SAÍDA 3ºEP - MUSEO DO MAR

E xa para rematar coas saídas relacionadas co Proxecto de Ciencias vencellado ao paso do tempo, que levamos a cabo nos cursos de 1º a 4ºEP, deixámosvos unhas imaxes dos nenos e nenas de 3ºEP que se achegaron ao Museo do Mar de Vigo para coñecer as diferenzas da pesca no pasado e no presente.

SAÍDA 4ºEP - MUSEO MUNICIPAL DE PONTEAREAS E CASTRO DE TROÑA

O pasado martes, o alumnado de 4ºEP visitou o Museo Municiapal de Ponteareas e o Castro de Troña.

Puideron ver como eran as vivendas e os obxectos que fabricaban os nosos antepasados castrexos. Pero non só iso, senón tamén restos de materiais propios da Prehistoria atopados na comarca do Condado!

Non podían crer que cousas da Prehisotria e da Idade Antiga, etapas que tanto traballaron neste trimestre (como parte do proxecto de Ciencias no que traballaron conxuntamente de 1º a 4º), aínda se conservan hoxe en día.

Unha mañá chea de sorpresas e aprendizaxe!

25N: "TI ES UNHA PEZA IMPORTANTE"

Onte tivemos o acto contra a Violencia de Xénero despois de tratar o tema nas aulas durante a semana pasada.

Lourdes, a xefa de estudos, foi a encargada de presentar o acto no que dedicou unhas palabras sobre a violencia exercida contra as mulleres, non só física senón tamén psicolóxica.
Despois alumn@s de 6º de Ed. Primaria leron un manifesto sobre esta data, e por último tod@s xunt@s gardamos uns minutos de silencio en lembranza ás vítimas, mentres a mestra Amanda nos acompañaba co seu violonchelo. 
#25N #tiesunhapezaimportante
Esta actividade estivo organizada polos equipos de Convivencia e Imaxe e Actividades Complementarias e Extraescolares.

PROXECTO CIENCIAS E SAÍDA MUSEO DO MAR

No proxecto de Ciencias deste 1º trimestre no que traballamos conxuntamente os cursos dende 1º a 4º de Ed. Primaria estamos de cheo estudando o paso do tempo.

Como o estamos a enlazar co proxecto de Centro, que este curso serán OS XOGOS OLÍMPICOS, o tema central no que imos afondar é, como non podía ser doutro xeito, a IDADE ANTIGA, e en particular a civilización grega.
Pero en 1º e 2º quixemos ir máis ao pasado aínda, e fomos ao MUSEO DO MAR a lembrar a etapa da Prehistoria. Coñecemos a unha nena chamada Mariñona e o seu gran invento: a cerámica.
Tamén fomos visitar o acuario e dar un paseíño polos arredores xa que tivemos a sorte de ter un día solleiro.
#museodomardevigo #museodomardegalicia

SAÍDA 5ºEP - QUIÑONES DE LEÓN E MUSEO DO MAR

Os alumnos/as de 5ºEP visitaron o Museo Quiñones de León e o Museo do Mar para realizar a actividade "Salvemos a ría"

O SISTEMA SOLAR

@s alumn@s de 5º de Ed. Primaria están a traballar en ciencias o Sistema Solar, e montaron esta bonita exposición de maquetas:

Moitas grazas ás familias pola vosa colaboración!

O MAGOSTÍN

ASÍ GOZAMOS DA NOSA FESTA!
Houbo xogos súper divertidos coma o lanzamento de castañas, carreiras de sacos, pose terrorífica,.... e logo comemos as castañas quentiñas! Mmmm!
Tamén podedes ver que decoramos as portas das clases e os corredores do cole terroríficamente xenial!
Moitas grazas ás familias pola vosa colaboración!
Houbo unha gran participación no concurso de historias terroríficas organizado polo equipo de Dinamización da Lingua Galega, e que despois foron contadas aos máis pequen@s do cole. 
En clase de plástica plurilingüe este ano o dedicamos aos monstros/monsters, e tamén fixemos moitas actividades nas outras áreas sobre o Magosto e o Samaín, as dúas festas de outono máis importantes da nosa cultura galega.
Esta actividade estivo organizada polo equipo de Actividades Complementarias e Extraescolares.
 Samaín, MAMÁ CABRA

INAUGURACIÓN DA NOSA BIBLIOTECA "XELA ARIAS" no Día das Bibliotecas

Comezamos o día 24, Día das Bibliotecas, presentando as novas instalacións aos nos@s alumn@s onde puideron lembrar como era a biblioteca antes e ver como é agora despois da ampliación do espazo e a reforma. Tamén se lles informou das normas e de como temos que coidala para que tod@s poidamos gozar dela.
Ao acto de presentación acudiron o Xefe Territorial de Educación e a Directora Xeral de Ordenación e Innovación Educativa que trouxo uns agasallos para a nosa biblioteca. Tamén estiveron presentes a alcaldesa de Ponteareas e o concelleiro de Educación. Por outra banda, asistiron representantes do CRA "A Picaraña", representantes de FANPO e da Anpa O Loureiro Ponteareas quen donou un conto á Biblioteca e aos que lles damos as grazas! 
Pola tarde invitamos a tod@s os pais e nais a vir visitala e que puidesen comprobar o bo traballo feito polo noso equipo de Biblioteca, coa coordinadora, a mestra Diana, á cabeza e en colaboración co equipo directivo, aos que queremos felicitar polo bo traballo! 
GRAZAS A TOD@S 

PROXECTO DE CENTRO - OS XOGOS OLÍMPICOS

COMEZAMOS O ADESTRAMENTO PARA OS XOGOS OLÍMPICOS DE PARÍS 2024!

Quixemos dar comezo ao proxecto de centro deste curso cunha andaina á beira do Río Tea facendo exercicio en contacto coa natureza; compartindo un magnífico día de outono en convivencia e apostando polos hábitos saudables.

Os máis pequenos do cole quedaron na Moscadeira, os medianos chegaron ata o merendeiro de As Searas, e os maiores foron ata a Ponte das Partidas, en Moreira. Un xeito tamén de coñecer o noso Concello e as súas rutas de sendeirismo.

GRADUACIÓN 6ºEP

Despedimos ao noso alumnado de 6º desexándolle a mellor das sortes nos seus camiños!
Aquí tedes a vosa casa!

Nos seus últimos días no cole fixeron unha saída a Tui cunha inmersión lingüística en inglés onde pasaron 3 días divertíndose cun montón de actividades a cargo de @nubra.nbr e o acto de graduación de Ed. Primaria onde lembraron o paso polo cole e os seus mestres e mestras que os acompañaron todos estes anos.
#graduaciónprimaria

Distribuir contido