Queres traballar  planificando, promocionando e informando sobre destinos turísticos, guiando e asistindo a viaxeiros e clientes pola Ribeira Sacra, así como en terminais, medios de transporte, eventos e outros destinos turísticos?

 No IES Río Cabe temos a  resposta.

Aberto o proceso de admisión ao Ciclo Superior Guía, información e asistencia turísticas.

Dende o día 23 de xuño ata o día 5 de xullo ás 13:00h estará aberto o prazo de presentación de solicitudes para o acceso aos ciclos en réxime ordinario e para persoas adultas.

A solicitude deberá realizarse mediante o asistente informático vía web para todos os réximes e graos, agás para o segundo curso do réxime ordinario.

Tamén podes consultar:

- Instrucións sobre como realizar a solicitude vía web.

- Vídeo infomativo.

 Queres descubrir os segredos da capital da Ribeira Sacra?

Convidámosvos a coñecer Monforte de Lemos da man do alumnado do Ciclo Superior de Turismo, que realizou un vídeo promocional na nosa cidade como proxecto final do módulo de Francés.

Parabéns a todo o alumnado implicado e a súa profesora Noelia Besteiro!! Moi bo traballo!!

On y va!

No Ciclo de Turismo comezamos as actividades do mes de abril cunha cata sensorial de viños de Ribeira Sacra na sala do Centro do Viño.

O maestro de cirimonias, David Pascual, presidente da Asociación Galega de Enólogos.David disertou sobre os diferentes aspectos que fan especial unha zona vitícola: terreo, clima, orientación, altitude e prácticas culturais.

Para rematar, cata guiada: visual, olfativa a copa parada, copa axitada, en boca e barboteo.

Unha experiencia enolóxica moi, moi top!

Os días 20, 21 e 22 de xuño terán lugar os exames finais  do CS Guía, información e asistencia turísticas. Os horarios das  probas podes descargarlos no seguinte arquivo.

A avaliación final realizarase o día 23 de xuño.

Para coñecer en profundidade  o Plan de Sostenibilidade Turística Ribeira Sacra contamos coa presenza, na aula do CS de Guías, información e asistencia turísticas, da xerente do Consorcio de Turismo, Alexandra Seara.

A charla versou sobre as liñas de actuación do Plan: Mobilidade sostible, paisaxe cultural, transformación competitiva, gobernanza colaborativa e produto, marketing e intelixencia turística. 

Unha ponencia interesante e didáctica que se alargou cun coloquio moi participativo por parte de todo o alumnado presente.

Sempre é un pracer contar con profesionales da talla de Alexandra Seara e co seu bo facer para achegar a realidade turística da Ribeira Sacra á aula.

Convócanse os premios extraordinarios de Formación Profesional de grao superior correspondentes ao curso 20/21. Xuntamos  a Orde do 8 de marzo que se publicou no DOG o  pasado luns día 21.

O prazo de presentación de solicitudes será dun mes, contado dende o día seguinte ao da publicación no DOG.

Para máis información https://www.edu.xunta.gal/portal/node/36528

Este mércores 13 de outubro o alumnado do Ciclo de Turismo e da ESA fixo unha interesante visita aos pobos asolagados polo encoro de Belesar. Unha aproximación a un drama vivido no mes de xaneiro de 1963 polas xentes que vivían nas beiras do río Miño, entre Portomarín, a poboación máis importante das asolagadas, e o muro da presa en terras de Chantada.

Fixemos un percorrido a pé dende o antigo Portomarín ata A Ferreiroá, unha aldea situada a 2 quilómetros río abaixo e que se conserva en moi bó estado. ademais tamén foi escenario de películas e curtos coma Krebinsky. Desfrutamos da paisaxe e da natureza, achegándonos á súa historia, á vida das súas xentes e ao trauma  dun desaloxo á forza, contra o que non cabía oposición nin resistencia.

 Despois de volver a pé ao punto de partida, coñecemos o novo Portomarín ao que se trasladaron algúns dos elementos máis salientables da vila asolagada. Chama especialmente a atención a igrexa de San Nicolás, magnífico exemplo de templo-fortaleza románico.

O pasado venres, 3 de setembro, fíxose pública a relación de alumnado galardonado nos premios  extraordinarios de formación profesional de grao superior correspondentes ao curso 2019/20.

A nosa ex-alumna do Ciclo Superior de Guía, información e asistencia turísticas,  Iria García Golmar, resultou premiada na familia profesional Hostalaría e Turismo.

Dende este centro educativo queremos darlle a noraboa por este premio ao esforzo persoal e excelencia educativa. Parabéns ao seu profesorado e titora Soledad González .

Grazas Iria por elixir o IES Río Cabe para completar a túa formación, sempre lembraremos o teu sonriso,  boa disposición, compañeirismo e excelente  facer.

Moita sorte no que emprendas!