O noso centro participa dende o pasado curso nun programa desarrollado pola Consellería de Educación que contempla dotar de miniportátiles e wifi de alta velocidade, ademais de EDI e un servidor aos grupos de 3º ciclo de Primaria. No ano anterior empezou nesta experiencia o grupo de 5º , e no presente incorporouse o grupo de 6º. A día de hoxe a valoración en xeral é de moi satisfactoria

Tamén está contemplada no proxecto a participación directa dos pais e nais, para o que a información relativa e ampliada sobre o proxecto está á súa disposición no Portal Educativo, sobre todo no apartado específico do Espazo Abalar

Este curso a maiores o noso centro forma parte da Rede de Centros Plurilingües de Galicia, polo que a súa oferta educativa se ve modificada.

O ser Centro Plurilingüe, capacita ao noso colexio a impartir unha área non lingüística de 1º e 2º cursos de Primaria, en inglés; no noso caso concreto, estase a impartir a área de Ed. Plástica. Esta oferta verase ampliada nos vindeiros cursos, incorporando ano a ano os sucesivos niveis de Primaria ata completar toda a etapa.

O feito de contar nestes derradeiros anos con dúas Seccións Bilingües nos grupos de 3º e 4º de Primaria na área de Ed. Plástica, tamén en inglés e á vista dos resultados, animounos a solicitar a nosa participación en dito programa.

Se precisa información máis detallada no relacionado a Centros Plurilingües ou Seccións Bilingües, prema nos links correspondentes