Onte mércores 9 de marzo un grupo de alumnas/os de ESO e Bacharelato, que cursan Cultura Clásica, Latín e Grego, asistiron en sesións de mañá e tarde no Auditorio Gustavo Freire de Lugo a dúas representacións teatrais dentro do Festival de Teatro Xuvenil Grecolatino organizado pola sección galega da SEEC (Sociedade Española de Estudos Clásicos).
As obras representadas foron a traxedia de Eurípides Ifixenia en Aúlide e a comedia latina O Persa, representadas polo grupo de teatro O Ruiseñor de Culleredo.
