de febreiro, e que é preciso facer o ingreso do primeiro pago (300€) e entregar o documento de condicións/protocolo de conduta debidamente asinado para que sexa efectiva.

Entroido 2024

Cumprindo o prometido, velaiquí máis fotos da Festa de Entroido do pasado venres 9 no pavillón do instituto!

Álbum: / Curso 2023-2024 -> Entroido 2024
Distribuir contido