Skip to Content

Visitamos CastroDeza

Dom, 25/03/2018 - 19:47 — admin

O pasado martes 20 de marzo visitamos CastroDeza en Lalín onde aprendimos dun xeito interactivo, moderno e divertido un pouquiño máis sobre a cultura castrexa. Traballamos con barro e mesmo aprendemos a empregar unha fusaiola e o liño nun especie de tear. 

Pasámolo moi ben e desfrutamos moitísimo!!

Aquí tendes algunhas fotos da visita.

Axudamos á protectora de animais do Carballiño PACA

Mér, 14/03/2018 - 19:03 — admin

O colexio CEIP Virxe da Pena da Sela (O Irixo) iniciou unha actividade solidaria de recollida de penso para os animais da protectora do Carballiño. 

Propúxeronnos colaborar tamén para que o día da convivencia, que terá lugar no Irixo a finais de marzo, fagamos unha cadea humana para entregarlle ao persoal da protectora o penso recadado por todos os colexios participantes.

A idea é superar a recadación do ano anterio e, para iso, estaría ben que cada neno trouxese un kilo de penso, para tal fin. É unha actividade completamente solidaria e voluntaria para quen queira participar e axudar aos animais da protectora, polo que non é obrigatorio traer penso. 

Non obstante, animámosvos a participar. 

Xa temos todo isto recadado!!!

 

Aprendemos sobre protección civil

Mér, 14/03/2018 - 18:56 — admin

Onte visitaronnos os nosos amigos da Brigada de Protección Civil de Beariz para darnos unha charla sobre cómo actuar en caso de emerxencia. Explicáronnos sobre as situacións de risco ás que nos podemos enfrontar no centro ou na casa como poden ser un incendio ou unha ferida sangrante. Tamén nos avisaron a qué número chamar: 112. 

Tamén nos ensinaron o camión de bombeiros e mesmo nos deixaron probar os extintores para saber manexar un se nos vemos na necesidade.

Velaí unhas fotos. 

Entroido, por fin!!

Mar, 13/02/2018 - 19:01 — admin

O venres 9 de febreiro celebramos no cole o Entroido. Todos e todas nos disfrazamos de superheroes con disfraces que fixemos nós mesmos. Esperamos a que amainara a choiva e puidemos saír a desfilar polo pobo. Fomos á Casa do Concello, ao Centro de Saúde, á Residencia de Anciáns, ao supermercado e á panadería. Divertímonos moito. 

Xoves de comadres!!

Mar, 13/02/2018 - 18:55 — admin

O pasado xoves 8 de febreiro celebramos o xoves de comadres. Hoxe tocoulle ás rapazas perseguir aos rapaces para quitarlles as súas comadres. Aínda que as rapazas esforzáronse por atrapalos, os rapaces tiveron máis aguante e varios conseguiron conservar a súa comadre. Todas e todos pasamos un bo rato. 

Velaí algunhas fotos. 

Día de Compadres no colexio

Sáb, 03/02/2018 - 15:53 — admin

O xoves 1 de febreiro celebramos no colexio o Xoves de Compadres, unha tradición ourensá típica do Entroido, na que as rapazas deben correr cos seus "compadres" evitando que os rapaces llos quiten e destrocen. As rapazas demostraron ter moito aguante.

Pasámolo moi ben!!

Pola Paz no mundo

Mar, 30/01/2018 - 20:26 — admin

Hoxe celebramos o día da Paz e para iso reunímonos todos e elaboramos un mural reutilizando os tapóns de botellas de plástico. A través do mural puidemos reflexionar que o mundo precisa paz e que esta paz conseguese traballando xuntos e respectando as nosas diferenzas. Despois elaboramos unhas botellas cunha mensaxe na que explicabamos qué era a paz para cada un de nós. Obtivemos unhas reflexións moi interesantes.  Aquí tendes algunhas fotos.

O día da Ilustración e de Castelao

Mar, 30/01/2018 - 19:42 — admin

Hoxe fixemos unha visita á Barcia na biblioteca con motivo da celebración do día da Ilustración e do nacemento de Castelao. Alí, recibimos a visita dun escritor do lugar, que se ofreceu a lernos un dos seus relatos para que nós despois o puidésemos ilustrar. Tamén, falamos de Castelao e mesmo comentamos aspectos sobre a súa peza teatral Os vellos non deben de namorarse. Velaí algunhas fotos. 

 

Participamos en Deporte Escolar!!

Dom, 28/01/2018 - 13:02 — admin

O pasado 18 de xaneiro participamos na segunda modalidade de Campo a Través en Puzo do Lago de Maside. O día parecía soleado en Beariz, pero ao chegar a Maside a néboa era espesa. Corrimos entre a néboa pero ao final o sol fixo acto de presencia. Aínda que no quedamos entre os primeiros postos, pasamos un bo rato.

No blogue da Agrupación Deportiva Arenteiro tendes acceso ás imaxes do evento e ás clasificacións do noso alumnado en cada categoría. 


Aprendemos sobre os dentes e os seus coidados

Xov, 18/01/2018 - 19:46 — admin

O venres 12 de xaneiro viñeron a explicarnos por cantos dentes está formada a dentadura, qué é unha ortodoncia e cómo podemos coidar os nosos dentes. Ademais, por portarnos tan ben déronnos un agasallo moi chulo. 


Distribuir contido


by Dr. Radut