O pasado xoves 4 de abril, o alumnado que cursa a materia de Bioloxía e Xeoloxía de 4º ESO do noso IES visitou o CiMUS, Centro Singular de Investigación en Medicina Molecular e Enfermidades Crónicas, localizado no Campus Sur, en Santiago de Compostela.
O CiMUS forma parte da rede de centros de investigación cun novo modelo de organización e funcionamento, que constitúe o elemento fundamental da estratexia de I+D do proxecto CAMPUS VIDA. Ten como misión realizar unha investigación básica de calidade contrastada, co obxectivo de acadar avances na prevención, entendemento e tratamento da enfermidade crónica.
Durante esta visita, o alumnado coñeceu os servizos centrais do centro (microscopía, citometría, histoloxía) e o traballo de investigación que se leva a cabo no Laboratorio DNA Repair, complementando así a súa formación nos contidos desta materia
| Adxunto | Tamaño |
|---|---|
| WhatsApp Image 2024-04-04 at 14.38.36.jpeg | 29.33 KB |
| WhatsApp Image 2024-04-04 at 14.38.34.jpeg | 29.09 KB |
| WhatsApp Image 2024-04-04 at 14.38.36 (1).jpeg | 33.33 KB |
| WhatsApp Image 2024-04-04 at 14.38.34 (1).jpeg | 48.27 KB |
