Secretaría, Libros de Texto, Comedor

A xornada de portas abertas terá lugar o 19 e 26 de Febreiro a partir das 17:00 horas. Aquí tedes toda a información:

Aquí deixámosvos o enlace para a solicitude de matrícula do novo alumnado. Premede na ligazón.

En arquivo adxunto deixámosvos manual explicativo para formalizar a citada matrícula. 

Premede na imaxe para ver toda a información sobre o procedemento para a admisión do alumado para o curso 2018-2019.

PROCEDEMENTO DE ADMISIÓN DE ALUMNADO PARA O CURSO 2018/2019

O Decreto 254/2012, do 13 de decembro, publicado no DOG do día 26 de decembro, regula a admisión de alumnado en centros docentes sostidos con fondos públicos que imparten as ensinanzas do segundo ciclo de educación infantil, de educación primaria, de educación secundaria obrigatoria e de bacharelato regulada na Lei orgánica 2/2006, do 3 de maio, de Educación, desenvolvido pola Orde do 12 de marzo de 2013, publicada no DOG do 15 de marzo (corrección de erros DOG do 24 de abril de 2013).

Por Orde do 25 de xaneiro de 2017, DOG número 22, do 1 de febreiro de 2017, modifícase a Orde de 12 de marzo de 2013 para a súa adaptación ás novas disposición da Lei 26/2015, do 28 de xullo, de modificación do sistema de protección á infancia e á adolescencia (BOE número 180, do 29 de xullo de 2015), e para dar o soporte xurídico necesario para implementar a aplicación informática “admisiónalumnado”. 

Calendario do procedemento de admisión e matrícula para o curso escolar 2018/19

Para o curso escolar 2018/19 os prazos previstos nesta orde para a tramitación dos procedementos de admisión e de matrícula do alumnado, son os seguintes: 

Reserva de praza para o centro ao que estamos  adscrito: IES PARALAIA

Do 1 ao 15 de febreiro o alumnado de 6º poden presentar a reserva de praza (anexo I) para o IES A Paralaia (entregarase esta reserva no noso centro). Tamén poden cubrila  na aplicación admisionalumnado en Solicitudes-Solicitudes de reserva – Crear solicitude e unha vez cuberta deberase presentar no noso centro.

O alumnado que non faga a reserva de praza no período establecido perderá o dereito de preferencia e terá que cubrir unha solicitude de admisión no período ordinario.

A reserva de praza é vinculante. Si se desexa solicitar outro centro, terá que formalizarse unha renuncia a dita reserva no centro na que se fixo antes do 1 de marzo e presentarase copia desta renuncia no centro no que se presente a solicitude de admisión.

A presentación de solicitude de admisión noutro centro estando vinculado por reseva ao centro adscrito (IES Paralaia), tamén conlevará a perda de dereito de preferencia.

Do 1 ao 20 de marzo realizaran a presentación de solicitude de admisión no centro elexido (ED550B) todos aqueles que non fixeran a reserva de praza no IES Paralaia. 

Presentación en prazo ordinario de solicitudes de admisión

 Do 1 ao 20 de marzo realizarase a presentación das solicitudes de admisióN (ED550B). 

O/a proxenitor/a ou representante do alumnado deberá achegar coa solicitude de admisión a seguinte documentación:

 a) Copia do DNI da persoa solicitante e dos membros computables da unidade familiar, cando denegue a súa consulta.

b) Documento acreditativo do requisito de idade do/da alumno/a.

c) Documento acreditativo de estar en disposición de reunir os requisitos académicos exixidos en cada nivel educativo ou etapa nos termos do anexo II, neste caso é o Certificado oficial do expediente académico.

d) Convenio regulador ou resolución xudicial de separación xudicial ou divorcio, se é o caso. 

Importante ter en conta que:

1º. Que cada alumna e alumno só pode presentar unha única solicitude no centro no que solicite praza en primeiro lugar, a infracción desta norma determinará a perda dos dereitos de prioridade que poidan corresponderlle. 

2. O alumnado que ten garantía de permanentcia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe. 

3. O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

OFERTA DE PRAZAS VACANTES NO CEIP ABELENDO

EDUCACIÓN INFANTIL:

EDUCACIÓN INFANTIL 4º NIVEL (3 ANOS): 22 VACANTES + 3 NEAE.

EDUCACIÓN INFANTIL 5º NIVEL (4 ANOS): 16 VACANTES.

EDUCACIÓN INFANTIL 6º NIVEL (5 ANOS): 16 VACANTES.

EDUCACIÓN PRIMARIA:

PRIMEIRO CURSO DE PRIMARIA:   16 VACANTES  + 3 NEAE.

SEGUNDO CURSO DE PRIMARIA:  9 VACANTES.

TERCEIRO CURSO DE PRIMARIA:  16 VACANTES.  

CUARTO CURSO DE PRIMARIA:  17 VACANTES.

QUINTO CURSO DE PRIMARIA:  6 VACANTES.

SEXTO CURSO DE PRIMARIA: 13 VACANTES.

ÁREA DE INFLUENCIA:

Abelendo, O Lago de Abelendo, Aguiero, O Cruceiro, O Outeiro, Carballadasna, Sanchilán, Ameixoada, curva da Pandiña parte norte da estrada, Casal de Abaixo ata a Porta do Cego e Sanchilán, Os ladrados, Estrada PO-313 parte de arriba ata o Mirador da Fraga (Broullón, Sabaceda, Marrúa e Paradela).

 Convidamos a visitar o CEIP Abelendo ós pais/nais de nenos-as da zona que cumpren tres anos no 2018, ós pais/nais de nenos-as da zona que pasarían para 1º curso de primaria ou  para outros cursos no vindeiro curso escolar e que puideran estar interesados en reservar praza no CEIP Abelendo.

XORNADAS DE PORTAS ABERTAS

MARTES 27 ÁS  17;00 HORAS

 MARTES 06  MARZO ÁS 17: 00 HORAS