O IES Río Cabe na Olimpíada de Matemáticas 2018
Dous alumnos do IES Río Cabe participaron o xoves 26 de Abril de 2017 na fase de zona da Olimpíada Matemática Galega que se celebrou na localidade de Lugo para o alumnado de 2º de ESO.
Nestas dúas fotografías aparecen na esquerda Denís Díaz Otero e a dereita Saúl Fajardo Iglesias; os 2 alumnos do IES Río Cabe que nos representan nesta competición.
A Olimpíada de Matemáticas é un concurso que se realiza co fin de promover a ensinanza e aprendizaxe das Matemáticas a través da resolución de problemas, dirixido ao alumnado de 2º de ESO, e organizado por AGAPEMA (Asociación Galega de Profesorado de Educación Matemática). Esta é a 20ª edición e a proba, nesta fase, consiste en resolver de forma individual cinco problemas, primando na valoración dos mesmos o método de resolución empregado ou a súa orixinalidade, por enriba da mera solución.
Nesta fase seleccionaranse aos 40 mellores participantes, que acudirán no mes de maio á fase final galega da Olimpíada de Matemáticas para alumnado de 2º de ESO.
Os dous alumnos asistiron a Lugo acompañados da súa profesora de Matemáticas, Trinidad Álvarez González.
