CS Guía, información e asistencia turísticas

GuIAsTu (adultos)

Este ciclo superior, da rama de Hostalería e turismo, ofrecémolo en réxime de adultos, é dicir, modular. Isto permite non só que o alumnado poida formalizar a matrícula por materias soltas, senón que, unha vez aprobado un determinado módulo profesional, este poida serlle certificado e acreditado.

A distribución que temos dos módulos é a seguinte:

- Próximo curso 2023-2024:

-Curso 2024-25:

Márketing turístico ZMPO173

Segunda lingua estranxeira (Francés) ZMPO180

Destinos turísticos ZMPO383

Recursos turísticos ZMPO384

Servizos de información turística ZMPO385

 

 

Estrutura do mercado turístico ZMPO171

Lingua estranxeira Inglés ZMPO179

Formación e orientación laboral ZMPO389

Protocolo e relacións públicas ZMPO172

Procesos de guía e asistencia turísticas ZMPO386

Deseño de produtos turísticos ZMPO387

Empresa e iniciativa emprendedora ZMPO390

A carga horaria é de 30 sesións  semanais de 50 minutos, en cada un dos cursos, de setembro a xuño.

Nos módulos Proxecto de guía de información e asistencia turísticas (26 horas) ZMPO388 e FCT (384 horas) ZMPO391 é posible a matrícula todos os anos, para cursalos no primeiro trimestre do curso, sempre que se teñan superados o resto dos módulos profesionais do ciclo. Poderase adinatar a FCT ao verán, pero a avaliación definitiva será obrigatoriamente en decembro.

Dos documentos que se enlazan, un contén o curriculo de GUIASTU e o outro a instancia para a inscrición que podes baixar (é un pdf editable), cubrilo e envialo ao centro por correo electrónico coa documentación requirida.

Currículo do CS Guia de informacion asistencia turisticas.

Modelo Inscrición_cs_adultos.

ADMISIÓN CURSO 23/24

Presentación da solicitude

Deberase cubrir unha única solicitude para cada modalidade e grao, utilizando o asistente informático que estará dispoñible en www.edu.xunta.gal/fp A aplicación avisará no caso de que fose necesario achegar documentación, que poderá engadirse en soporte electrónico. Non será necesario presentar o resgardo da solicitude nin a documentación nun centro, agás que a aplicación indique que para ser unha solicitude válida terá que ser entregada, xunto coa documentación necesaria, nun centro educativo con oferta de FP sostida con fondos públicos, para ser selada, datada e validada.

No caso de se detectar erros na instancia validada, e só durante o prazo de presentación de solicitudes, poderán xerarse e validarse outra/s solicitude/s de admisión. Só se considerarán os datos da derradeira solicitude validada. Os datos das solicitudes admitidas e excluídas publícanse nas listaxes de solicitudes provisionais e definitivas, que non son listaxes de prazas adxudicadas. Os datos de identificación serán substituídos por un código persoal de consulta (CPC) nas listaxes.

Adxudicación de praza

As prazas adxudicadas publícanse nas listaxes de adxudicación. As persoas con praza adxudicada poden:

-Matricularse: no centro adxudicado e nos prazos establecidos. Tamén estará dispoñible a reserva de matrícula a través da aplicación informática. Quedará en lista de espera dos módulos do ciclo no que se matricule e que non foran adxudicados. Estar matriculado en ESO, bacharelato ou FP (incluída a FCT) ou ter unha praza adxudicada de FP dual ou dun curso de especialización de FP implica a exclusión dos procesos de admisión a ciclos formativos.

- Non matricularse: seguirase no proceso de adxudicación para os módulos nos que estea en espera.

Tamén podedes consultar o seguinte arquivo Instruccións xerais para o curso 23/24.

 

CS de Guía, información e asistencia turísticas - Saídas novembro e decembro 2023

CS de Guía, información e asistencia turísticas. Saídas novembro e decemebro 2023

NOVEMBRO 2023

 

No mes de novembro o alumnado e profesorado do CS de Guías, información e asistencia turísticas viaxamos a Ourense para visitar Xantar, Feira Internacional de Turismo Gastronómico, asistimos ao Foro Territorios Patrimonio celebrado no Parador e participamos no Encontro territorial para a elaboración do Diagnóstico Estratéxico da situación do turismo en Galicia

En Xantar asistimos a exhibicións, catas temáticas, maridaxe, cociña en directo e outras actividades organizadas neste Encontro Internacional sobre Gastronomia saudable e sostible; ademais percorremos os distintos stands dos destinos enogastronómicos máis destacados de España, Portugal e América Latina.

Como xa é habitual participamos na derradeira edición do Foro Territorios Patrimonio celebrado no Parador de Monforte de Lemos. Nesta ocasión o programa de charlas, mesas redondas e outras actividades tivo como lema, "A Ribeira Sacra como centro do debate sobre o futuro do turismo cultural e da riqueza patrimonial como dinamizadora do territorio".

No encontro abordáronse cuestións relevantes para o devir do territoriodende un punto de vista turístico, ambiental, vinícola, patrimonial, de experiencias e da sustentabilidade.

 

Finalizamos as saídas do mes coa asistencia ao Encontro territorial para a elaboración do Diagnóstico Estratéxico da situación do turismo en Galicia impulsado polo Clúster de Turismo de Galicia e a Axencia de Turismo de Galicia celebrado no Centro do Viño de Ribeira Sacra.

 

Sentimos orgullosas e orgullosos de ter participado e aportado o noso coñecemento sobre o territorio da Ribeira Sacra para facilitar a realización dunha diagnose da situación do sector que sirva de base para deseñar a planificación turística para os vindeiros anos na que será a Estratexia do Turismo de Galicia 2014-2030.

 

DECEMEBRO 2023

No ciclo de Turismo comezamos as saídas de decembro cunha viaxe a Castro Caldelas, a mediados de mes asistimos a unha xornada sobre ciberseguridade organizada polo INCIBE e rematamos o mes cunha excursión a Lugo.

O miradoiro de As Penas de Matacás foi o punto de encontro para comezar a visita por terras de Castro Caldelas. Despois de gozar das vistas do Canón do Sil desprazámonos á vila para admirar o casco antigo -declarado conxunto historíco-artístico- e a fortaleza medieval de carácter militar que é o castelo de Castro Caldelas. E, por suposto, antes de marchar, degustamos a súa bica.

A ciberseguridade e a confianza dixital son dous retos importantes aos que nos enfrontamos. Por iso, INCIBE -Instituto Nacional de Ciberseguridad- puxo en marcha #ExperienciaINCIBE por toda a xeografía española. Cando lle tocou a Monforte convidáronnos e alí fomos a xogar nun escape room de ciberseguridade, xogos en liña, pílulas de ciberseguridade,… Un conxunto de experiencias interesantes que teñen o obxectivo de concienciar, educar, promover e difundir a ciberseguridade.

 

Rematamos mes viaxando cos nosos compañeiros e compañeiras da ESA e de BAC de adultos á capital da provincia. Comezamos cunha visita ao Centro Cultural O Vello Cárcere -unha das primeiras cárceres de España de estrutura radial-, continuamos cunha visita guiada aos principais recursos turísticos da cidade de Lugo -muralla romana, outros vestixios romanos, catedral, casco vello e Praza Maior- e finalizamos no Mercado de Nadal.

 

Álbum: Escolares -> 2023_12_21_Saídas novembro e decembro 2023_CS de Guía, información e asistencia turísticas

Alumna do IES Río Cabe 3ª Clasificada no IX Concurso Proxectos Empresariais Semente Ribeira Sacra.

31/10/2023 10:20
Europe/Madrid

O pasado sábado 29 de outubro de 2023 no Parador de Monforte de Lemos a alumna Noelia Rodríguez  do Ciclo Superior de Guía, Información e Asistencia Turística do IES Río Cabe acadou o terceiro premio do  IX Concurso de Proxectos Empresariais Semente Ribeira Sacra, valorado en 4000 euros. 

O seu proxecto chámase Bikarte e consiste  nunha empresa de alugueiro de bicicletas con servizo de visitas guiadas a través dunha App que nos permite coñecer roteiros diferentes con contido cultural, patrimonial, artístico e natural. 

Bikarte pretende posicionarse no mercado de Turismo Activo a nivel nacional e internacional e ser un referente de empresa sostible e responsable co medio ambiente na Ribeira Sacra respondendo á necesidade de mobilidade alternativa ó transporte motorizado tradicional.

O proxecto de Noelia estase convertendo en realidade, grazas á campaña de divulgación que a Asociación Semente de Monforte desenvolve nos Institutos de secundaria e nas universidades galegas. A asociación vai celebrar unha década incentivando proxectos empresariais para dinamizar e innovar no medio rural. Co Concurso de Proxectos Empresariais Semente Ribeira Sacra, a asociación, que engloba a Universidades, Empresas, Administracións e particulares, quere axudar a emprender esas ideas innovadoras que poden mellorar a nosa calidade de vida.

 

Parabéns a Noelia Rodriguez, ó alumnado do Ciclo Superior de Guía, Información e Asistencia Turística do IES Río Cabe, as súas profesoras e a Asociación Semente Ribeira Sacra polo traballo realizado.

   

 

 

Máis información do Concurso de Proxectos Empresarais Semente Ribeira Sacra en:

https://www.sementeribeirasacra.org/

CS Guía, información e asistencia turísticas. Visita territorio do Xeoparque do Courel

O alumnado do CS Guía, información e asistencia turísticas acompañado da súa docente Sol Gonzálezcomezamos as saídas do curso 2023/24 cun percorrido o 19 de setembro por parte do territorio do Xeoparque do Courel; visitamos Montefurado, o CIMAR e a igrexa de San Salvador de O Hospital. 

En Montefurado vimos a aldea, o túnel perforado polos romanos para aproveitar o ouro que traía o río Sil e a igrexa barroca de San Miguel.  Visita, esta última, guiada por Marisol Tomé -exalumna do Ciclo e guía oficial-. 

Roberto Castro, tenente de alcalde do Concello de Ribas de Sil, foi o encargado de mostrarnos o último museo do Xeoparque Mundial da Unesco “Montañas do Courel”, o CIMAR -Centro de Interpretación da Minería Aurífera Romana-. 

Rematamos a saída coa visita guiada a unha igrexa que estivo ligada ao hospital medieval de pobres e peregrinos fundado pola Orde de San Xoán de Xerusalén na zona,San Salvador de Hospital. De novo foi Marisol Tomé, con gran profesionalidade,  a responsable de mostrarnos o edificio e algunas pezas de destacado interese como o retablo maior barroco, a pía bautismal,  a escultura de San Bartolomé Vello,…

 

 

Práctica de visitas guiadas

No mes de maio comezamos as prácticas do módulo de Procesos de guía e asistencia turística no CS de Turismo.

 A primeira visita, “Camiño de inverno, un itinerario máis?”, estivo a cargo de Ana. Un roteiro con saída de Diomondi onde visitamos a igrexa e o pazo episcopal, hoxe albergue de peregrinos, continuamos polos codos, antiga calzada romana, e rematamos en Belesar.

 Con Montse percorremos “A ruta do panadeiro” que nos levou dende Ferreira ata Marce pasando por Recerende, Sta Mariña e A Míllara.

 

 “Coñece a túa cidade” é o título da visita organizada en conxunto por todo o alumnado de Turismo para o grupo de 3° da ESO. Nesta práctica empregáronse códigos QR para mostrar información e dar pistas para identificar os distintos recursos patrimoniais da cidade de Monforte de Lemos.

   

 A finais de mes saímos destino ao Grove para a excursión que preparou e executou Diana, “O Grove, unha isla”, convisita ao CIPES -Centro de Interpretación da Pesca e da Salga-, explicacións sobre o marisqueo e visita guiada en catamarán pola ría de Arousa.

  

 “Una pizca de Ribeira Sacra”, práctica de Sara polos muiños, o mirador e o castro do Xábrega e o mirador dos Chancís.

    

 

 Bea y Ricardo organizaron para nós, “El gran tour de El Bierzo”. Comezamos a visita na Galería e Mirador de Orellán dende onde tivemos as mellores vistas das Médulas -antigas minas romanas de ouro-, continuamos no Castelo dos Templarios en Ponferrada, viaxamos a un dos pobos máis bonitos de España, Santiago de Peñalba, visitamos o Pazo de Canedo e rematamos en Vilafranca do Bierzo.

      

 E para finalizar as prácticas, Martín levounos a navegar polo Miño e invitounos a unha degustación de viños e de produtos locais nunha adega de garda na súa visita, “Miño+Bodega Ecosacra”.

     

 

 

 

BECAS MEC CURSO 23/24

INFORMACIÓN IMPORTANTE:

Comunicamos que xa saíu publicada a convocatoria das becas  MEC de carácter xeral para o vindeiro curso 2023/24 (dirixidas ao alumnado de ensinanzas postobrigatorias: BAC, FP grao medio e superior, curso de acceso e preparación para probas de acceso á FP, Ensinanzas artísticas profesionais e superiores, Ensinanzas de idiomas en Escolas Oficiais, Ensinanzas deportivas, estudos relixiosos superiores, Universidades e ademais FP de grao básico).

Prazo de solicitudes para o curso 2023/24: do 27 de marzo ao 17 de maio de 2023.

Achegamos enlace á convocatoria e a páxina web do Ministerio onde poderedes obter toda información sobre a solicitude das becas.

https://www.becaseducacion.gob.es/normativa/c/normativa.html

https://www.becaseducacion.gob.es/becas-y-ayudas/fp-bachillerato-otros/tipos-de-becas.html

Ciclo de Turismo visita Madrid: 1º Día

O CS DE Guías, información e asistencia turísticas comezamos as actividades de 2023 da mellor maneira posible, viaxando a Madrid para asistir a FITUR ‐Feria Internacional de Turismo‐ e ao tempo facer outras actividades como visitar a exposición inmersiva,Tutankamon, ir ao teatro, facer unha visita guiada pola cidade ou visitar unha axencia de viaxes referente a nivel nacional.

 Despois dunha entretida viaxe en tren chegamos a Madrid, desprazamos ao hotel onde nosaloxábamos ‐preto da Praza Maior‐, fixemos o check in e saímos hacia Matadero Madrid para ver a unha chea de tesouros, tumbas, templos e misterios do antigo Exipto. Trátabase dunha exposición inmersiva con experiencias fantásticas de realidade virtual, xogos interactivos de realidade aumentada, unha animación de 360º que cobre as catro paredes e o chan, paneisinformativos,…; todo elo tendo como protagonista ao Faraón Neno, Tuntankamon, no Exipto do 1300 a. C.

 

 

O xoves 19 de decembro tocaba FITUR!!!

A 43ª edición dunha das feiras turísticas máis importantes que este ano mostrábase optimista por poder viaxar sin restricións. O lema, “Viaja al Centro… del Turismo”.

 

A primeira visita foi a Galicia. O noso lema, “Unha viaxe enogastronómica e sostible”. Esa é a aposta da Xunta de Galicia para consolidar a nosa Comunidade como destino de referencia.

 

Listaxes provisionais de solicitantes a ciclos formativos de grao superior

Sen fas click no enlace seguinte atoparás a listaxe provisional de solicitantes a ciclos formativos de grao superior. O periodo de reclamación á listaxe provisional vai dende o día 8 de xullo ata o 12 de xullo ás 13:00h.

Listaxe provisional solicitantes ciclo superior

Aberto proceso de inscrición Ciclo Superior Guía, Información e Asistencia Turísticas

 

Queres traballar  planificando, promocionando e informando sobre destinos turísticos, guiando e asistindo a viaxeiros e clientes pola Ribeira Sacra, así como en terminais, medios de transporte, eventos e outros destinos turísticos?

 No IES Río Cabe temos a  resposta.

Aberto o proceso de admisión ao Ciclo Superior Guía, información e asistencia turísticas.

 

Distribuir contido