Taboleiro de novas

 Uso do Móbil

 Derivado da observación que facemos do alumnado e das charlas con expertos na materia que recibimos no centro alumnado, profesorado e familias, creemos necesario realizar certas recomendacións sobre o uso que o alumnado fai dos dispositivos móbiles:

Normas do centro

    1. A utilización de dispositivos móbiles  polo alumnado no centro está prohibida.  (Unicamente poderían utilizarse se un profesor o autoriza con fins educativos).

    2. O alumnado non precisa o teléfono móbil para o seu traballo no centro, polo que se recomenda que NON O TRAIAN AO CENTRO. No centro dispoñen dun teléfono ao que poder chamar as familias e desde o que poder comunicarse o alumnado en caso de necesidade.

Recomendacións ás familias:

    1. Como pais/nais  temos que SUPERVISAR O USO que os nosos fillos/as FAN DO MÓBIL,que aplicacións utilizan que webs visitan a que xogan, que contas de correo teñen, que redes sociais utilizan, etc.  Do mesmo xeito que controlamos a que hora chega a casa ou con quen queda,  por exemplo. NON TODO E AXEITADO PARA A SÚA IDADE. Existen aplicacións para facelo 

    2. Deben apagar o móbil pola noite para poder descansar axeitadamente, incluso poden deixalo fóra da habitación.

Nos seguintes enlaces tedes moita máis información:

• GUIA PARA FAMILIAS
• COMO PROTEXER A TÚA PROVACIDADE NO MÓBIL
• COMO XESTIONAR O USO DO MÓBIL QUE FAN OS NOSO FILLOS/AS

No IES de Meaño realizamos todos os anos unha actividade de APS (Aprendizaxe e servizo á comunidade)  para concienciar ao noso alumnado da importancia da labor social.

Este curso, a actividade está enmarcada no proxecto“O Meaño que queremos” e consistirá na fabricación e colocación de trampas para velutinas e a limpeza dos roteiros do Río da Chanca.

PROGRAMA DA ACTIVIDADE:

• Mércores 19/04/23 de 9.30h a 15.10h

• Participará todo o alumnado e convidamos a todas ás familias que queiran participar.

• O alumnado irá provisto de guantes que lle proporcionaremos no centro, ademais o centro repartirá bolsas para o lixo.

• O alumnado debe levar calzado axeitado e algo para merendar.

• O alumnado desplazarase en autobús ata os puntos de partida da ruta.

DISTRIBUCIÓN:

• 1º e 2º  ESO - Ruta  Muiños de Lores-Pasales: 5  km. Limpeza dos roteiros.

• 3º e 4º ESO -Ruta Cementerio Simes Meaño-Pasales8 km. Colocación das trampas para velutinas (alí onde o indique o operario da mancomunidade) e  limpeza dos roteiros.

Horario aprox: 

• 9:30 a 10:15h:  Saída de  3º e 4º  cara o Cementerio de Simes - Pasales: ruta de 10:30 a 13:30 h  

• 10:30 a 11:15: Saída de 1º e 2º cara os Muiños de Lores - Pasales:  ruta de 11:30 a 13:30 h

• 13:30h:  Merenda e xogos nos Pasales 

• 14:45h: Volta camiñando para o centro

• 15:10h : Retorno aos domicílios.

Un saúdo

A Dirección

ESCOLA DE PAIS E NAIS DO IES DE MEAÑO

Convidamos a todas as familias do alumnado do IES de Meaño a un obradorio sobre

“USO E ABUSO DAS NOVAS TECNOLOXÍAS”

Organizamos esta actividade para tratar de ter unhas orientacións sobre como abordar cos nosos fillos/as adolescentes, os problemas derivados do uso das novas tecnoloxías (móbiles, redes sociais, ertc..). Agardamos poidades acudir xa que contaremos coa presenza dun profesional con moita experiencia no tema.

Lugar:  IES de MEAÑO

Data:  Xoves 23 DE Marzo

 Hora:  19:00h

Saída Á Coruña realizada por 2º ESO. Na xornada, visitaron o MuNCyT (Museo Nacional de Ciencia e Tecnolxía) e o Domus-Casa do Home.