O 12 de abril os alumnos de 1º curso de Marketing e Publicidade tiveron un taller destinado a enriquecer os seus coñecementos e habilidades no ámbito dos primeiros auxilios, co fin de que sexan quen de actuar de forma efectiva en situación de emerxencia.

Durante a primeira parte da sesión, afondamos nos fundamentos teóricos dos primeiros auxilios, abordando conceptos clave relacionados coa identificación de riscos, as causas dos accidentes e os procedementos adecuados para abordar cada tipo de situación de emerxencia.

A segunda parte do taller, de natureza totalmente práctica, proporcionounos a oportunidade de poñer en práctica os coñecementos teóricos nun entorno simulado de situacións de emerxencia. Neste contexto, os estudantes enfrontáronse a escenarios simulados de feridos inconscientes que requirían reanimación cardiopulmonar e soporte vital básico. Ademais, abordáronse situación de atragoamento e comprobamos como realizar adecuadamente a manobra de Heimlich para desobstruír as vías respiratorias.

Agradecemos á Cruz Vermella de Betanzos a súa colaboración e dedicación na formación dos nosos estudantes neste aspecto crucial para a seguridade e o benestar da comunidade.

Unha xornada moi enriquecedora na que tivemos a ocasión de mergullarnos no mundo empresarial a través da visita a Da Veiga, que ofreceu ó alumnado dos Ciclos de Comercio e Marketing unha visión integral do proceso produtivo da compañía e unha inmersión nos fundamentos nos que se basea o seu éxito.

Xosé Lois Llamazares, Coordinador Xeral de Da Veiga, revelounos os elementos esenciais na creación da empresa e a misión e valores que a impulsan, destacando o compromiso coa contorna, a  sostenibilidade e a innovación. Ademais, achegounos información técnica dos seus desafíos e logros mais recentes.

Posteriormente realizamos un pormenorizado detallado polas instalacións, onde observamos cada fase do proceso produtivo, destacando os rigorosos estándares de calidade e a eficiencia na produción.
Con esta experiencia Da Veiga amósasenos como un exemplo inspirador de éxito empresarial que motiva ó alumnado a traballar pola excelencia nas súas futuras carreiras profesionais.

 Os nosos estudantes do 2º curso do Ciclo Superior de Xestión de Vendas e Espazos Comerciais estiveron a traballar na creación de maquetas de escaparates.

Coa finalidade de darle un enfoque sostible ao proxecto e fomentar a conciencia ambiental e responsabilidade social, na elaboración das maquetas, utilizaron materiais reciclados que combinaron con técnicas de deseño innovadoras, demostrando a súa creatividade e habilidade para traballar con recursos limitados.

Rematadas as maquetas presentáronse nunha exposición dentro das instalacións do instituto. Estes “pequenos escaparates” representan, de xeito atractivo, productos e servizos de diversos sectores, e cada un deles amosa, ademáis, unha pequena historia única.

Noraboa ós alumnos e alumnas polo seu compromiso e dedicación neste proxecto e á profesora polo apoio e orientación durante o proceso de creación.

O pasado venres 3 de febreiro, o alumnado do Ciclo Superior de Xestión de Vendas e Espazos Comerciais visitou o centro loxístico da empresa téxtil Pull&Bear, pertencente ó grupo Inditex, situado no Polígono industrial Rio do Pozo de Narón.

Nun percorrido de cerca de catro  horas, guiado de xeito moi ameno por Marta e Laura, tivemos a oportunidade de coñecer as particularidades e requirimentos loxísticos dunha actividade comercial permanentemente conectada coas máis  de 900 tendas que a firma ten en todo o  mundo.

Comezamos a visita na área de aprovisionamento, recepción e expedición de mercancías, nave completamente robotizada e dotada de alta tecnoloxía. Continuamos polas oficinas centrais, ubicadas nunha moderna e ecoeficiente edificación, que alberga as áreas de administración, deseño e patronaxe, marketing e comunicación. Tamén visitamos a tenda piloto onde se determinan as implatacións de produtos, departamento de e-commerce e plató de fotografía e gravación. 

A actividade foi moi aproveitada polo alumnado que tivo a oportunidade de coñecer de primeira man o funcionamento dunha das maiores empresas galegas, con gran presenza internacional.

Carlota Sánchez-Montaña Puga, coordinadora adxunta da área de Educación Superior da obra social Abanca, impartiu o taller sobre fontes de financiamento na empresa dentro do programa de educación financeira de Afundación.

Compartiu co alumnado do CS de Xestión de Vendas e Espazos Comerciais as tres decisións clave para unha empresa: os recursos, en que se invisten e quen os xestionan, así como as alternativas de financiamento da empresa e os seus custos.

Mención especial foi a conta de resultados como xeradora de recursos financeiros e a obtención de beneficios como medio de supervivencia da empresa, non como un fin en si mesmo.

Agradecemos a oportunidade de acceder á información e ó saber facer da entidade.

O 22 de novembro, por segundo ano consecutivo, Eroski Betanzos brindou ós alumnos e alumnas do CS de Xestión de Vendas e Espazos Comerciais a oportunidade de coñecer, de primeira man, o modelo de implantación do produtos nas diferentes seccións do hipermercado.

Ó longo da visita acompañounos o encargado do establecemento, quen analizou a metodoloxía de distribución dos productos nos lineais, as promocións temporais e a organización loxística.

Brindounos a oportunidade de comprobar a realidade das técnicas de xestión e implantación do surtido, a organización do almacén e de analizar o sistema de solución de problemas de abastecemento ou escesos de stock.

Agradecemos o tempo e a atención a Adolfo Silva, encargado de tenda e a Eva Capelete do derpartamento de Relacións Sociais e Prevención.

O 13 de outubro os alumnos do CS de Xestión de Vendas e Espazos Comerciais asistiron a unha conferencia sobre o espíritu emprendedor impartida por Angel Noguerol da Cámara de Comercio de A Coruña.

Na charla abordáronse as cualidades que debe reunir a persoa que decide emprender un negocio pola súa conta e o camino que debe seguir para poñer en marcha o seu proxecto, así como as diversas axudas (económicas e/ou de consultoría) que ofrecen as Institucións, con especial referencia ó programa España Emprende da Cámara de Comercio.

Nunha segunda parte relatáronse diversas experiencias emprendedodras de éxito que poden servir de referencia a futuros candidatos, como Angel Cycle Works.

Interesantísima xornada apra achegar o reto do empredemento á xente nova.

O pasado día 3 de febreiro levouse a cabo unha conferencia sobre os retos dos consumidores na era dixital a iniciativa do Dpto. de Comercio e Márketing do IES Francisco Aguiar, na que participaron o alumnado do Ciclo de Xestión de Vendas e Espazos Comercias e alumnado de Economía de 1º de BACH.

A sesión foi impartida por Técnicas de ADICAE, que é unha asociación especializada na protección, formación e información dos dereitos dos consumidores, cun interese especial no consumo financieiro.

O obxectivo era que os asistentes tomemos conciencia da necesidade de participar activamente na defensa dos nosos dereitos.

Na conferencia, que se desenvolveu de forma interactiva cos participantes recollendo antes de comenzar cada parte da exposición as percepcións do alumnado, abordáronse múltiples cuestións, entre as que destacaron o comercio electrónico e as principais actividades fraudulentas que poden vir asociadas ó mesmo, a financiación ó consumo, as características e vantaxes da economía circular ou o servizo de consulta e resolución de reclamacións dos consumidores relacionados con produtos e servizos financieiros ou de subministro de enerxía eléctrica ou de gas.

Dentro das actividades de comunicación que está a levar a cabo o alumnado de 2º curso do CS de Xestión de Vendas e Espazos Comerciais, co obxectivo de mellorar as  estratexias comunicativas, usando a comunicación oral ante público con soltura e transmitindo credibilidade coa linguaxe corporal, a alumna Yaiza Freire Pereira realizou unha prensentación ante o alumnado de 1º curso do Ciclo.

A ponencia  xirou ó redor da figura de Harry Potter en "20 Years of Magic", e desenvolveuse íntegramente en lingua inglesa (co hándicap que supón a expresión nunha lingua estranxeira),

Parabéns pola iniciativa e a defensa da mesma.

Gemma Castelo Martelo e Yaiza Freire Pereira, alumnas do CS de Xestión de Vendas e Espazos Comerciais, estiveron a realizar nas últimas semanas unha presentación sobre   "Estereotipos en contido audiovisual" en todas as titorías 1º de  ESO en colaboración co Departamento de Orientación.

A presentación centrouse nos estereotipos de xénero nas películas e series para público xuvenil, proporcionando ferramentas para que os alumnos podan identificar estes estereotipos e adopten unha actitude crítica na visualización deste tipo de contidos.

Por outra banda, para as alumnas que realizan a ponencia, trátase  de mellorar a súa estratexia comunicativa, aprender a falar en público con naturalidade e soltura, utilizando unha linguaxe  verbal  e corporal como ferramenta de persuasión, para transmitir credibilidade; así como estar preparados para interactuar cun público desoñecido.

Parabéns pola iniciativa.