!Froita fresca nos recreos¡

 

    

Durante as semanas do 23 ao 27 de maio; do 30 ao 3 de xuño e do 6 ao 10 de xuño vaise repartir a froita fresca no recreo. A entrega farana os titores de cada grupo. 

 

Por que froita nas escolas?

 


O alarmante incremento de cifras de obesidade infantil e enfermidades cardiovasculares en adultos levou á Comisión Europea a formular un plan para a promoción de hábitos saudables como o consumo de froita, desde idades temperás.

Fondo solidario de libros de texto e axudas para adquirir libros de texto e material escolar para alumnado matriculado en secundaria obrigatoria en centros docentes sostidos con fondos públicos para o curso escolar 2016/2017

A Orde do 27 de abril de 2016  regula a participación no fondo solidario de libros de texto e convoca axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2016/17.

Orde do 27 de abril de 2016 (DOG)

Prazo para presentar solicitudes
 
  • 1. O prazo para presentar solicitudes iniciase o día seguinte da publicación da orde no Diario Oficial de Galicia e rematará o día 23 de xuño de 2016 (este incluído).
  • 2. O alumnado que, unha vez transcorrido o prazo indicado, se incorpore a un centro docente sostido con fondos públicos procedente de fóra de Galicia ou dun centro situado en Galicia pero non sostido con fondos públicos poderá presentar a solicitude no prazo dun (1) mes contado a partir do día seguinte á formalización da matrícula. Non se poderán presentar solicitudes despois do 31 de marzo de 2017.
  • 3. O alumnado que repita 4º da ESO no curso 2016/17, cando non tivese presentado solicitude de axuda para adquirir libros de texto e material escolar no prazo indicado, tamén poderá presentala no prazo dun (1) mes desde a formalización da matrícula.

Viaxe a Porto co Proxecto Terra dos alumnos de 4º da ESO

Os días 3 e 4 de maio os alumnos de 4º da ESO participaron nun intercambio territorial con Porto dentro do marco do Proxecto Terra.

 

A Tradescola organizou un obradoiro de regueifas no IES San Rosendo de Mondoñedo

cartaz odtrad mondoedo2016-01

A Tradescola, escola de música tradicional xestionada pola Asociación de Gaiteiros Galegos en Lugo, achegouse ao IES San Rosendo de Mondoñedo para impartir un obradoiro de regueifas o lúns día 25 de abril. Con estas xornadas, a Tradescola pretende achegar a tod@s @s rapaces e rapazas a nosa música e a nosa cultura tradicional, dun xeito ameno e didáctico.

O obradoiro foi impartido por Josinho da Teixeira, mestre regueifeiro da contorna de Vigo, que leva recorrido Galicia denda hai anos levando a improvisación e a tradición da música oral de Galicia por todolos rincóns do país.

@s alumn@s de 4º da ESO do IES San Rosendo coñeceron a historia do arte da improvisación en todo o mundo, centrándose na regueifa con mais presenza en Galicia, onde traballaron o ritmo, a técnica, a rima así como a improvisación.

san rosendo nuevo

Distribuir contido