Proceso de ADMISIÓN ordinario - Curso 2024/2025
Para todo o alumnado que entra por primeira vez no sistema educativo ou para aqueles alumnos/as que desexan cambiar de centro escolar sempre que haxa prazas dispoñibles. O alumnado, procedente dos centros de primaria adscritos, con reserva de praza admitida NON terá que presentar solicitude de admisión.
POSTOS ESCOLARES OFERTADOS 2024/2025
1º ESO à 32 postos + 12 postos aneae*
2º ESO à 3 postos
3º ESO à 9 postos
4º ESO à 22 postos
* Reservadas para atender a escolarización de alumnado con necesidades específicas de apoio educativo. No caso de non adxudicarse a este alumnado, asignaríanse ao resto no procedemento de admisión ordinario, ou de ser o caso, na adxudicación subsidiaria.
CALENDARIO ADMISIÓN 2024/2025
Reserva de praza Do 15 xaneiro ao 5 de febreiro
Listaxes de reserva 22 de febreiro
Publicación de vacantes Antes do 1 de marzo
Presentación de solicitudes de admisión Do 1 ao 20 de marzo
Presentación de documentación xustificativa Do 21 de marzo ao 3 de abril
Listaxes provisionais de admitidos e non admitidos 25 de abril
Listaxes definitivas 15 de maio
Formalización de matrícula Do 23 de xuño ao 7 de xullo
SOLICITUDE ADMISIÓN 2024/2025
A consellería de Educación pon á disposición das familias unha ferramenta informática, a aplicación admisionalumnado , que posibilita que os proxenitores cubran a solicitude na aplicación (premendo no menú da mesma en Solicitudes > Admisión > Crear), marquen os criterios do baremo que, chegado o caso, queiran que se lles valore, e poidan presentala de forma presencial no centro, ou por vía electrónica a través da propia aplicación.
Lembramos, que o alumnado, procedente dos centros de primaria adscritos, con reserva de praza admitida NON terá que presentar solicitude de admisión.
(Ver manual para as familias solicitude admisión)
As familias poderán consultar o estado de tramitación da solicitude nas distintas fases do procedemento utilizando o código que xera a aplicación ao cumprimentar a solicitude, xunto co DNI do proxenitor ou proxenitora asinante.
Normativa reguladora
DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
ORDE do 21 de outubro de 2022 pola que se desenvolve o Decreto 13/2022 e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
Prazo de presentación de solicitudes
Do 1 ao 20 de marzo (ambos os dous inclusive).
Coa solicitude deberá achegarse:
- Copia do DNI da persoa solicitante e dos membros computables da unidade familiar cando se denegue a súa consulta.
- Documento acreditativo do requisito da idade do alumno/a (DNI ou libro de familia).
- Documento acreditativo de estar en disposición de reunir os requisitos académicos esixidos para cada nivel (certificado de matrícula do presente curso).
- Convenio regulador ou resolución xudicial de separación ou divorcio, se é o caso.
Na mesma solicitude deberán manifestar se desexan ou non utilizar algún dos servizos complementarios.
Deberán indicar se o alumno/a presenta necesidades educativas específicas, achegando neste caso, a documentación que acredite as circunstancias alegadas.
Toda a documentación deberá ser orixinal ou copia cotexada.
Serán os solicitantes os que deben sinalar os conceptos do baremo nos que desexan ser puntuados.
Formalización das solicitudes
1º.- A solicitude será única e poderá presentarse de forma presencial no centro no que solicita praza en primeiro lugar ou a través da sede electrónica da Xunta de Galicia a través da propia aplicación de admisionalumnado.
2º.- Poderá anularse en prazo de admisión coa presentación dunha nova indicando expresamente por escrito que queda sen efecto a presentada anteriormente. A duplicidade de solicitudes determinará a escolarización polo procedemento subsidiario.
3º.- O alumnado con garantía de permanencia ou con reserva de praza nun centro, se desexa presentar solicitude de admisión noutro distinto, deberá achegar copia da solicitude de reserva comunicar a renuncia á mesma antes do inicio do prazo de presentación de solicitudes de admisión.
4º.- A solicitude poderá asinala calquera dos titulares da patria potestade no caso de fillos/as comúns dun matrimonio non separado legalmente nin divorciado ou dunha parella de feito. Nos demais casos requírese a sinatura dos dous titulares, agás que a patria potestade estea atribuída a un deles con carácter exclusivo, ou en situacións de violencia de xénero (punto 3e das instrucións da Dirección Xeral de Centros e Recursos Humanos sobre o proceso de admisión de alumnado).
5º.- A notificación electrónica a través do Sistema de notificación electrónica de Galicia Notifica.gal realizarase con respecto aos trámites e actos propios da competencia das xefaturas territoriais, sempre que a persoa elixira esta modalidade como medio de notificación preferente.
Presentación da documentación xustificativa para o baremo
Cando o número de solicitudes sexa superior aos de postos dispoñibles, o centro abrirá un prazo de 10 días hábiles, entre o 21 de marzo ao 3 de abril (ambos incluídos), para presentar, de forma presencial no centro, a documentación xustificativa dos criterios xerais de admisión alegados pola persoa solicitante.
Non obstante, consultaranse de forma automática:
- Domicilio fiscal, condición de familia numerosa e discapacidade recoñecida pola xunta de Galicia do alumnado, proxenitores, titores ou irmáns, cando non se opoñan expresamente na solicitude.
- Renda per cápita dos membros computables da unidade familiar, cando se consinta expresamente na solicitude.
Nos casos en que se opoñan á consulta ou non a consintan, deberán achegar o correspondente documento acreditativo.
Tal como quedou establecido no sorteo público realizado na Consellería o 23 de febreiro de 2023, en caso de empate de puntos para unha mesma praza, resolverase en función do número 0,69 (69/100). Este número multiplicarase polo número de solicitudes empatadas en cada centro e curso, e o resultado da multiplicación redondearase á alza.
Publicación das listaxes de admitidos e non admitidos
Publicaranse no taboleiro de anuncios e informarase da súa publicación na web do centro.
Listaxe provisional: O día 25 de abril.
Poderase presentar reclamación ante o consello escolar no prazo de 5 días hábiles dende a publicación da listaxe; estas resolveranse no prazo de 5 días hábiles.
Listaxe definitiva: O día 15 de maio.
Poderase interpoñer recurso de alzada ante o Xefe Territorial no prazo dun mes contado a partir do día seguinte ao da súa publicación.
Prazo de formalización da matricula
Prazo ordinario: do 23 de xuño ao 7 de xullo.
Se finalizado o prazo de matrícula non se tivese formalizado, teráselle por decaído no dereito á praza obtida.
Centros adscritos
Área de influencia do centro
Área de influencia dos centros adscritos CEIP María Pita e CEIP Ramón de la Sagra (A24).
Delimitada polas seguintes vías: AP9 - Avda. Alfonso Molina - Ronda de Outeiro - Caballeros - Camiño de Corgo - Camiño de Montes - Vicente Aleixandre - Oleoduto - Avda. da Pasaxe - límite do Concello.
Áreas limítrofes:
(A16) CEIP San Francisco Javier
(A19) CEIP Juan Fernández Latorre
(A21) CEIP Salgado Torres
(A22) CEIP Sal Lence
(A23) CEIP Alborada
(ver mapa área de influencia e áreas limítrofes)
Servizos complementarios e normativa reguladora do mesmo
- Comedor escolar:
Xestionado pola ANPA a través de empresa de catering.
- Transporte escolar:
Ruta PONTE PASAXE – IES RAMÓN OTERO PEDRAYO (ED 150220)
PONTE PASAXE à Avda. Pasaxe - Os Castros* - Avda. de Oza 164* - Avda. de Oza 124* à IES RAMÓN OTERO PEDRAYO.
Ruta SANTA GEMA – IES RAMÓN OTERO PEDRAYO (ED 150221)
SANTA GEMA à Alcampo - Fabrica de Armas – Avda. Montserrat/Eirís – Oncolóxico – Alto de Eirís* - Canteira de Eirís* à IES RAMÓN OTERO PEDRAYO.
* Paradas a distancia inferior de dous kilómetros: usuarios excepcionais sempre que haxa prazas vacantes e non precisen incorporación de acompañante. Serán solicitadas xunto coa matrícula. A utilización das mesmas decaerá se cambian as circunstancias que as xustifican ou se é preciso asignar as prazas a outro alumnado cun dereito preferente.
Lexislación aplicable à Real Decreto 443/2001, (BOE do 02.05.01), Decreto 203/1986, do 12 de xuño, (DOG do 09.07.86), Decreto 160/1988, do 9 de xuño (DOG do 27.06.88), Orde do 1 de marzo de 1991 (DOG do 14.03.91), Orde do 29 de xullo de 1988 (DOG do 01.09.88), Decreto 13/2022 do 3 de febreiro (DOG 11.02.22), Orde do 21 de outubro de 2022 (DOG do 08.11.22).
29 de febreiro de 2024
