Extraescolares

O pasado mércores 6 de marzo, o alumnado que cursa a materia de Bioloxía de 2º Bacharelato do IES Macías o Namorado visitou o IDIS, Instituto de Investigación Sanitaria, localizado no Complexo Hospitalario Universitario de Santiago de Compostela (CHUS). 

O IDIS é un centro de investigación biomédica que busca promover e fomentar a investigación de excelencia, o coñecemento científico e tecnolóxico e o seu posterior traslado ao sector produtivo, así como a docencia e a formación, e sempre cun obxectivo claro: mellorar a saúde da poboación. 

De todos os grupos de investigación que forman parte deste centro, o alumnado puido coñecer os seguintes laboratorios: CARDIOCHUS (grupo de Cardioloxía), ONCOMET (grupo de Oncoloxía) e GENVIP (grupo de Xenética, Vacinas, Infeccións e Pediatría), todos eles integrados por equipos multidisciplinares de natureza transversal no ámbito da investigación básica e clínica aplicada que empregan as últimas tecnoloxías e métodos analíticos das diferentes disciplinas para optimizar o tratamento dos pacientes de cardioloxía, oncoloxía e pediatría.

As nosas alumnas rotaron polos distintos laboratorios adentrándose nas técnicas empregadas neles mediante a realización de talleres prácticos como unha extracción de ADN de saliva, a observación dunha mostra sanguínea ou de cultivos celulares de peixes cebra e a posterior análise da súa importancia na investigación en medicina.          

Desde o departamento de Bioloxía e Xeoloxía organizouse esta saída marcando como obxectivos: achegar o alumnado ao mundo da investigación, amosar o traballo desempeñado nun instituto de investigación acreditado como “centro de investigación do Sistema Nacional de Saúde”; contribuír ao espertar do interese científico; poñer en valor a importancia da investigación científica nos avances da medicina, e na busca do benestar da sociedade.

O día 30 de xaneiro, o alumnado de todos os ciclos de Electricidade, puideron participar nunha visita guiada ao Parque Eólico Experimental de Sotavento; referente na investigación e divulgación das enerxías renovables, do aforro enerxético e da súa interrelación co medio ambiente. 

Alí observaron de forma máis directa o funcionamento das máquinas aeroxeneradoras, comprobaron de xeito práctico e interactivo as distintas medidas de aforro e eficiencia enerxética nunha vivenda bioclimática domotizada e coñeceron instalacións reais de diferentes tecnoloxías tanto térmicas como fotovoltaicas.

Os membros da equipa de Innovatech fumos convoacados a unha sesión formativa este venres 19 de xaneiro no CIFP Compostela, en Santiago de Compostela. O obxectivo foi mellorar as ferramentas coas cales abordar o reto proposto. No noso caso, o reto número 2, consistente en deseñar un robot que permita nos talleres de reparación de automoción, coller as pezas do almacén e levalas ao lugar onde está a traballar a persoa operaria. A formación consistiu na técnica Desing Thinking, que se trata dunha técnica que fomenta a creatividade á hora de levar a cabo unha innovación ao mercado, empatizando co cliente e propoñendo unha metodoloxía de traballo interdisciplinar.

A sesión foi moi participativa e o noso equipo tivo que empatizar e poñerse no lugar dun operacio dun taller. Deste xeito, analizamos cales son as súas problemáticas e como resolver as súas necesidades, levando a cabo un proceso de diverxencia para xeral moitas solucións e de converxencia para elixir á máis adecuada. 

A xornada resultou ser entretida e productiva, achegándonos ferramentes para resolver o reto.

O alumnado de 2º de Ciclo Superior de AUTOMATIZACIÓN E ROBÓTICA INDUSTRIAL asistiu os días 20 e 21 de novembro ao Showroom-Ethercat organizado pola empresa BECKHOFF. Nesta formación coñeceron aspectos teóricos e prácticos do BUS DE COMUNICACIÓN INDUSTRIAL ETHERCAT de ampla implantación no mundo da automatización.

Volve e o  XI Campus de Verán XuvenCiencia, o campamento científico da USC, para estudantes de 4º da ESO, de BAC e de ciclos medios de FP .

O Campus XuvenCiencia terá lugar do 2 ao 8 de xullo.
O custo da matrícula é 250 €.

O prazo de preinscrición ábrese dende o vindeiro venres 5 de maio ata o 14 de maio.

Como nas edicións anteriores, o obxectivo do Campus de Verán é poñer ao alumnado en contacto directo coas diversas ramas das ciencias experimentais e sociais e da tecnoloxía así como coa contorna universitaria. Ofertanse durante cinco días unha multitude de actividades prácticas, tanto na rama Científico-Técnica como na Científico-Social, coa participación de todas as facultades e escolas universitarias da USC no Campus Terra de Lugo e a colaboración de moitas empresas e laboratorios externos.

A matrícula inclúe a participación nas actividades do campus e nas actividades lúdicas da tarde, o material necesario, o seguro, o xantar nun comedor universitario os cinco días do campus e o diploma de participación da USC. Ademais inclúe actividades lúdicas de noite e aloxamento, cea e almorzo en Residencias Universitarias de Lugo, con acompañamento de monitores titulados da A.D.C Lumieira Lugo.

Na páxina web https://xuvenciencia.org/campus  pódese ver toda a información acerca das actividades do Campus (idiomas galego e castelán).