O pasado martes 16 de abril, os grupos da FP Básica da rama de electricidade así como o grupo de 1º do Ciclo Superior de Automatización e Robótica Industrial realizaron unha saída para coñecer diversas experiencias empresariais relacionadas co emprendemento no sector da electricidade.
A primeira parada foi no Viveiro de Barro, para coñecer experiencias concretas de emprendemento relacionadas co sector da electricidade e a automatización, visitando tres proxectos emprendedores que están a dar os seus primeiros pasos: Pontesol, unha empresa instaladora de paneles solares; Enercraft, que traballa nos campos de electricifación e almacenamento de enerxía limpa, levando a cabo un novedoso deseño de baterías protátiles, e Tecnobelts, que se dedica ao deseño, fabricación e mantemento de equipos industriais, en especial, tecnoloxías de transporte e correas industriais.
Logo achegámonos ao Parque Arqueolóxico de Arte Rupestre de Campo Lameiro, onde recibimos un obradoiro mediante varias dinámicas grupais para desenvolver as nosas habilidades en competencias brandas (as coñecidas como soft skills) como o traballo en equipo ou o pensamento imaxinativo; e achegámonosa contemplar a Laxe dos Carballos, que é o petróglifo máis coñecido do lugar.
A última parada do día foi na fábrica de Vertifil, onde poidemos ver todo o proceso de producción de textiles técnicos e industriais.
| Adxunto | Tamaño |
|---|---|
| 1713781288439.jpg | 60.73 KB |
| 1713781288486.jpg | 54.63 KB |
