Animación á lectura
Despedida
Ola nenos e nenas! Despídome de todos ata setembro. Deséxovos un bo verán e unhas felices vacacións. Un bico moi graaaaande. Déixovos esta manualidade para que vos entreteñades un anaco facendo o voso mini-libro. Podedes personalizalo e decoralo como queirades.
Quero agradecer o labor realizado polos alumnos e alumnas de sexto de Primaria e ao seu titor neste curso na biblioteca do colexio. Tamén agradecer a colaboración da coidadora. A todos eles doulles as grazas como coordinadora da biblioteca, xa que a súa participación foi moi importante para o desenvolvemento desta. Tamén quero desesxarlles aos alumnos de sexto unha boa entrada no instituto.
Moitos bicos,
Mª Luisa
Día do Libro
Para conmemorar o Día do Libro, pásovos este enlace onde poderedes descargar lecturas adaptadas a cada idade.
Tamén podedes confeccionar o voso propio marcapáxinas. Aquí tedes un enlace para axudarvos.
Saúdos para todos,
María Luisa.
Letras galegas 2015 Poemas
Na primavera nacen as flores
que teñen moitas cores.
E tamén crece o xirasol
que xira como Sol.
Victor Ruzo Barros 1º
A xoaniña bonitiña
tiña unha capa amareliña,
uns ollos de cor auga mariña
e moitos lunares rosiña.
Renata Pía Rial 1º
Na primavera
serás a primeira
en ver flores
de todas as cores
Laura Ourens Rabina 1º
Esas preciosas flores
están cheas de cores.
E o caracol
toma o Sol no xirasol.
O paxaro está voando
todo o mundo está xogando.
Beatriz Juanatey Orol 1º
Xa ven a primavera,
e a miña amiga Vera
xoga coas flores
de moitas cores.
Colleu un caracol
que estaba encima dun xirasol.
David Hernando Alvariñas 1º
Vou correndo como un foguete
montado sobre o meu patinete.
Vexo no parque aos meus amigos
patinamos todos unidos.
Rubén Estevez Feijoo 1º
As abellas van en parellas
as bolboretas pasean coas cometas
as formiguiñas comen miguiñas
é primavera e está á miña vera.
Paula Rodríguez Fariña 1º
Na primavera hai moitas flores
de varias cores.
Son moi fermosas
as plantas: margaridas e rosas.
O caracol toma o Sol
enriba do xirasol
para poñerse vermello
como un escarabello.
Xabi Sande Trillo 1º
O ceo azul
No gran ceo azul
voan as gaivotas,
inmenso como o mar.
É unha desgraza
que o contaminen
e eu non poder miralo,
polo meu pescozo,
que o teño mal.
E as nubes moi
fermosas tamén
son, con as
suas formas.
Tomás Ben Fernández 2º EP
Maxia verde
A natureza crece
e as árbores amanecen,
as pombas voan,
o barco cruza o mar.
As follas móvense,
a árbore canta,
a maxia empeza.
Ata o amor o celebra.
Carla Souto Duro 2º EP
O meu mundo
Eu vivo nun mundo
cheo de paz e alegría.
Está tan cheo
de paz e alegría,
que non me podo
resistir a sair
afora e xogar
cos paxariños e as arboriñas.
Sara Rey Vázquez 2º EP
A miña vida
Esta é a miña vida,
non podo queixarme
porque está chea de alegría.
Ás veces vai fatal
pero mais veces é xenial.
Miro dentro do meu corazón
e vexo un mundo de esplendor.
Así é a miña vida!
E como sempre
é moi divertida!
Aldara López Cabarcos 2º EP
Hai moitos animais
Hai moitos animais
que polo mundo han pasar.
Gaivotas, paxariños e moitos, moitos máis.
Vacas pastan
polo prado
verde deste
lugar.
Moitos animais hai
que no mundo queren
ver as cousas
como todos os demais.
Paula Rodeiro Iglesias 2º EP
A nosa terra
En Galicia nacín,
en Galicia me criei.
En Galicia queremos paz,
mellorar o meu mundo.
En Galicia moito mais hai,
dedícanse moitos á pesca.
En Galicia temos unha lingua bonita,
temos que mellorar Galicia.
Nosa terra é a nosa,
Nosas cousas de calidade,
Dende a comida ata natureza
Galicia é a miña terra!
Santiago Caínzos Caballero 2º EP
O mar
Os veleiros pasan no mar
e a min gústame velos pasar
déitome na praia
e vexo o horizonte que é unha raia.
Os cabaliños de mar
buceando vexo pasar
entre as algas fan nacer os bebés.
Sae do home non da muller!
Íria Tosar Porto 2º EP
Polo mar
Polo mar van peixes
que non paran de nadar
xurelos e sardiñas
xogando van.
Cando o miro azul
é o mar co moitas
cores faime marabillar.
Nas suaves ondas
gústame navegar
a súa música faime cantar.
Julia Castanedo Trillo 3º de EP
A PRAIA
Iba camiñando pola orilla do mar
e púxenme a xogar,
eu vin a Noa
que iba nunha canoa,
logo vin a Ramona
que iba moi mona,
na area atopeime unha morsa
que era rosa e moi fermosa.
Laura Riveiro Paz 3º de EP
AS LETRAS GALEGAS
Neste dezasete de maio
temos moito que celebrar
a nosa lingua galega.
Quero palabras bonitas
contenta recitar.
Avoa, bolboreta
irmá, aloumiñar
delicia, coxegas
fanme alegrar
can, pai, nai
teño que pensar ....
Todas son preciosas
e temos que utilizar
Nuria Gándara García 3º de EP
Xosé Filgueira Valverde
Todo un escritor
co seu afán emprendedor
unha morea de libros publicou.
E pasando o tempo,
o seu día chegou!!
Anónimo 3º de EP
A primavera
A primavera todos a esperan
con portas ben abertas,
á primavera todos a queren
todos a aman
e cando chega
con ela ven a alegría e a paz.
María Hilario Gestal 3º de EP
DE VACACIÓNS
Nas pasadas vacacións de verán
fun cos meus pais e o meu irmán.
No parque de atraccións
tiven moitas emocións.
No zoo vimos moitos animais
leóns, cebras, panteras e demáis.
No museo de ciencias naturais
vimos moitos animais, plantas e minerais.
Espero con impaciencia ó verán
para ir de vacacións co meu irmán.
Álvaro Estévez Feijóo 3º de EP
O oso
O oso fachendoso desde o seu xardín fermoso
mira as estrelas na primavera.
Está curioso observando as abellas
que voan a vida enteira.
Ramona a mona gasta moitas bromas
sempre sae airosa do xardín das papoulas.
Noa Sande Trillo 3º de EP
No parque
Corría e corría.
Saltaba e saltaba.
A nena ría
mentras xogaba.
No parque de Oza
cos seus amigos
facíanse mofas
e daban brincos.
Pasaban os anos
e ela crecía
disfrutando sen dano
feliz e tranquila.
Elia é o seu nome
Castaneda, apelido
Os rizos de bronce
luminoso sorriso.
Andrea Souto Pico 3º de EP
A aldea
A miña aldeíña
é moi bonitiña.
Nela teño un can
que se chama Xoán.
Teño a miña avoa
que me comprou unha coroa.
Teño ao meu avó
que é moi bó.
E teño aos meus amigos
cos que como figos.
Tamén teño unha volvoreta
que se chama Antoñeta.
Paula Carballal Rama 4º EP
O Tempo
Os segundos son sonoros.
Os minutos de ouro.
As horas son fermosas,
grazas as súas prosas.
Os días son de pedra,
as semanas de marfíl,
os meses son de ouro,
e os anos son rubís.
Os lustros son moi longos.
As décadas aínda máis.
Os siglos son eternos.
Os milenios quen os vivirá.
Irene Quintela Valiño 4º EP
A Rosalía
Gustaríame Rosalía de Castro ser
pasear polos prados e arboledas
e nas súas fontiñas beber.
Gústanme os teus poemas
as campanas de Bastabales
e os airiños da nosa terra.
Quero facer foliada na romería
co repoludo gaiteiro
tocar e cantar todo o día.
Grazas polos teus poemas, Rosalía
por iso celebramos cada ano
as letras galegas neste día
de valentía, dezasete de maio.
Sara Barreiro Gándara 4º EP
MIÑA NAI
Miña nai é tan fermosa
coma unha rosa.
É tan bonita
coma unha margarida.
É moi amable
con quen fale.
É enfermeira
e cura de beira en beira.
É traballadora
coma unha formiga voadora.
Mateo Franco Tilve 5º E.P.
A IMAXINACIÓN
Eu non teño moita imaxinación
e tampouco son poeta
pero cando estou na habitación
non sei como...esperta!
Imaxino flores, flores faladoras
que tamén son sanadoras...
Un neno as pisa
e caen pola repisa!
Ariadna Alcalde Mahía 5º E.P.
O VERÁN
Xa é verán, época de xogar,
de correr,
de viaxar
e de ler.
Xeados frescos,
as persoas dan,
e os refrescos,
repartiranse no verán.
Tamén é época de nadar,
e bucear,
de vivir,
e de sentir.
Verán, verán,
e as persoas se mollarán
Iván Couto Pintor 5º E.P.
As flores
As flores
son puntos na pradería
de cores intensos
que bailan
ao son do vento
e estíranse ata tocar o sol
derradeiro.
Bailan que bailan
ao son do vento
sen saber se ese
baile é o derradeiro
bailan e bailan
o día enteiro.
Ata chegar a noite
que dormen e dormen
nun sono profundo
que dura máis dun segundo.
E no que elas
envolven ao mundo
con eses aromas
profundos.
Alba González Ramos 6º EP
A choiva
Chove, chove que chove
a auga fresquiña
cae e salpica.
No mar, nas montañas,
nos ríos e nas ladeiras
cae e cae
de todas as maneiras
dun lado pa outro
da esquerda a dereita
de arriba pa baixo
móllame enteira.
No mar, nas montañas
nos ríos e nas ladeiras
vaia onde vaia
móllome enteira.
Escóndome e fuxo
dun lado pa outro
non dou encontrado
un lugar de paz
verdadeiro.
Alba González Ramos 6º EP
Sae o sol
Como todas as mañás,
o sol reloce.
Tan lindo, que o seu roce,
levareino no meu corazón,
con alegría e paixón.
Sobe ao amencer.
Dalle cor aos campos
non ten tempo que perder!
Pois ao mediodía,
todos os mantos
de flores, de herba, ou as rías!
terán que estar enchidos
e moi, moi coridos,
pola luz do sol,
polo seu resplandor.
Cando chega enriba de todo,
está no cénit.
Ve nos campos todo o lodo.
E, sen perder un segundo,
baixa a limpalo todo, todo.
Ao atardecer,
xa está un pouco canso,
Porque aínda que lle gusta o seu traballo,
ten gañas de ir para as nubes, a súa cama, e ler.
E logo soñar, e soñar, e soñar …
Para novas terras descoñecidas explorar.
Pero non rematou o día.
Así que alumea tenuemente a pradería.
E, ao anoitecer,
do cansazo fai caso omiso,
e despídese cun sorriso.
María Rey Fernández 6º EP
Os libros
Nas bibliotecas hai libros,
pero é o normal,
son mellores que Mario Bross
e non o digo por mal.
Teñen letras e tamén debuxos,
con eles caes nun sono profundo,
imaxina un lugar cheo de buxos
no que te divertes nun segundo.
Casteláns de Castela,
tratade ben ós galegos:
cando van, van de tela
e se veñen, traen cogomelos.
Tamén no bosque
está o gran libro
de tócame Roque
que molesta se vibro.
E se chove que chova,
din os galegos,
o libro e ser supernova
o que moitos queremos.
Ningún mar en calma
e ningún libro así,
entraron na miña alma
máis rápido có colibrí.
Que ben definía,
unha boa historia,
a nosa Rosalía
máis feliz que na noria.
En 2015 tócalle a Xosé,
ten ese arte de escritor,
non coma o futbolista Toché,
que é do gol o autor.
Andrea Souto Duro 6º EP
Letras galegas 2015
Xa chegou o mes de maio e con el o momento de recordar e recoñecer o traballo altruista, continuo e silencioso dos labregos da nosa lingua.
Por caer en domingo o 17, o día dos “Cantares galegos”, foi o venres 15 cando fixemos a nosa particular lembranza desta data.
Houbo un baile do alumnado de 4º de Primaria, unha canción có pandeiro a cargo de Sara Barreiro do mesmo curso, lectura de poesías do alumnado de Primaria e entrega de premios, un baile do alumnado de 6º de Primaria e, para remate, participación de todo o alumnado nos xogos populares que se organizaron para a ocasión e que estiveron dirixidos polo alumnado de 5º de Primaria.
Poemas gañadores en versión orixinal
NORMAS DE USO DA BIBLIOTECA
Ola nenos e nenas! Como sabedes, a biblioteca é un lugar máxico e cheo de ilusións, pero para que isto siga sendo así é moi importante que todos participemos e colaboremos no seu bo funcionamento. Por iso é fundamental cumprir as normas de uso da biblioteca que vos deixo aquí.
Pica no enlace: NORMAS DE USO DA BIBLIOTECA
Apadriña 2014/15
O alumnado de 6º de Educación Primaria afecciona á lectura ao novo alumnado de Educación Infantil.
¿Cuándo vienen los mayores?
Dous para un ou un para dous, cada un escolle a lectura ou o lector que máis lle guste.
Nas cadeiras ou non chan, calquera sitio e bo se o tema é interesante.
Hai contos moi interesantes, pero tamén hai quen prefire seguir cós xoguetes. Cada un decide libremente.
E ademáis da lectura hai bicos e abrazos, pero o fotógrafo non estivo lixeiro.
Na Galería multimedia tedes estas imaxes a maior tamaño.
A MOCHILA VIAXEIRA
Ola nenos e nenas! Son a Bruxa Libruxa, e como cada curso teño a importante misión de conseguir que difrutedes da maxia da lectura e que vivades e compartades momentos moi divertidos e de ilusións, a través dos libros da nosa biblioteca.
Por este motivo, un curso máis, puxen en marcha a actividade da mochila viaxeira, dirixida aos nenos e nenas de 1º, 2º, 3º e 4º de Educación Primaria. Esta mochila viaxará de casa en casa cada venres, chea de pequenos tesouros, como son os libros. Espero que a coidedes e que disfrutedes das lecturas propostas.
UN SAÚDO DA BRUXA LIBRUXA!
Os nosos libros. Curso 2013/2014
Ler é unha das actividades máis importantes que podemos realizar, pero escribir tamén o é.
Por iso, dentro do Plan lector, limos para nós, limos para o alumnado de Infantil e creamos historias.
A continuación temos os enlaces que vos permitirán acceder aos nosos contos
Esperamos que vos gusten.
Nadal en Sal Lence
CHEGOU O NADAL Á NOSA ESCOLA!
O filósofo e sociólogo francés Edgar Morin dixo unha vez: "un libro é coma unha árbore da que a semente é levada polo vento, e así nacen novas árbores".
Dende a biblioteca do CEIP Sal Lence, seguimos literalmente esta cita e decidimos deseñar unha árbore de Nadal con libros. Con esta iniciativa, desexámosvos un moi feliz Nadal e próspero aninovo 2014.
Ademais, lembrámosvos que, se non tedes moi claro que pedir ou agasallar nestas festas, o libro é o mellor obsequio que podedes escoller.
A Bruxa Libruxa
BENVID@ DE NOVO!
BENVID@ DE NOVO!
Benvid@, buscador ou buscadora de aventuras imposibles:
Outro curso máis, espérote neste recuncho máxico ao que, na túa dimensión, chamas Biblioteca. Un lugar que definirías, máis ou menos, como un almacén de libros... pero non te equivoques, é moitísimo máis ca iso.
Se alguén me preguntara a mín, eu diría que é unha axencia de viaxes. Si, iso é. Os libros que gardo neste lugar son tíckets de voo. Ou quizais medios de transporte en sí mesmos. Por que? Pois porque cada un deles é unha viaxe a outros países, outros planetas, outros universos, outras épocas. Unha oportunidade de vivir mil vidas, mil situacións diversas: podes coñecer poderosos amigos e inimigos, heroes e heroínas, monstros e fermosas criaturas. Unha vez aberto, cando xires continuamente os teus ollos de esquerda a dereita seguindo o mapa que debuxan as palabras, agárrate ben ás súas ás de papel. Porque agora todo o inimaxinable pode suceder: podes loitar contra dragóns, pisar a lúa, surcar os ceos, vivir no fondo do mar, ser adulto antes de tempo, enfrontar un millón de perigos... e voltar ao teu mundo con tan só pechar o libro.
Ti tes a decisión. Ti tes o poder. Ti controlas os mandos.
Algúns pouco informados chegarán a dicir que estás a perder o tempo lendo, que nada disto é real. Que a lectura non leva a ningures.
PERO...
...se sentiches que acompañabas ao protagonista na súa viaxe; que estabas alí de verdade, ao seu carón, compartindo as súas tristezas e alegrías, as súas vitorias e fracasos; otorgándolle con fidelidade o teu ánimo, a túa forza, a túa amizade; aprendendo infinitas cousas do arredor, da natureza, da vida, de ti... NON teñas dúbida algunha...
TODO FOI REAL.
Aquí estarei sempre, agardándote, coa ilusión de ofrecerche un novo e emocionante tícket de voo.
Viaxar é así de sinxelo.
A Bruxa Libruxa
