Estimadas familias,
A Escola de Familias do IES Ramón Cabanillas continúa o vindeiro luns día 19 de febreiro ás 20.00 horas na biblioteca do instituto. Recordamos que non é un grupo pechado, podendo unirse quen o desexe cando queira ou poida.
Desta volta imos abordar un tema que preocupa moito, en especial ás familias: a orientación académica e profesional. Para axudarnos, contaremos coa nosa orientadora Nerea López.Reflexionaremos xuntas/os sobre as posibilidades, intereses e preocupacións, e sobre que podemos facer e como o podemos enfocar no noso día a día.
Gustaríanos contar con vós. En caso de ter dificultades de asistencia por conciliación ou por horario poñédevos en contacto co centro e trataremos de buscar alternativas nesta ou en vindeiras ocasións. A vosa presenza é importante.
Nais, pais, avoas, avós, irmás… toda a familia conta na educación das crianzas, animádevos a vir.
Importante: haberá merenda, en caso de contar con intolerancias alimenticias por favor comunicádeo ó centro.
ONDE? Na biblioteca do IES Ramón Cabanillas
CANDO? O luns 19 de febreiro de 2024 ás 20.00 (ou ás 19h30)
