blogue desonia

Bo día!

As actividades de hoxe que tedes que facer para Anatomía @s de 1ºBAC B son:

• Repaso/estudo dos contidos do tema 7 correspondentes ao Sistema Respiratorio.
• As actividades que van no documento adxunto. É un pequeno test (dos que tanto vos gustan) sobre o tema, para que non perdades o costume de facelos  

No arquivo que me enviedes soamente tedes que incluír a "plantilla" de respostas, os enunciados das cuestións non.

A data de entrega é o venres 27/03/2020.

Un saúdo! 

Bo martes!

Hoxe o que tedes que facer é repasar/estudar moi ben os temas 3 e 4 do libro de texto que estivemos vendo na clase. É dicir, os contidos sobre animais invertebrados, reino protista e monera e o papel dos microorganismos para o ser humano e os ecosistemas.

Estes días que me entregáchedes actividades, algúns de vós non estades lendo a teoría antes de facer as actividades, e isto é importante que o fagades sempre para que comprendades mellor os exercicios.

Ademais, cando recibides as correcións das actividades tedes que engadir esas correcións no voso caderno/arquivo dixital (se o fixéchedes a ordenador) para que as actividades queden completas e correctas. 

Polo tanto, esas son as vosas tarefas de hoxe: repasar/estudar os temas e engadir as correcións das actividades que levamos feitas ata agora.

Déixovos dous enlaces a noticias sobre invertebrados (a lectura é voluntaria):

• Nesta noticia explícase o descubrimento de novas especies de invertebrados e a importancia nos ecosistemas: https://elpais.com/elpais/2018/03/05/ciencia/1520272505_992036.html
• Esta noticia fala dun avance na ciencia, a creación de seda artificial semellante á de araña (na aula preguntáchedes sobre como a fabricaban e sobre a súa resistencia): https://www.abc.es/ciencia/abci-crean-seda-artificial-resistente-como-telarana-201701161249_noticia.html

Que pasedes un bo día! 

Un saúdo!

Bo día a tod@s!

Hoxe seguiremos traballando coas etiquetas de alimentos que recompilamos na aula.

Tedes nun arquivo adxunto as instrucións da actividade práctica que debedes facer hoxe os alumnos/as de 1ºBAC B. 

Lembrade que segundo o voso horario, esta actividade ten que estar feita para a seguinte clase, polo que a data de entrega é o mércores 25/03/2020.

Ánimo con esta nova semana!

Coidádevos moito e para calquera dúbida empregade o correo electrónico.

Un saúdo!

Bo día a tod@s!

Déixovos nun documento adxunto as actividades de hoxe de Anatomía. 

Tratan sobre os capítulos do libro que xa tedes lido, para que vos fixedes nas conclusións importantes desas páxinas. Ademais, incluín algunha pregunta para a que tedes que empregar as etiquetas que vos repartín.

Como imos respectar o calendario lectivo e o horario de cada un dos grupos, a entrega destas actividades será:

1ºBAC A: Mércores 25/03/2020 antes das 14h.

1ºBAC B: Luns 23/03/2020 antes das 14h.

Coma sempre, calquera dúbida que teñades a resolvo a través do correo electrónico. Non olvidesdes seguir as pautas de entrega dadas nunha entrada anterior deste blogue.

Coidádevos e moito ánimo! 

Un saúdo 

Sonia Bermúdez

MOI IMPORTANTE: seguiremos as instrucións seguintes:

• A dirección de correo electrónico de contacto é: anatoaplicada1bac@gmail.com
• A través desa dirección podedes consultarme as dúbidas que teñades.
• As actividades deben entregarse dentro do prazo indicado co fin de facer un seguimento das mesmas.
• A entrega realizarase a través do correo electrónico de contacto, indicando o nome do alumno/a.
• O documento coas actividades terá formato PDF (preferiblemente).
• Unha vez recibidas as actividades, serán correxidas e devoltas por correo electrónico á mesma dirección desde a que se envían.

O martes 17/03/2020 ás 14h é a data límite de entrega das actividades correspondentes ao tema 7 que tiñamos pendentes de correxir (as que están correxidas xa non as enviedes). Como algún/a de vós xa as teredes feitas, adxuntade unha imaxe no correo electrónico na que se lean perfectamente as respostas. Se preferides, ou non as tedes feitas aínda, enviádeas escritas a ordenador en formato PDF. Recórdovos que as actividades son as seguintes:

• Páxina 137: exercicio 1
• Páxina 139: exercicio 1
• Páxina 146: exercicio 5
• Páxina 147: exercicios 7 e 8
• Todas as definicións da páxina 147

Ide repasando o tema 5 para comezar a actividade de análise de etiquetas que temos pendente porque o martes deixareivos as instrucións para empezar a facela.

 Un saúdo!