ACTIVIDADES COMPLEMENTARIAS

Non todo vai ser deporte neste curso! Por iso tamén reforzamos as nocións básicas de seguridade vial. Como cada ano, contamos con Maqui para poder levar a cabo esta actividade e así continuar sendo unha "Xeración 0,0".

Realizamos unha andaina pola contorna, concretamente pola zona do Terrón. O percorrido foi adaptado segundo a idade do alumnado, co obxectivo de fomentar a actividade física diaria.

Debido a que traballamos diariamente na rede e o alumnado tamén a utiliza no seu tempo libre, consideramos necesario que se empregue con responsabilidade. É por iso que estes días tivemos unha charla de NAVEGA CON RUMBO (por parte dun enxeñeiro informático) e outra de CIBERSEGURIDADE (por parte da garda civil).

O martes visitounos Lúa Piñeiro, a campeona de España de Taekwondo. Con ela os pequenos de Educación Infantil desfrutaron practicando deporte. Que mellor forma de festexar tamén o día da muller! Moitas Grazas pola visita!

Onte o alumnado de 6º de Educación Infantil realizou unha visita ao Centro de Saúde de Vilanova de Arousa. O persoal sanitario tiña organizadas unha serie de actividades moi divertidas en cada unha das estacións: enfermería, medicina xeral, pediatría, análises, fisioterapia, nutrición e urxencias. Dende aquí gustaríanos darlles as grazas, por ensinarnos o seu traballo dun xeito tan lúdico. Foi unha visita do máis interesante!