Secretaría, Libros de Texto, Comedor

Estimadas familias!

Dende hoxe e ata o vindeiro día 6 de febreiro estará aberto o prazo para reservar praza para o vindeiro curso 22/23 no IES A Paralaia, centro ao que estamos adscritos.

Para facelo poderedes:

• Empregar a aplicación ADMISIÓNALUMNADO e presentala a través da SEDE electrónica, para o que deberedes contar cun medio de identificación electrónico (certificado dixital ou Chave 365). AQUÍ tendes a ligazón para acceder.
• Presentala no centro, no que haberá copias da solicitude á vosa disposición.

Para calquera dúbida que teñades non dubidedes en chamarnos ao centro.

Moi boas, familias!

Deixámosvos a información dos libros de inglés de primeiro e segundo.

Para 1º:

MACMILLANENGLISH QUEST 1 PUPIL´SBOOK PACK
ISBN 9780230443808

Para 2º:

MACMILLANENGLISH QUEST 2 PUPIL´SBOOK PACK
ISBN 9780230443822

A listaxe de material publicarase en setembro.

Aproveitamos para desexarvos moi bo verán a tod@s!!

Vémonos en setembro!!

Comunicamos que todas as familias que solicitaron praza para as súas fillas/os para o curso próximo no centro foron admitidas. Porémonos en contacto con todas vós no momento en que haxa que facer a matrícula.

Tal e como se recolle na ORDE do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (código de procedemento ED550A e ED550B) debemos publicar as vacantes dispoñibles antes do 1 de marzo.

No noso centro quedaría como segue:

Lembramos as datas máis relevantes:

O prazo de presentación de solicitudes abranguerá do 1 ao 22 de marzo.

Publicación listaxes provisionais de persoas admitidas e excluídas, antes do 25 de abril.

Publicación das listaxes definitivas de persoas admitidas e excluídas, antes do 15 de maio.

Formalización de matrícula para Infantil e Primaria, do 20 ao 30 de xuño.

NOTA: Só se poderá entregar unha solicitude de admisión, na que se poderán facer constar por orde de preferencia ata 6 centros.