blogue desonia

Bo día!

Hoxe seguimos traballando co cómic e coas cadeas tróficas.

A tarefa que tedes que facer o alumnado de 1ºESO A déixoa como arquivo adxunto. A data de entrega é o luns 27/04/02020.

Calquera dúbida escribídeme ao correo.

Pasade bo día!

Un saúdo

Bo luns!

Hoxe vos deixo como adxuntos dous documentos diferentes:

- PDF cunha pequena teoría sobre os niveis e cadeas tróficas: aínda que o vimos na aula, coas actividades da semana pasada nas que vos dicía que fixerades unha cadea trófica vexo que hai conceptos que non tedes claros. Por iso vos vai nese arquivo a teoría e as actividades. Estas actividades corresponden ao día de hoxe e ao de mañá (mañá non tedes que entrar no blogue porque non haberá outras actividades). A data de entrega é o mércores 22/04/2020.

- PDF cun pequeno manual que vos fixen para empregar a plataforma Webex. Esta semana imos comezar coas clases online. A miña idea é aproveitar esta clase para ver como estades e resolver dúbidas (non vos preocupedes senón podedes estar xa que se hai algo importante ou tedes algunha dúbida a resolvemos por correo). As clases online de Bioloxía serán:

• 1ºESO A: Xoves á hora de clase (10.30)
• 1ºESO B: Mércores á hora de clase (10.30)

Xa volo poño no manual pero recórdovolo aqui: cando vos rexistredes na plataforma debedes facelo co voso nome e apelido posto que vos teño que aceptar na clase e se non recoñezo o nome non teredes acceso.

Calquera dúbida, escribídeme!

Un saúdo

Bo día!

Hoxe continuamos traballando sobre o cómic, por iso vos deixo nun arquivo adxunto as actividades correspondentes.

Calquera dúbida, coma sempre, a resolvo no correo electrónico

A data de entrega destas actividades é o luns 20/04/2020.

Tamén vos deixo un enlace a un vídeo onde vos explica o método científico que vimos na clase por se vos apetece velo na fin de semana. É dun grupo de científicos que se dedica á divulgación científica e que o explican dunha maneira moi sinxela. Así vos serve de repaso!

https://www.youtube.com/watch?v=ps1VBMx2k78

Un saúdo!

Bo mércores!

Que vos pareceu o cómic de onte?

Hoxe imos comezar a facer actividades sobre el. Tomádeo con calma, pensade ben as respostas e repasade a teoría cando o precisedes.

A data de entrega desta primeira actividade é mañá 16/04/2020 no correo de sempre. Déixovola como documento adxunto.

Por certo, sei que algúns de vós estades a facer pan e algúns con masa nai, por iso xuntarei as imaxes que me estades enviando e o xoves da semana próxima publicareinas neste blogue (se algunha persoa non autoriza esta publicación que mo faga saber)

Un saúdo!

Nota alumnado titoría 1ºESO B: como xa estamos comezando o 3º Trimestre, tedes que asegurarvos de que estades en contacto con tod@s @s profes que vos dan clase a través dos medios que cada un/unha puxo á vosa disposición. Contactade cos que non o fixéchedes para que saiban que estades ao tanto de como traballar en cada materia. Se tedes algunha dúbida en algunha materia ou non sabedes como contactar co profesorado comentádemo e o solucionamos.

Bo día a tod@s!

Comezamos o 3º Trimestre e espero que o collades con forza!

Para hoxe déixovos un enlace para que vos descarguedes un cómic curto sobre o Plancton. (Tamén volo deixo en arquivo adxunto)

https://goo.gl/xazWDt

A tarefa para hoxe é que o leades tranquilamente e mañá xa vos contarei como continuamos traballando sobre el con distintas actividades

Coma sempre, calquera dúbida estou no correo electrónico. Se tedes problemas para descargar o documento dicídemo e o solucionamos.

Tamén podedes aproveitar ese correo para contarme como estades levando estes días e que tal estades!

Ánimo e bo comezo de semana!

Un saúdo