Este curso a nosa mensaxe de PAZ resoou a ritmo de latucada. Uníndonos ao proxecto ”Latas pola Paz”, unha iniciativa da ONG malagueña Admundi.
Regalamos contos de Paz: os axudantes de biblioteca traballaron como contacontos durante este mes, preparando contos e contándollos, na biblioteca, aos compañeir@s
Coma todos os anos, o día 24 de febreiro celebramos o nacemento de Rosalía cunha homenaxe á poeta.
Cada clase elixiu un dos poemas de Cantares Gallegos, obra que no 2013
celebra os 150 anos da súa publicación. Os nen@s memorizárono e gravamos o resultado. Algúns ata se convertiron en poetas e dedicaron os seus versos a Rosalía.
A poesía de Rosalía de Castro ofrece infinitas formas de lectura segundo o momento do día no que a lemos, segundo o noso estado de ánimo , a compañía ou o lugar que eliximos para lela.
Ademais, o recitado de poemas axuda a desenvolver a imaxinación e a creatividade , a cultivar a nosa capacidade de concentración e memoria e, ao mesmo tempo, esperta emocións , sentimentos e pensamentos que alimentan a nosa vida para sempre.
Como este ano estamos desenvolvendo en todo o cole o proxecto Con Efrén nos Xogos Olímpicos, decidimos que esa sería a temática dos disfraces deste ano.
A celebración arranca co xoves de comadres e o seguinte xoves tamén corremos os compadres. Vaia troula!
Como @s profes están obsesionados coa a actividade física, aproveitan todas as celebracións, festas e conmemoracións para levantarnos da cadeira e exercitar os músculos,...que non todo vai ser cultivar neuronas...!
Houbo desfiles, actuacións moi curradas e rematamos co baile de enmascarados... no que participamos tod@s, alumn@s, mestres, antiguos alumn@s que non se queren perder a festa e numerosos pais, nais, avós....
@s de Educación Infantil elixiron o deporte da esgrima para os seus disfraces:
1º EP - As artes marciais
2º EP - Os ciclistas de Toén de Troulada
3º E 4º EP - Atletas gregos
5º e 6º EP - As Sacerdotisas de Hestia, que velan polo lume olímpico
- Outro grupo de 3º ciclo escolleu a hípica.
Ao equipo de xinetes tamén se uniu a "in-fanta", en representación da casa i-real.
Escribimos o que sería a nosa copla humorística como verdadeiras chirigotas de Toén.
Nós comprometémonos a celebralo todos os días, por iso asinamos este Manifesto que naceu na clase de educación infantil e foi medrando polas aulas. Queres oílo?
Dispoñedes dun cartaz con actividades interactivas, contos, vídeos para traballar na aula.
So tedes que entrar no Blog da Biblioteca - BLOGUESQUÍO
Tratamos de ir salpicando a tod@s e, pouco a pouco, iremos xuntando unha marea de Paz
Cada profesor/a na súa aula está a realizar actividades para conmemorar o Día da Paz e non Violencia, pero estas son as actividades nas que participaremos tod@s en conxunto:
1ª Pinga de Paz.
LIBROS QUE ALIMENTAN
Esta iniciativa solidaria parte da biblioteca escolar.
Organizamos unha Feira Solidaria na que podedes "adoptar" os libros que vos interesen, e a cambio traeredes un quilo dalgún alimento non perecedeiro.
Os alimentos recollidos entregarémosllos ao Banco de Alimentos de Ourense e aos Servizos Sociais do Concello de Toén.
Polo cole xa teñen pasado moitos pais e nais e xa temos 4 caixas cheas de alimentos.
Peo aínda quedan moitos libros que desexan ser adoptados.
ANIMÁDEVOS e compartide a idea c@s vos@s amigos e familiares.
2ª Pinga de Paz.
O MUNDO É GRANDE. (letra Mamá Cabra e música Leroy Anderson- O reloxo sincopado)
No blog de Mamá Cabra podedes descargar esta canción e un feixe delas máis.
A canción que eliximos este ano para traballar todo o centro é O MUNDO É GRANDE, con letra de Mamá Cabra e adaptada á música "THE SYNCOPATED CLOCK" (eu sempre a voltas co inglés) do compositor Leroy Anderson.
The students in Grades 5 and 6 and the teacher have written the song in English, e tamén a cantamos en inglés.
Acompañamos con percusión de madeira, seguindo o compás, á vez que facemos unha sinxela coreografía, máis exactamente uns sinxelos movementos de desprazamento cara dereita, cara atrás, agachámonos, facemos un círculo... sen perder o ritmo "sincopado do reloxo"
Coma todos os anos tamén cantaremos o noso himno:O ROCK SEN GUERRA.
3ª Pinga de Paz.
Os rapaces de 6º están montando e editando un vídeo baseado na canción O mundo é grande.
4ª Pinga de Paz
Na clases de 2º e 3º Ciclo están a ler o libro "O neno can" de Fina Casalderrey e Francisco Castro.
Podedes visitar o Blog da biblio e facer un feixe de actividades interactivas trala lectura do libro.
5ª Pinga de Paz
Escribimos un manifesto da Paz que foi medrando a medida que viaxaba polas clases.
6ª Pinga da Paz
Publicaremos o 2º número do Noticieiro pacífico.
Os rapaces convértense en xornalistas e escriben noticias sobre temas humanitarios, respecto aos dereitos humanos, resolución de conflitos, convivencia, compañeirismo, é dicir, noticias que non adoitan aparecer nos xornais.
O día 12 do 12 ás 12, escoitouse en Galiza un berro. Un berro que non tiña idades, unha homenaxe á nosa lingua, á nosa cultura, ás nosas raíces, ás nosas xentes... A NÓS.
No ano do centenario do nacemento de Celso Emilio Ferreiro, tod@s estivemos no punto de encontro: alumn@s, mestres, nais, persoal laboral ... para participar nun recitado colectivo (iniciativa da Coordinadora galega de equipos de normalización e dinamización lingüística).
Coma formiguiñas, traballamos a reo durante uns días...
Pintamos un mega cartel
Escribimos parte do poema no patio.
Rapeamos...
Este foi o produto: dentro vídeo!!!
Este é un video resumo coas fotos do noso traballo:
RecitandoCelsoemiliO
Ao rematar o mes de decembro tamén remata o ano do centeario do nacemento do poeta celanovés Celso Emilio Ferreiro, un dos poetas mais representativos da literatura galega da segunda metade do século XX.
Nós tamén quixemos sumarnos a esta iniciativa e comezamos o pasado mércores pintando no patio os primeiros versos deste poema. (podedes ver algunhas fotos no mural de abaixo) Ata houbo mamás que nos axudaron!
Convidámosvos a que vos acheguedes ao centro o día 12 de decembro ás 12 e participedes connosco nesta actividade.
España é un país moi antigo e formado por moitos pobos diferentes.
En 1978 o pobo español decidiu regularse por normas democráticas.
Para iso redactouse un documento que recolle como debemos comportarnos entre nós e coas demais nacións.
É o que chamamosCONSTITUCIÓN.
Pica na imaxe e poderás ler os artigos que forman a Constitución Española de 1978
A mensaxe destas dúas cancións, moi populares nos anos da transición española cara a DEMOCRACIA, aínda está vixente na actualidade, despois de máis de 30 anos:
Estas son as celebracións, festas e conmemoracións destas datas:
O día das bibliotecas escolares
A semana do 24 de outubro adicámoslla á Biblioteca. Diariamente, na hora de ler, achegámonos á biblioteca ou acudimos a calquera curruncho que nos pareza acolledor, xunto c@ nos@ afillad@ e lémoslle un conto.
O apadriñamento lector é a nosa actividade favorita destes días.
A biblio do cole foi o espazo máis solicitado
Brayan apadriñou a Joel.
O Samaín
Ambientamos o cole, tallamos cabazas, escribimos esconxuros noxentos e outros non tanto e ilustrámolos.
Os profes organizaron unha Ginkana de xogos tradicionais. Participamos en todos: O peón, o xogo da ra, o xogo da cuchara e a castaña, o brilé e o Sogatira.
Iván Alejandro e Candela nun momento
do xogo da culler e a castaña
Lucía e Rodrigo vestindo o peón.
Begoña e Lali, as profes castañeiras. Vaia enchente de castañas que nos zampamos! Estaban riquísimas!... a proba foi que as comemos todas, á vez que nos tiznabamos a cara para marchamos para casa guap@s, guap@s.
O Magosto rematou cunha canción colectiva "O outono chegou". Nós aproveitamos calquera ocasión para mover o esqueleto!!!
Lemos O Neno Can, de Francisco Castro e Fina Casalderrey e con motivo do XXIII aniversario da Convención dos dereitos da infancia, @s nenas e nenos de 6º fixeron cadansúa presentación en ppt.
Este é un exemplo:
Dereitos nenos, presentación en ppt from Águeda Glez. (pica no título)
Esta 
"
"Habla, pueblo, habla"
