O venres 23 de febreiro conmemoramos, un ano máis, a figura de Rosalía de Castro. Para celebralo puidemos gozar de diferentes actividades ao longo da mañá.

Empezamos coa lectura da manifesto AELG para continuar cun recital de cantigas populares recollidas en Outes e zonas de ao redor, que nos recitaron algúns compañeiros e compañeiras de 3º ESO.

Despois, alumnado de 1º e 2º ESO dramatizou o poema "Miña casiña, meu lar" e ao rematar puidemos asistir a unha divertida actuación do coñecido grupo de Outes A Tajea. 

Ao rematar o concerto houbo unha carreira de sacos "poética", na que os e as participantes tiveron que compoñer uns poemas da poetisa homenaxeada. Tras a emocionante e esgotadora carreira prestou degustar un rico caldo de Gloria que Rosi, coa axuda do alumnado de 3º ESO, cociñou ao longo da mañá.