blogue desonia

Bo día!

Para as actividades de hoxe de Bioloxía (1ºESO) tedes que entrar nos seguintes enlaces que vos deixo. Trátase de dous xogos similares aos que vos deixei a comezos de semana.

• Test sobre invertebrados: tedes que responder a 10 preguntas de resposta múltiple nas que só unha delas é correcta.

  https://es.educaplay.com/recursos-educativos/5352983-1_eso_invertebrados.html

• Sopa de letras: buscade os termos relacionados cos Reinos Monera, Protista e Fungos (cando localicedes un termo, tedes que pinchar na primeira letra e arrastrar o rato ata que rematedes de subliñar a palabra)
  

  https://es.educaplay.com/recursos-educativos/5352646-1_eso_moneras_protistas_fungos.html

Lembrade que se vos animades coa actividade de facer pan a partir de masa nai estarei encantada de recibir as imaxes do voso proceso, como algún de vós xa enviou

Con estas actividades damos por rematada a 2ª Avaliación. Noraboa polo voso esforzo e polo traballo durante esta avaliación, especialmente estas últimas semanas de traballo desde a casa. Seguide así porque o estades facendo xenial!

Aproveitade estes días para descansar e facer outras actividades que vos recarguen pilas para volver o 14 de Abril con máis forza!

Unha aperta!

Nota para as familias do alumnado da titoría 1ºESO B: como está publicado na páxina principal da web do Centro, mañá venres 3 de Abril realizaremos a entrega de boletíns de cualificacións da 2ª Avaliación por dúas vías:

- Abalar móbil: para todas aquelas familias que teñan a aplicación ou que a instalen, recibirán por ese medio as cualificacións.

- Correo electrónico: adxuntaranse os boletíns en formato PDF nas direccións de correo electrónico facilitadas no momento de formalizar a matrícula do alumnado.

Se ao longo do día de mañá (a partir das 12h) non recibides comunicación por calquera destes dous medios debedes poñervos en contacto co centro (ies.monelos@edu.xunta.es) para que vos envíen o boletín.

Para calquera dúbida relacionada coas cualificacións ou calquera cuestión relativa ao alumnado, as familias tedes dispoñible o meu correo electrónico: bermudezcouceiro@edu.xunta.gal

Bo mércores!

Hoxe déixovos dúas lecturas relacionadas coas aplicacións ou relacións dos microorganismos co ser humano. Ides ver cando as leades que aparecen varios grupos de organismos de reinos vistos na aula, espero que sexades capaces de recoñecer a que reino pertencen e cales son as súas características!

A primera das noticias ten como protagonista aos mofos que se forman no pan cando pasa un tempo e as substancias que fabrican ditos organismos:

• https://blogs.20minutos.es/ciencias-mixtas/2018/10/26/por-que-no-comemos-el-moho-si-tiene-penicilina-los-errores-de-la-quimiofobia/?utm_source=facebook.com&utm_medium=socialshare&utm_campaign=mobile_web&fbclid=IwAR3FBCXsrNTyyrOdn5bv3C3jnd9QI1grHa2nNxAMvB6QI7PF9-eZUE_yyic

A segunda noticia está relacionada coa fabricación do pan que se elabora con masa nai, na que aparece o proceso de fermentación levado a cabo polos lévedos. O voso compañeiro Elías fixo masa nai na casa estes días e deume a idea!

• https://www.lavanguardia.com/comer/materia-prima/20190621/463011967954/masa-madre-panaderia-pan-fermento.html

É moi sinxelo que fagades esta masa nai na casa e a partir dela elaboredes pan. Se vos animades podedes enviar ao correo electrónico as vosas imaxes da masa nai ou do pan e as compartimos entre tod@s!

Hoxe soamente tedes que desfrutar da lectura, non hai nada que entregar. Resolvo dúbidas no correo de sempre se o precisades.

Ánimo e bo día!

Boa semana a tod@s!

Esta semana ímola dedicar a repasar o trimestre e a ler un pouquiño sobre algún tema relacionado co que tratamos nesta avaliación.

Hoxe vou deixarvos dous enlaces a dous xogos que vos preparei para repasar conceptos de todos os temas traballados: Reino Monera, Protista, Fungos e Animal (só invertebrados):

• Roda de palabras: neste tedes que escribir a palabra que corresponde con cada unha das definicións (pode ser que esa palabra empece pola letra do alfabeto que vos indica ou que a conteña. Fixádevos ben!)

  https://es.educaplay.com/recursos-educativos/5326058-repasamos_os_invertebrados.html

• Agrupacións: cando abrades este xogo ides ver que aparecen moitos cadros con características diferentes. Tedes que ir pinchando consecutivamente nas características que se podan enmarcar dentro do mesmo grupo. Cada grupo ten asociadas 6 características que, unha vez que as teñades marcadas todas, xa vos indica que o grupo está feito. Por exemplo: se vos aparecen as características: "azul", "vermello", "mazá" teriades que clicar seguido nos termos "azul" e "vermello" por pertencer ao mesmo grupo.
  

  https://es.educaplay.com/recursos-educativos/5326442-repasamos_o_2_trimestre.html

Os xogos teñen un tempo limitado polo que no caso de que non lembredes algún tema, repasade antes!

Penso que non ides ter problema para entrar nos enlaces nin para facer os xogos pero ante calquera dúbida escribídeme ao correo. Tamén podedes escribirme para saber se vos apetece que vos faga algún xogo máis deste tipo ou para comentar o que vos pareceron. Sabedes que se aceptan todas as opinións sempre que sexan construtivas

Non tedes que entregarme nada, só premer no enlace e comezar a xogar!

Pasade bo día

Bo día!

Déixovos nun arquivo adxunto as actividades que tedes que realizar na clase de hoxe.

Tedes de prazo ata a próxima clase para entregalos, é dicir, ata o luns 30/03/2020.

Estas actividades son sobre os grupos de invertebrados que non traballáchedes nas actividades de onte. Son moi sinxelos

Ánimo e coidádevos!

Un saúdo!

Nota: moit@s de vós estades entregando todas as actividades que se propoñen nos prazos correspondentes e outr@s saltáchedes algunha entrega. Déixovos aquí un resumo do que teriades que ter feito por se as queredes entregar.

• Actividade 1: exercicios, sobre invertebrados, da fotocopia recollida na Conserxería do Centro a semana antes de suspenderse as clases.
• Actividade 2: lectura sobre liques e actividades sobre esa lectura.
• Actividade 3: exercicios de repaso do libro de texto correspondentes ao Tema 4.
• Actividade 4: exercicios do libro de texto correspondentes ao Tema 3.
• Actividade 5: exercicios ficha do blogue sobre animais invertebrados I.

No caso de querer entregalas, revisade o que vos falta e revisade tamén as entradas deste blogue para ver concretamente que actividades tedes pendentes. Xuntade o que vos falta nunha soa mensaxe de correo electrónico e así entregades todo xunto. Tedes de prazo máximo ata o Xoves 02/04/2020 ás 14horas.

Bo día!

Espero que xa teñades os contidos dos temas 3 e 4 repasados, axudaranvos cos exercicios de hoxe.

Se tedes dúbidas lembrade que é bo que leades a teoría antes de facelos e no caso de non entender algo, preguntádeme 

As actividades déixoas nun arquivo adxunto para que os fagades hoxe e entreguedes mañá xoves 26/03/2020.

Ánimo rapaces/as!

Un saúdo!