Nesta última avaliación o alumnado de 1º de ESO estivo a traballar no proxecto Donas de si ca temática “Feitos de muller”. Tocaba neste último momento abordar as mulleres da súa contorna e para iso comezaron analizando o rueiro monfortino e indagando en quen foron e que achegas tiveron. Para iso, como tarefa final realizaron uns marabillosos murais que están colgados nun dos corredores principais do centro.

Deste xeito, puideron coñecer máis sobre mulleres como Inés de Castro, María Emilia Casas Baamonde ou Mari Paz de Tor. Todo un coñecemento profundo que nos fixo analizar a escasa presenza femenina no rueiro monfortino sobre o que realizaron unha breve reportaxe periodística .