O alumnado de 1º da ESO comezou os traballos de campo para a creación dun refuxio húmido dentro do instituto. Durante varias xornadas os 5 grupos de alumnas e alumnos de 1º da ESO participaron nos traballos de campo coa ferramenta axeitada para realizar dous buratos que serán a principal área do refuxio húmido.
Álbum de fotografías do proxecto
O IES Lagoa de Antela (Xinzo de Limia, Ourense) foi seleccionado na convocatoria Probleu para levar a cabo o proxecto Refuxios. A nosa proposta foi a única candidatura galega seleccionada nesta convocatoria de financiamiento de proxectos relacionados coa protección da augas oceánicas e continentais, entre máis de 80 candidaturas de 19 países da Unión Europea.
A resolución do 28 de febreiro de 2024, da Dirección Xeral de Ordenación e Innovación Educativa, dita instrucións para a acreditación das competencias dixitais do alumnado que cursa ensinanzas de educación secundaria obrigatoria e bacharelato na Comunidade Autónoma de Galicia no curso 2023/24.
De maneira resumida, pode acreditar a competencia dixital o alumnado que esté matriculado en 4º ESO ou 2º BACHARELATO no curso 2023-2024, do seguinte xeito:
1. Acreditación da competencia dixital do alumnado de 4º de ESO:
1. 1. O alumnado que obteña o título de graduada ou graduado en educación secundaria obrigatoria recibirá o certificado que acredite o nivel de iniciación.
1.2. O alumnado matriculado en 4º de educación secundaria obrigatoria poderá presentarse a unha proba específica co obxectivo de acreditar os coñecementos, habilidades e actitudes propias do nivel intermedio.
2. Acreditación da competencia dixital do alumnado de 2ºBACH
A obtención do título de bacharel acredita que a alumna ou o alumno ten os coñecementos, habilidades e actitudes das áreas de dominio 1, 2, 3 e 5 do nivel intermedio descritas no Marco galego de competencias dixitais.
No caso de que unha alumna ou un alumno obteña o título de bacharel e ademais supere aproba específica da área de dominio 4 do nivel intermedio, recibirá a certificación que acredita o nivel intermedio.
As probas de acreditación terán lugar nas instalacións do IES Lagoa de Antela.
Podes acceder a unha demo das probas.
Ligazón á orde completa.
Desde o 1 ata o 20 de marzo permanecerá aberto o prazo de solicitude de admisión nos centros escolares sostidos con fondos públicos para o vindeiro curso 2024/25 para todo o alumnado ESO e Bacharelato que desexan cambiar de centro escolar sempre que haxa prazas dispoñibles.
A solicitude deberá facerse a través da aplicación admisión alumnado.