De "Cantares Gallegos" fixéronse moitas edicións e con portadas variadas.

O alumnado de E. Infantil de 5 anos atreveuse a deseñar a súa propia portada deste libro de Rosalía de Castro.

Mirade que ben lles quedaron!!

Este venres, 8 de febreiro, seguindo coas actividades da "Aula por parroquias", descubrimos moitas anécdotas e historias da vida do pazo de Brandeso, grazas á colaboración desinteresada de Moncho. Este home é unha persoa afable que nos deleitou coas súas lembranzas; historias que lle contaba a súa avoa, que traballou neste pazo, e que non aparecen recollidas en ningún libro.

Nesta aventura acompañáronnos os nenos e nenas de Infantil 4 anos-B, que tamén viñeron coa súa mestra Finita escoitar estes relatos.

Grazas Moncho por estes minutos tan fermosos que nos regalaches!!

Para inculcar nos/as máis cativos/as valores como a ecoloxía e o respecto pola natureza e todos os seus seres, é indubidable que se precisa da actuación das familias. Por iso na aula de 4 anos do noso cole propuxémoslles aos pais e as nais que elaborasen cos/as pequenos/as "debuxos" con froita na merenda e logo lle mandases fotos á titora. Todos e todas escolleron o tema da primavera, a natureza ou os animais para as súas "obras". A participación foi estupenda e os resultados inmellorables.
Ollade que creacións tan orixinais!

E por fin chegou o esperado día por todo a alumnado de Educación Infantil...viaxamos ao Grove!!

Alí, visitamos o Acuario, para seguir co xantar na Illa da Toxa. De volta a O Grove subimos ao catamarán para ver o fondo mariño, onde poidemos observar de preto as bateas e degustar un riquísimos mexillóns.

Coma sempre, non deixamos de sorprendernos e desfrutar da paisaxe costeira...non hai mais que ver as nosas caras!

Saída Grove by Slidely Slideshow

Un ano máis, todo o alumando de Educación Infantil participamos nos Peque-Xogos de Primavera, pasámolo xenial xogando aos bolos, á carreira de relevos, aos sacos, aros musicais e tira a corda.

peque.xogos by Slidely Slideshow

Lalaralalala, lilirililili, lolorolololo, a lingua Lola encántalle cantar, pero tamén lle gusta percibir novos sabores, iso nos contou Thais. Como  a nós o que nos gusta e experimentar, aquí nos tedes probando alimentos doces, salgados e ácidos...que difícil distinguilos!! Seguiremos degustando!

Preme aquí para ver o ben que o pasamos e o moito que aprendemos nas sesións de estimulación da linguaxe en Educación Infantil

O pasado día 23 de outubro, todo o alumnado de Educación Infantil realizamos unha saída Avifauna. Pasámolo xenial!

Preme aquí se queres descubrir todas as aves que vimos. E a ti, cal che gusta máis?

Así recordamos a Rosalía de Castro na aula de 3 anos...

O pasado mes de outubro os nenos e as nenas de 3 anos sementamos unha castaña e unha landra.