Dende o 24 todos tiñamos un fondo pesar polo acontecido en Santiago. Hoxe soubemos que o drama afectou a Laura, unha das nosas alumnas de E.S.O. que viaxaba no tren. Ela salvouse afortunadamente, mais perdendo a dous familiares moi directos e queridos.
Unha fonda aperta a Laura, aos seus, ás demáis víctimas e os seus familiares e amigos.
E un recoñecemento a todos os voluntarios e profesionais que fixeron todo o posible por axudarlles nesas longas e difíciles horas.
A Asesoría de Bibliotecas ven de comunicar a relación provisional de axudas á mellora de bibliotecas escolares para o vindeiro curso, na que está incluída a do Sofía Casanova. Era esta unha vella arela do centro, e este ano vaise facer realidade, grazas en boa medida aos esforzos do grupo de traballo de biblioteca.
Hoxe é Día Mundial do Medio Ambiente: moitos pensan, con razón que estas conmemoracións deberian ser todos os días, pero aproveitamos para lembrar que hai moito por mellorar en Ferrolterra e unha parte a podemos e debempos facer cada un de nós.
Nun salón de actos abarrotado polo alumnado, as súas familias e o seu profesorado tivo lugar o acto de despedida dos 91 alumnos e alumnas da promoción 2012-13 de 2º de Bacharelato.
Hoxe están a ter lugar os actos preparados polo alumnado de 1ºD e de 4º A e B para conmemorar o Día das Letras Galegas, que este ano está adicado ao dramaturgo santiagués Roberto Vidal Bolaño.En primeiro lugar veremos unha presentación sobre a vida e a obra do escritor homenaxeado e, a continuación, Andrea Rivera, Jorge Trillo, Laura Freire e Inés Falcón de 4ºA e Elina Bardanca e Alicia Bugallo de 4ºB, farán unha lectura dramatizada de fragmentos seleccionados obras do autor.
Lémbrase que o 
