O alumnado de 4º de ESO e 1º de Bacharelato participou o venres 10 de maio nunha actividade formativa sobre os Campos de Concentración que funcionaron en Galiza durante o franquismo. Da man do profesor da Universidade da Coruña Carlos Velasco Souto, Doutor en Historia e especialista en Historia Social de Galiza e no estudo do franquismo, o noso alumnado achegouse a unha parte da nosa historia moi pouco coñecida.
O profesor Velasco Souto leva anos estudando a existencia e localización dos Campos de Concentración que funcionaron en Galiza durante a Guerra Civil e na primeira década da ditadura franquista. Neste momento téñense localizados 11, polos que pasaron máis de 30.000 prisioneiros, na súa meirande parte persoas comprometidas co sistema democrático contra o que Franco deu o golpe de estado.
Pica aquí para ler a reseña completa.
