Actividades

O 18 de xaneiro tivo lugar na biblioteca un novo Faladoiro para debater sobre a asunción de responsabilidades. Alumnado  de todos os cursos da ESO  compartironopinións sobre os grandes problemas que se producirona raíz da nevada do mes de de xaneiro.Quen debe asumir responsabilidades en casos coma este? 

O día 20 de decembro, os alumnos de 3º ESO percorreron a ruta interpretativa de Ferrol Rebelde, un paseo polos cen anos de historia obreira na cidade naval. Trátase dun sendeiro que vai dando saltos no tempo para divulgar "a historia heróica dun pobo traballador".

Coñecer o seu pasado axuda a construír o camiño do futuro da nosa cidade.

O noso instituto foi convidado a participar neste acto promovido por Voluntariado Galego da Xunta de Galicia. No salón de actos do Centro de Innovación Cultural da Cidade da Cultura de Galicia en Santiago de Compostela, Aldara, Ángel, Estela, Sergio e Uxía comentaron o noso proxecto Camiños e interviñeron nun programa de radio, acompañados por Conchi e Juan do Centro de Maiores de Afundación Abanca. Foi unha unha experiencia moi enriquecedora na que se valoraron as experiencias interxeracionais e intercentros.

Proximamente engadiremos os vídeos. 

Os Equipos de Dinamización  e Biblioteca contaron  coa colaboración de numerosos Departamentos didácticos e tamén co Concello de Ferrol  no desenvolvemento das actividades destinadas a informar e sensibilizar ao alumnado sobre o terrible problema da violencia contra as mulleres. Desenvolvéronse ao longo da última semana de novembro.

✅ O chan do  corredor da Biblioteca foi cuberto con  siluetas negras  que simbolizan ás mulleres asasinas a mans das súas parellas,  e nas paredes  espuxéronse paneis  cos tráxicos datos que arroxa este esta lacra social ano tras ano.  ( colabora:  Departamento de Plástica )

 ✅ Entrevistas na Biblioteca nas  que alumnos e alumnas entrevistan aos compañeiros/as con preguntas destinadas a reflexionar sobre o tema da violencia contra as mulleres  e a sensibilizar sobre o problema aos máis pequenos. ( colaboran: Voluntarios Biblioteca, Correspondentes Xuvenís e  Ciclo Formativo de Vído DJ).

 ✅ Faladoiro sobre o maltrato ás mulleres. Os alumnos  de  2º de BAC  que cursan a materia de Voluntarios da Biblioteca realizaron pesentacións Power Point  que serviron para analizar  desde moitas  perspectivas o problema do machismo e das súas funestas consecuencias.

O faladoiro foi dirixido polos propios alumnos de 2º de BAC que conseguiron que houbese moitas  intervencións  e que se fixeran reflexións  moi  interesantes.

 ✅ Organización dun  ‘role playing’ no  que os alumnos/as interpretan   pequenas dramatizacións por parellas ou grupo,  destinadas a  dar a coñecer situacións de machismo na vida cotiá  entre os rapaces,  e así  empatizar coas persoas que as padecen, como paso para  poder préstarlles axuda. ( Ciclo Formativo, Voluntarios Biblioteca e Correspondentes Xuvenís).

 ✅ Distribución entre o alumnado participante de lazos solidarios (  realizados polos alumnos de Voluntarios Biblioteca) , pegatinas  (  deseñadas  polo Dep. de Plástica) e camisetas ,bolsas e carteis  co lema Ferrol en Negro ( proporcionadas polo Concello de Ferrol).

 ✅ O día 14 de decembro  desenvolveuse na Biblioteca unha sesión do faladoiro para seguir reflexionando da violencia de xénero e as súas terribles consecuencias. Unha vez máis houbo interesantes opinións e reflexións sobre o tema. 

 O día 28 de novembro tivo lugar na Biblioteca unha nova sesión do Club de Lectura.  Nesta ocasión estaba destinada aos alumnos de 1º de ESO. Unha vez máis os máis pequenos sorprendéronnos  coa súa sensibilidade e espontaneidade. Todos eles recitaron poemas que eles mesmos escolleron nunha selección de libros aos que puideron acceder na mesa de poesía  que se montou na Biblioteca. 

O día 23 de novembro  celebramos na Biblioteca un novo faladoiro co tema dos movementos migratorios para continuarmos co noso Proxecto Camiños de Futuro. Foi unha sesión moi interesante que combinou os testemuños dos  rapaces e rapazas coas achegas de varias profesoras que compartiron historias e materiais  gráficos de antepasados que emigraron.

Houbo moita participaciôn de alumnado de todos os cursos.

O muro de vida da Biblioteca encheuse de  poemas e frases alusivas a émigración. 

 Co gallo do Mes da Ciencia nas Bibliotecas Escolares, realizamos una videoconferencia sobre Divulgación Científica a cargo de Darío García exlumno do IES Saturnino Montojo que agora estuda en Madrid 3º de Bioquímica. Darío estivo no noso Programa de Correspondentes Xuvenís desde 3º de ESO ata que marchou do Centro. Agora segue colaborando connosco desde Madrid. Nesta ocasión compartiu cos alumnos de 4º o seu interese pola divulgación científica que é fundamental para dar a coñecer á sociedade os avances da ciencia.

Unha vez máis a nosa biblioteca foi punto de encontro para empregar a videoconferencia como plataforma de transmisión de coñecementos.

 Ademais adquirimos libros sobre divulgación científica.

Foi un grande privilexio contar con Francisco Castro a través de videoconferencia e compartirmos con el as reflexións o seu libro O Neno Can. Os alumnos fixéronlle  preguntas sobre o libro, sobre o seu traballo como escritor e responsable da editorial Galaxia.  Francisco contestou a todas as preguntas e quedamos encantados coas súas reflexións  claras e moi enriquecedoras.

O tema escollido este ano: AS EMOCIÓNS. Poemas seleccionados de varios autores (selección a partir de obras da nosa biblioteca)

Foi moi  interesante participar novamente neste certame de poesía e compartir as emocións con outros institutos de Ferrolterra  e con rapaces de todas as idades.

Un ano máis os nosos participantes fixérono  estupendamente e quedaron con ganas de máis.

O día 24 de outubro No IES SATURNINO MONTOJO celebramos o Día Internacional das Bibliotecas realizando diversas actividades todas destinadas a gozar dos libros e converter a nosa biblioteca escolar nun espazo vivo no que investigamos e respondemos preguntas sobre libros co alumnado de ITI de 2º de ESO e cos rapaces e rapazas de 1º de ESO de Oratoria achegámonos á poesía, seleccionando textos que nos emociona par adespois recitalos na próxima sesión do club de lectura. Tamén escoitamos a autoras recitar os seus poemas.

Ir á Biblioteca e descubrir os seus tesouros é moi divertido!