O noso centro participou, grazas á voluntariedade de sete representantes de 3º de ESO, na Iª Olimpiada Iunior de Xeografía de Galicia que se celebrou presencialmente na Facultade de Xeografía e Historia de Santiago de Compostela. No curso pasado tamén participaron a nivel autonómico e modalidade on-line. Presentouse alumnado de dezaoito centros diferentes de toda Galicia. Ningún dos nosos representará a Galicia na olimpíada a nivel estatal pero foi un bo día de confraternización.