Información Xuvenil

O Instituto da Xuventude, Injuve, convoca axudas económicas para favorecer o traballo dos mozos/as creadores/as, coa finalidade de fomentar a actividade creadora, facilitar a súa promoción e a difusión da súa obra, á vez que propiciar a súa incorporación ao ámbito profesional, mediante a axuda a proxectos a desenvolver durante o ano 2020 no ámbito das artes visuais, escénicas, musicais, literarias, así como nos do deseño e o cómic e ilustración

A Tarxeta Xente Nova é a tarxeta de transporte metropolitano de Galicia que permite realizar viaxes interurbanas gratuítas.

Quen a pode utilizar?
Mozos de entre 4 e 20 anos, porque os menores de 4 anos xa viaxan gratis no transporte interurbano. Cando cumpras 21 poderás seguir usando a tarxeta ata que se esgote o saldo.

Xa podes disfrutar da exposición virtual das ilustracións seleccionadas polo Injve no concurso #30díasencasa

http://www.injuve.es/creacionjoven/noticia/ilustraciones-30diasencasa

Desenfocadas, sen encadre, con pouca luz... Cantas veces lle teremos botado a culpa ao noso móbil pola mala calidade das fotos cando era só cuestión de falta de pericia ou de técnica. Por iso, bota a andar Clic Xanela, un curso de fotografía en liña con sinxelos consellos impartidos por Óscar Corral.

O Concello da Coruña quere que a mocidade se manteña en forma durante estes días de confinamento, para iso publica unha serie de exercicios en liña, entre os cales hai varios específicos para mozos e mozas.

Trátase de trinta audiovisuais creados e gravados polas monitoras e monitores das Escolas Deportivas Municipais, deseñados especificamente para practicar na casa durante o Estado de Alarma e adaptados ás distintas idades, distribuídos en vídeos de quecemento para todas as idades, vídeos para infantil e xuvenil (de 6 a 17 anos) e vídeos de exercicios para maiores de 18.

https://www.coruna.gal/deportes/gl/actividades/en-lina

A consellería de Educación publica as instruccións para o desenvolvemento do terceiro trimestre do curso académico 2019/20

A CIUG, Comisión Interuniversitaria de Galicia, ven de publicar na súa web os modelos de exames para a ABAU 2020:

https://ciug.gal/gal/abau/modelos

O equipo de Correspondentes Xuvenís do IES Saturnino Montojo de Ferrol envíanos o cartel do encontro interxeneracional que mantiveron o día 9 de marzo coas mulleres do Espazo +60 de Afundación

Parabéns pola iniciativa!

A editora vasca Astiberri abriu ao público de xeito gratuíto a edición electrónica de El Héroe volume 1, obra do ourensán David Rubín. A primeira parte desta novela gráfica, que marcou o despegue internacional do autor, está dispoñible no marco da iniciativa "Astiberri en pixama", coa que a editora convida a ler de balde varias das súas obras en catálogo ademais de propor actividades e encontros virtuais con diferentes autores para o período de illamento.

El Héroe: https://www.astiberri.com/products/el-heroe-vol-1 

Outras bandas deseñadas dispoñibles en aberto: https://www.astiberri.com/posts/astiberri-se-queda-en-casa